ب داوم صقر: ياولد والله البنات صايرين قليلات ادب وعنيدات وش هالجيل الغريب
فارس بضحكه : ييوه يببو باقي ماشفت شي من جيلنا والله اشياء غريبه تشوفه
صقر: صدقت والله الا على الطاري بقولك شصار معي اليوم
فارس: شصار؟
صقر قال له كل شي
فارس : شكل ذي راسها يابس براسها حب ما انطحن اقولك خذها واطحن الحب الي براسها والله بنات آخر زمن!
صقر: شفيك شادها ووش حبه مانطحن البنت صغيره وش الي اخذها اقول انثبر لا اقوم واطحنك بدال الحب
فارس بضحكه : اهخخ اقول قم خلص الملفات
صقر : تتامر علي؟؟
فارس : ابدد ماتامرنا انا الي بكملهم
صقر ضحك : امزح معك ياطقوع اخخ
وقامو يضحكون يخلصون الملفات
.....
عند الجده ام ضاري والجد ابو ضاري
الجده ام ضاري : الا يابو ضاري ماودنا نجتمع مع هالعيله ونشوف العيال شلونهم ونستانس؟
الجد ابوضاري : اي والله اشتقت لايام الكشته بالمزرعه مع هالشتاء الا خلاص نكلم العيال ونبلغهم وباذن الله بكرا متجهين للمزرعه
الجده ام ضاري : على خير ان شاء الله
رفع الجد ابوضاري الجوال متصل على ابوميلان
ابوميلان: سم يّبه امر بغيت شي
الجد ابوضاري : سم الله عدوك بلغ الشباب بكرا بإذن الله للمزرعه بنبات هناك
ابوميلان: ابشر الان ارسل لهم
وانتهت المكالمه...
بقروب العائله ارسل ابوميلان رساله ( الكل يتجهز الكل بنبات بالمزرعه هناك لنا كم يوم)
الكل رد ب كلام متخلف (ان شاء الله'سم'باذن الله'ابشر)
.... الساعه ١٢:١٥ الظهر طلع الكل من دوامه
بعد ما ارجوان وليلان تجهزوا وقفو برا ينتظرون احد ياخذهم ليلان:اخ وربي صقعتني الشمس من يجينا هالحين؟
ارجوان : يليل والله مدري شرايك نمشي على رجلنا؟
ليلان: دخيلك والله مالي خلق
ارجوان : تكفيين وربي بموت حر
ليلان: افف امشي يلا
وهم ماشيين الظهر والجو مختلط برد وحر بنفس الوقت وهوا خفيف يجي واحد راعي سياره صغيره مظلله
راعي السياره : يحلوات ماتبون اوصلكم؟
ارجوان : خير انت ياقليل الادب ماعندك خوات!!
راعي السياره شعندها الحلوه معصبه؟
ليلان بعصبيه وهي تاخذ الحجر تضربه على قزاز السياره وتنكسر : ياعديم التربيه ياقليل الاب اذلف!!
راعي السياره بعصبيه! : يابنت ال'** تكسرين قزاز سيارتي والله ماخليك
ارجوان وليلان بخوف : يمهه يارببيي وش سويتي يابنتت
ليلان: تكفين وربي ببكي مدري وش سويت يويلي من ابوي!
ارجوان :النحششههه
وركضو لشارع العام..
ارجوان بكامل سرعتها وصلت لطريق الثاني
ليلان بصعوبه وهي تركض بنص الشارع العام تجي سياره مسرعه...
ارجوان تصرخ: ليلاانننن انننتببهييييييييي!!!
