غلـق الابـواب..

البـاب الاول..

روايه غلـق الابـواب..

الكـاتبه لجين الامين..

ورداتيي لاتنسوو صوتوو بين الفقرات💋
بسـم الله الرحمن الرحيم....
استمتعوو بالقراءه..
ــــــــــــــــــــــــــــــــــــــــــــــــــــــــــــــــــــــــــــــــ.
                           « اذيتـني» 
                       « بگـد ما چـنت»
                       « خايـف عليـك»
                           « وحابـك».
ـــــــــــــــــــــــــــــــــــــــــــــــــــــــــــــــــــــــــــــــــــــــ.

تعرفون شنو اكثر صوت مزعج ممكن تسمعوو
اكيد عرفتوو اي صوت المنبهه
رن المنبه طفيته ورجعت نمت هههه لا تستغربون
اني والمنبه عداوه لا تنتهي

رجعت لعالم الاحلام العالم الي اريد انام علمود ادخل
اله رغم الكوابيس المخيفه والمرعبه لكن احبه.

مرت فتره وكعدت على صوت دكات باب
مديت جسمي براحهه فركت عيوني
وصحت ـــ منوو
اجاني صوته ـــ اني

كمت حطيت حجاب على راسي وفتحت الباب
ـــ هاا ذو الفقار شكوو
ذو الفقار ـــ واحد يسلم يكول شي بي حظ انتِ تكولين شكوو
ـــ يعني المن هل رسميات..  يله شتريد

ذو الفقار ـــ ام فراس عدنه ورقيه تكول خل تجي تساعدني
ـــ بس لو اعرف شعدهه جايه من الصبح
ذو الفقار ـــ ساعه بـ2:30 يا صبح

صفنت بوجهه. هاي شنو ليمته صارت بـ2 شدعوه يابه
ـــ دخوش يله راح انزل
راح بدون ميكول شي

غسلت وجهي لبست تراك سود لون زيتوني وشال اسود
المهم نزلت لكيت رقيه و اسيل و مريم كاعدات يمهه
ونسوان عمي ثنينهم موجودات

كانت جايه هيه وياهه اربع نسوان ثنين عمرهم صغيرر يصير وثنين كبارر

اهووو شهل شله التعبانه
ـــ السلام عليكم
كلم ردو ـــ وعليكم السلام

ام فراس باوعت لي بتك عين
اوي فدووه هاي شبيهه استغفرالله

تخوزر بالبنات وكل شوي منطيتني نضره عود هيه  اخوف وكذا اويي

كامت رقيه اجيب الضيافه من المطبخ
باوعت على ام فراس تخوزر بيه ياا هاي شبيهه
ابتسمت بوجهه گولبت عيونهه ياا هاي حتى الزعاطيط مايسووهه

درت عيوني شفت رقيه شايله صينيت عصيرر وبيهه گليجهه ( كلش احب الگليجه)

كمت اتقدمت اخذ  الصينيه منهه
ـــ رقيه انطيني اني اوديهه
رقيه ـــ لا اني اودي هاي واكو بعد صينيه بالمطبخ روحي جيبيهه
ـــ تمام بس لا تنطين ام فراس اني اريد انطيهه

باوعتلي باستغراب رادت تسأل
ـــ لا تسألين روحي وبس
هزت راسهه وراحت

دخلت للمطبخ واني شكوو فكره شيطانيه براسهه اف
لو اركع ام فراس بالكلاص وافشخهه