بعد ماراحو ورا المزرعه كانت في جلسه صغيره وفيه مسباح مضوي صغير..
ميلان: شوفي هنا دايم اجي واقرا كتب
لميس: الله تكفين جلستك تجنن
ميلان: هههه تعالي خل نجلس ونسولف
لميس: بس ماتحسين المكان يخوف شوي؟
ميلان: لا عادي بالعكس انا تعودت ومافي شي يخوف مع الوقت تتعودين عادي
لميس الي شافت كتاب فن اللامبالاة : الله كتابب فن اللامبالاة عطينييي بقرا
ميلان بضحكه : خووذيه حلالك لو تبينه يشيخه
لميس : ااعع احببتسسس
ميلان: اموتفييك
وقعدو يقرون من بعض الكتب
.................
.................
عند الحريم
الجده ام ضاري : ماودكن نعرس احد منهم نبي نشوف عيالهم يمشون حولنا
ام صقر : اي والله ودي صقر يعرس راح نص عمره وهو باقي
الجده ام ضاري : صقر صار شايب المفروض متزوج من زمان الله يهديه ويصلحه
ام صقر : ها يام ميلان ماودتس احد من بناتس يعرسون
'ام صقر الي حاطه عينها على ميلان وتشوفها الزوجه المناسبه لصقر '
ام ميلان: ياووك يام صقر بناتي صغار لسى وين نعرسهم بدري ونغصبهم على شي ماودهم فيه
ام صقر : حلاله الزواج على صغر السن
ام ميلان: صادقه بس ورا مانزوج منيره؟
العمه منيره : لاتكفون خلوني مابي اتزوج بعدين انا وش جابني يم سواليفكم الخاثره
الجده ام ضاري : اقول انتي اول وحده تتزوجين راح نص عمرتس وكانتس صقر
العمه منيره : يووه يايمه لاتقارنيني بصقر انا ماني متزوجه وبقعد مع هالبنات اف نكدتو علي
الجده ام ضاري : اييه ماتبين تتزوجين تبين تعنسين والرايح والجاي يتكلم عنتس
..............
عند الرجال
الجد ابوضاري : ها ياصقر يوليدي ماودك تعرس
صقر: ياجدي لاتجيب سيره الزواج تعرف مادانيه ومرتاح بالعزوبيه
الجد ابوضاري : نعنبوك راح نص عمرك وانت عزوبي
صقر: خله يروح مرتاح انا
ابوصقر : ياقليل الخاتمه وشلون تحكي مع جدك كذا
صقر: يبه وش سويت ماقلت شي ازعجتوني
ابوصقر : اقول بكلم امك تدورلك وحده تاخذها بدال مايروح عمرك على هالدبوش ذولي ماهم نافعينك
محمد وفيصل وخالد وهم يقومون : لفيتو علينا مالنا دخل حنا تونا طلاب
الجد ابوضاري وهو يضحك : ياحليلكم بس
صقر: ها يجدي ليه انت ضدي وواقف معهم وش ذا الظلم
الجد ابوضاري : لانك كبرت وعقلت ذولي بزران للحينهم ماكبرو
