កូនកម្លោះក្នុងឈុតពណ៌ខ្មៅ

ភាគទី៤

ភាគទី៤: អ្នកណាជាប្តីឯងអោយពិតប្រាកដ?

មានពាក្យពេចន៍និងឈុតមិនសមរម្យមួយចំនួន ប្រសិនជាមិនពេញចិត្តអាចអូសរំលងបាន!

ភាគទី៤

កែវភ្នែកកញ្ជ្រោងពណ៌ត្នោតកម្រើកត្របកភ្នែកម្តងបន្តិចៗជាសញ្ញានៃការជិតដឹងខ្លួន មិនយូរប៉ុន្មានរាងកាយទាំងមូលចាប់ផ្តើមកម្រើកឡើងស៊ុននូយ៉ាបើកភ្នែកទទួលយករូបភាពចំពោះមុខ។ ខួរក្បាលរបស់គេចាប់ផ្តើមមានចម្ងល់ថាតើកន្លែងនេះជាកន្លែងណាបន្ទប់ដែលពេញដោយពណ៌សខុសពីបន្ទប់គេងរបស់ស៊ុននូដាច់ដែលមានអ្វីគ្រប់យ៉ាងជាពណ៌ខ្មៅ។ គេគិតសារដើមឡើងវិញហេតុអ្វីបានជាសុខៗគេស្រាប់តែភ្ញាក់នៅកន្លែងណាមិនដឹង គេចាំបានច្បាស់ណាស់ថាគេបានត្រូវគេធ្វើបាបបន្ទាប់មកគេក៏បានធ្វើដំណើរមកជាមួយស៊ុងហ៊ុនហើយបានផឹកទឹកដែលមានក្នុងឡានរបស់ស៊ុងហ៊ុន? រួចក៏ភ្ញាក់ដឹងខ្លួននៅទីនេះ! ឬមកពីទឹកនោះមានជាតិថ្នាំ?

បានយល់គ្រប់យ៉ាងហើយស៊ុននូក៏ស្រវារកទូរស័ព្ទដៃរបស់គេប៉ុន្តែវាមិនបាននៅទីនេះទេ បែបជាត្រូវនាយស៊ុងហ៊ុនយកលាក់បាត់ហើយ។ ស៊ុននូអង្គុយធ្មឹងលើពូកគិតស្វែងរកវិធីរត់គេចពីទីនេះគេមិនអាចបណ្តោយខ្លួនអោយនៅកាន់តែយូរទេ ច្បាស់ណាស់ស៊ុងហ៊ុនច្បាស់ជាមានបំណងអ្វីមួយលើគេមិនខាន។

ក្រាក!
សំឡេងបើកទ្វាទាញចំណាប់អារម្មណ៍អ្នកអង្គុយធ្មឹងគិតរកមធ្យោបាយបែរទៅរក...

«លោកមានបំណងអីហេតុអីចាប់ខ្ញុំមកទីនេះ?» ស៊ុននូសួរឡើង ធ្វើអោយស៊ុងហ៊ុនញញឹមឡើងនឹងភាពតក់ក្រហល់របស់នាយតូច។