جا اليوم الثاني ورتبو أغراضهم ونبدا بتوزيع الاشخاص بسياره
سياره ابوميلان فيها الجده ام ضاري وام ميلان وحصه وام ارجوان وامينه
سياره ابوصقر فيها الجد ابوضاري وخالد
والعمه منيره ومحمد
سياره صقر فيها ارجوان وليلان وميلان وفيصل واماني ومحمد
بعد مامشت سياره ابوصقر وابو ميلان بقت سياره صقر للان يركبون ارجوان قدام ورا ارجوان ليلان وبنص اماني وجنب اماني الي هي ميلان ورا صقر
بالمقاعد الثالثه الي زي الحوض داخل السياره
محمد على اليمين وعلى اليسار فيصل تكون ميلان قدامه بعد ماتوزعو وخلاص مشى صقر
ومر عند البقاله ونزلو يشترون
ميلان : ارجوان ليلان تعالو محتاره وش اشتري ردبول ولا كودرد؟؟ ليلان: اقول لاهاذا ولا هاذا خوذي حليب شوكلات افضل لك مو بعدين تقولين ااه قلبي يوجعني من مشروبات الطاقه
ميلان عبست بوجهه وقالت: مالك دخل انتي بزر طبيعي مابتفهمين بالاشياء ذي روحي يالطفله خذي حليب شوكلت
ارجوان : هخ استغفرالله ياربي هوشتكم بيض ميلان افضل لك خوذي حمضيات
ميلان : هااا خذلك جت الطعسه اقول اذلفي معها انتي الثانيه بعد
ضحكت ارجوان وراحت تلحق ليلان
جت اماني ل ميلان: ميلان وش تسوين انتي هنا
ميلان : ابد محتاره بين كودرد وردبول
اماني: مابتنفعك هالطاقه خوذي لك شي يسرسح قلبك بدال الخرابيط ذي
ميلان : يلييللل انتي معهم بعد اقول اذلفيي عني
اماني : وي وي شفيك انتي ماقلت شي
ميلان : صح صح ماقلتي شي روحي روحي
اماني: طيب بروح أعوذ بالله
ميلان طلعت جوالها تدق على اعز صديقاتها لميس
لميس : هلا ميلان بغيتي شي
ميلان: افف لميس تكفين ماتقدرين تجين مزرعه جدي وربي جتني عقده وانا باقي ماوصلت المزرعه!
لميس : هههه وشفييك َشصاير
ميلان بصوت طفولي وحزين : تخيلي يرضيك كل الي طالعه معهم أطفال والحين حنا بالبقاله اخذت رأي ميلان وارجوان واماني اشتري كودرد ولا
ردبول الي تقول خوذي حليب شوكلت والي تقول خوذي حمضيات وشو ذا بالله عليك وربي اني مره اكتئبت قبل ماوصل!!
لميس: ااخ ضحكتيني خوذي كودرد لي ولك وانا الحين بكلم امي ان اخلي اخوي يوصلني عندكم
ميلان بفرح: تمم يلاا
لميس : يلا
صقر وهو كان برف الي ورا الثلاجه الي عند ميلان سمع كل شي تنحنح وقال: ماودك تخلصين سوالف يالثرثاره وتشترين ترا الكل ركب السياره الا انتي باقي تهرجين!
ميلان بخوف : يمه الله يخرشك يالجني مالك دخل فيني اف
صقر: تقول لاتنافخين بسرعه امشي قسم بالله معك ٥ دقايق ان ماجيتي بسحب عليك
ميلان وهي تشمق لصقر: ايه الحين اجي ومن هنا يزيد كره ميلان لصقر وصقر يحقد على ميلان!
بعد ماخلصت ميلان وحاسبت مشت السياره مندمجين بطريق وسواليف
ارجوان تلمح سياره ايسكريم وهي تقول لصقر
امانهه امانه نبي سياره ايسكريم صقوريي
صقر: نعنبوتس ماتستحين على وجهك وشو صقوري انطقي اسمي زين!
ارجوان بضحكه : ابشر صقر نبي سياره ايسكريم
