اول يوم في جامعه ميلان :
ميلان : تثاوبت اهههخ يالله صباح خير اخيرا اول يوم جامعه احس اني خلاص كبيره محد قدي لفت يمين تاخذ جوالها الا الساعه ٦:٤٠ افف بدري يمديني الحين اتروش واتجهز قامت من سريرها طلعت لها اوتفيت حلو جينز وبلوزه قصيره مع اكسسوار خفيف وجاكيت عشان البرد وراحت تتروس بعد ماتروشت ولبست وخلصت نزلت تحت عند امها وابوها يفطرون
ام ميلان : يالله صباح الخير ميمي تو مايبدا صباحنا ورا ميلان ليلان
ليلان : خير يعني صباحكم يبدأ فيها ومايبدا فيني انا وعبست ليلان وبوزت فمها تمثل الزعل
ابو ميلان : افا يا بنيتي انتي مو بس تو يبدأ صباحي انا تو يبدا يومي بشوفتك
ليلان: وهي نازله مع الدرج مبتسمه لابوها وتسلم عليه وتبوس راسها وكذالك امها
ميلان : غيوره سبحان الله
ليلان: اص ماني غيوره
ميلان : اي واضح
ام ميلان: خلاص ياطفلات باقي ماكبرتو وعقلتو
والكل يضحك
.............
عند ام صقر : وهي تصحي صقر مع ان نومه ثقيل
تناديه ياصقرر صقر قوم لاتتاخر عن دوامك!!
ابوصقر: هاذا كبر وماعقل يبي له تاديب نعامله كانه طفل عمره سنتين لازم نصحيه
ام صقر : علامك انت عليه انا الحين بخلي ارجوان تروح له بالغرفه
ارجوان : خلاص لاتتعبون حالكم انا بروح له فوق
... بعد مارجوان راحت فكت باب الغرفه وهي تنادي صقر
ارجوان : صقر صقر قوم قوم امي تقول قوم وهي تلحن الكلام صقر وهو يصحى ويهبد المخده عليها ويصارخ بعصبيه : الله ياخذك انتي وصقر اسكتييي يا مزعجههه اطلعي وسكري الباببببب
ارجوان وهي انخرشت من صوته الثقيل خلاص اسفه بطلع بس امي تقول قوم عشان دوامك
صقر بتانيب ضمير : خلاص امزح وهو يمسح براسها بس ثاني مره صحيني زي الخلق
ارجوان ب ابتسامه : ابشر يلا بروح افطر عشان ماتاخر على المدرسه
صقر : باخذ لي دش سريع
........
عند أهل ميلان
ابوميلان: يوهه صارت ٧ انا تأخرت على الدوام خلي احد يوصلكم مدراسكم
ليلان: انا بروح مع ارجوان بلبس شنطتي عباتي وبروح لهم
(بيت اهل صقر وأهل ميلان بينهم ثلاث بيوت ف قريبين من بعض)
ابوميلان: اجل ياميلان روحي معهم يوصلك صقر ولا محمد
ميلان بعبس : افف وليييل!
ام ميلان : يالله قومو البسو وروحو لعمكم لايروحون ويسحبون عليكم انا بنظف وانام تعبانه
ميلان: ابشري من عيوني الحين اروح البس
.......
عند ارجوان
يمه يمه: ام ارجوان : وصمه وش تبين
ارجوان : ترا ميلان وليلان بيروحون معنا نوصلهم
ابوارجوان: اجل خلو صقر يوصلكم دامه بطريقكم
صقر: وانا مشغول ببنات خلق الله اوصلهم؟؟
ابوصقر: عمى بعينك هذولي بنات عمك مو بنات الغريب توصلهم وغصب عن خشمك تسمع؟؟
صقر : ايه ابشر ابشر انا بروح لسياره معكم خمس دقايق اذا ماجيتو بمشي واخليكم
ارجوان : طيب برسل للبنات
ليلان: ميلان يلا ارجوان تقول بسرعه خمس دقايق ولا بيسحب علينا صقر
ميلان : يلا امشي خلصت وهم ماشين بطريقهم
ارجوان : باست راس امها وابوها يلا مع السلامه امها وابوها: بحفظ الرحمن
بعد ما ركبت السياره
صقر : ذولي وينهم ساعه؟؟
ارجوان : هذولي هم وصلو شبلاك كذا منفس! من صباح الله خير
ميلان وليلان ركبو السياره وبصوت واحد السلام عليكم
ارجوان: وعليكم السلام
ليلان تركب ورا ارجوان
وميلان ورا صقر
ارجوان : اسمع صقر وصلنا انا وليلان اول شي وبعدين نزل ميلان الجامعه مادام طريق دوامك وطريق جامعتها بسيد واحد
صقر : ايه يصير خير
بعد مرور خمس دقايق نزل صقر ارجوان وليلان المدرسه وراحو
بعد ما مشى صقر عن المدرسه بشوي قاطع حبل الصمت وتكلم صقر : اقول انتي هيه تعالي اركبي قدام لاتقعدين ورا كاني سواقك!
