غلـق الابـواب..

البـاب الخـامـس

#روايه_غلق الابواب

#الكاتبه_لجين الامين

ورداتي لاتنسوو تصوتو بين الفقرات 🌹

بـــسم الله الرحمــٰن الرحيــم

استمتعوو بالقراءه....
ــــــــــــــــــــــــــــــــــــــــــــــــــــــــــــــــــــــــــــــــــــــــ.

♡     فريــال    ♡
~~~~~~~~~~~~~

رند ـــ تذكرين صادق ابن خالتي قبل فتره خطبني ومارديتله جواب بس هسه خابرت امي گلت الهه تخابر خالتي وتگلهه موافقه اني.

انصدمت من كلامهه معقوله توافق علي وهيه مرتين خطبهه وهاي المره الثالثه وبعدهه مموافقه

فريــال ـــ هوب هوب شدا تحجين أنتِ من كل عقلج

رند ـــ بكيفي

فريال ـــ لا تخبليني رند أنتِ ماتحبينه وراح تضلمينه وتضلمين نفسج بهذا القرار تردين تبتعدين وتنسين ذو الفقــار روحي زوري الامام اخذي امج وروحي سفره ابقي كم يوم وتعالي بس لا توافقين والله العظيم تندمين بعدين

رند ـــ مراح اندم ولا شي هوه يحبني وخطبني اكثر من مره وهسه اني اريد اوافق

فريال ـــ يمعوده تحجين صدك أنتِ منو ذاك اليوم تگول بس يرجع افگس عيونه منو تگول احط النع..  بحلگه شبيج بابه لاتتسرعين تره والله اطيح حضج هسه

رند ـــ بعد اني خابرت امي وهسه اكيد هيه خابرت وانطتهم جوابي

فريال ـــ ياجواب رند ياجواب أنتِ صادق تكرهينه كره مو طبيعي شنو هسه حبيتي.

ـــ ماحبيته بس اريد اشوف حياتي اريد اجبر نفسي انسااا وهذا احسن حل هاا ويجوز راح تتغير نضرتي اله بعد الخطبه وابقى احبه

ضليت بس صافنه عليهه ما اعرف شنو احجي وياهه رند عنيده كلش واذا خلت شي براسهه تسوي واني منا محترك گلبي من بروده وكلامهه

ومستحيل اخليهه توافق على صادق لان هيه ماتحبه وهم راح تسوء حالتهه النفسيه راح تكبت بداخلهه اكثر وراح تندم وتلوم نفسهه واني مستحيل اخليهه تورط نفسهه بهيج شي

فريال ـــ اخذي راحتج وفكري زين ولا تتسرعين بقرار تمام

هزت راسهه واخذت جنطتهه وگالت
ـــ اني راح اخذ تكسي وارجع للبيت

ـــ تمام
خليتهه تروح لوحدهه احسن وهم مراح تقبل اني اوصلهه

اخذت نفس ودخلت للمستشفى شفت ذو الفقــار گاعد يتصفح بتليفونه وباقر گاعد بالكرسي المقابيله ومرجع راسه ليوره ومكتف ايدي ونايم

تقدم باتجاه ذو الفقــار وگعدت اردف بدون مايباوعلي

ذو الفقــار ـــ شبيهه رند