ميلان : وش الي هيه انتي ترا لي اسم! ثانيا ماحب أقعد مع شخص غريب قدام امش وصلني الجامعه بسرعه لاني تأخرت!!
صقر : وتتامرين علي اوصلك بعد!! واذا قلت ماني موصلك وش بتسوين؟؟
ميلان وهي تحاول ماتمثل الخوف من صوت صقر : سهله بنزل وامشي على رجولي و؛ فيها يعني ب اسحب على داومي عشان سواد عيونك؟؟
صقر بعصبيه وصوت عالي : اقووول انتي وش االي على رجلينك لو فيك خير انزلي بس والله لأعلم ابوك يتعامل معك هاذا الي ناقص بنات آخر زمن والله
ميلان بصوت ماتمثل فيه انها تبكي : اقول ا انت مو تتحكم فيني وصلني لاتخليني اتاخر على أول يوم لي جامعه والله لا أعلم عليك ابوك!
صقر : يلا علميه
ميلان وهي تفتح باب السياره : انا اوريك
صقر : اقول انتي يالعوبه اركبي لاتبكين علينا بوصلك
ميلان : لاتوصلني شكرا انا بمشي لحالي
صقر : وش الي تمشين لحالك جامعتك بعيده يجي اليوم الثاني وانتي لسى تمشين وضحك
ميلان : ه ه ه خفيف دم
صقر : اركبي لاتاخريني!
ميلان : توك تعرف التاخير!!
صقر بصراخ : بتركبين ولا وشو!!
ميلان : لا ماني ر..
جا خال ميلان خالد :وهو تو منزل امينه ل مدرستها وش تسوين ميلان هنا ومن ذا اووه صقر يامرحببا صقر وهو ينزل : ياهلا والله ويسلمون على بعض خالد : ايوا ميلان وش تسوين هنا مع صقر
ميلان : عي.
صقر وهو يقاطع ميلان ماخلاها تكمل كلامها : ابد وصلت البنات المدرسه والحين تو لقيت ميلان تمشي بتروح الجامعه ووقفت لها تمشي معي دام طريق دوامي وطريق جامعتها واحد
ميلان وهي تناظر صقر بذهول من كذبته وكيف كذب على خالها كذا!!
صقر مانتبه ل ميلان ولا ناظرها من ركبت معه بس يوم شافته تناظره بعد كذبته وهو ينذهل من عيونها الي ماخذها رسم بالايلاينر والعدسات والميكب ومنصدم من جمال عيونها
صقر بداخله: استغفرالله ياربي مو بهالسرعه اتخرفن من عيون بعدين استغفر الله وس بيني وبينها مستحيل احب ام راس يابس ذي!
ميلان وهي تشوف صقر يناظر عيونها تشمق له
خالد : اجل على خير ان شاء الله انا بمشي توصون شي؟ صقر : سلامتك
راح خالد
ميلان : بصوت شوي طفولي وعع طلعت كذاب اصلا انا غبيه ليه مارحت مع خالي اف
صقر : اقول اركبي يلا ولا بعلم خالك
ميلان : انا الي بعلمه على كذبك والله ياكذاب!
صقر : انتي ناويه ارتكب فيك جريمه ولا وشو!!
ميلان : افف الساعه ٧ونص وصلني بسرعه!!
صقر: مو انتي الي تتامرين علي لي ساعه اقولك اركبي
بعد مرور ربع ساعه ميلان وصلت جامعته وسلمت على صاحبتها وصقر وصل دوامه......
.
عطوني رايكم ب اول بارت 🏃🏻♂️..
