جمر الناراس(متوقفه)

1

الـكـاتبـَه:زازا العماري
لـ رواية: جمر الناراس

التصويت فضلاً وليس أمراً..☪

❛❛❛❛❛❛❛❛❛❛❛❛❛❛❛❛❛❛❛❛❛❛❛❛❛❛❛❛❛

رسَايل مِنك لحد هَسه اداريهن
مِثل نوم الطِفل بالليَل اهِز بيهن
واكَلبهن واشوف ايامَك الحِلوات
مو حِلوات بس مَجبورة اسميهن .

:مانحس اله صوت رج لـ بيت رج.
جان من لـ مطبخ طلعن زوجات عمامي يركضن ولازمات كلوبهن كلوحده ركضت لامه والي فهمته طك لـ طباخ عليهن تركتهم وصعدت. مر لـ يوم بـ سلام ثاني يوم كاعدين بلـ صاله كلنه ونشرب جاي نفتح لـ باب ودخل عمي زيدان ووياه زوجته لـ ثانيه سمر التفتت لـ زوجته رنا الي نزلت راسه بلـ ارض وصارت تعصر بـ اصابيعه رجعت نضري عليهم دخلت سمر سلمت على لـ كلـ ووكفت متخوصره تباع عليه واطك بـ علجه رفعت اصبعه واشرت علي من فوك لـ جوه وكالت.
سمَر:منو هاي؟
روَز:جـَمـَرهَ بـَـنـت عـَمـي عمـَران.
سمَر:ومنيلكم هاذَ عمران!!
جـَمـَرهَ:هاذَ عمران الي جاي تحجين علي ابويه بس جان مسافر من زمان.
سمَر:امم زين وين امج.
جـَمـَرهَ:اهلي ثنينهم متوفين
:عوجت حلكه وراحت سكتت عنه ودرت وجهي استمع لـ سوالف لـ بنات مر لـ وكت وصاحونه على لـ عشه تجمعنه على لـ سفره وصرنه ناكل بـ هدوء وكلشوي سمر تذب اله حجايه على رنا لحد ماعاط جدي قحطان يله سكتت تركتهم وكمت غسلت وصبيت جاي اخذت لـ كوب وطلعت للـ حديقه جانت كلش جبيره وبيه كراسي وطاولات سحبت كرسي وحطيته بـ نهاية لـ حديقه بـ حيث اكدر اشوف كلشي بس محد راح يشوفني. سديت لـ قمصله ودفيت اديه بـ كوب لـ جاي وصرت اباع على لـ بيت مرت نص ساعه غمضت عيوني وسحبت نفس طوويل وزفرته ضليت مغمضه فتحت عيوني ورجعت راسي على لـ كرسي صارت لـ نجوم كدامي صرت اوزع انضاري عليهن لحد ماثبتت نضري على ثلاث نجوم وحده بصف لـ ثانيه وفوكاهن ثنين كبار خطرن ببالي رجع نعاد ذاك لـ يوم علي صرت اتذكره ونفسي يذيق عصرت راسي بـ ثنين اديه واني اشوفهن كدامي لمن لـ دم انتثر منهن فزيت على حركه يمي رفعت راسي وصرت اوزع نضراتي على لـ حديقه لحد ماثبتت نضري على غرام و همام جانو واكفين واحد كبال لـ ثاني ماهتميت الهم ورجعت نضري على لـ سمه سمعت صوت غرام تضحك بـ صوت ناصي رجعت نضري عليهم فزيت من مكاني وركزت بيهم واكفه غرام وهمام كدامي ومدنك عليه ووجه بـ ركبته وهيه لازمه ايده وتضحك سحبت موبايلي من لـ قمصله سديت لـ فلاش وصرت اصور بيهم بلش همام يتماده ويتلمس بـ جسم غرام وهيه تضحك رفع راسه من ركبته وحاوط وجه بين اديه وباسه كبرت لـ كامره على وجوهم وخرت عنه لمن سمعت صوت غياث و قيس و اصف يضحكون سديت لـ تصوير وفوراً دزيته اله وحذفته من يمي للـ احتياط سديت لـ موبايل ورجعت بـ مكاني راحت غرام وهمام اجه بـ اتجاهي ابتسملي واني بادلته وكأنما ماشفت شي.
همـَام:شلونج جمره!
جـَمـَرهَ:بخير
همـَام:شتسوين هنا؟
جـَمـَرهَ:لـ بيت يخنك وحبيت اشتم هوه
همـَام:امم
قيَس:شتسوون هنا؟
جـَمـَرهَ:شدخلك!
:التفت الي همام رافع حاجبه ومبتسم درت وجهي عنه لمن كال.
قيَس:لـ حيه
جـَمـَرهَ:امم حبيت
اصَف:حيه شحبيتي بلـ حيه
جـَمـَرهَ:تلدغ وتضم راسه.
غيَاث:بس جبانه
جـَمـَرهَ:صح بس مو كلـ حيه جبانه
غيَاث:شلون موكلـ حيه؟
جـَمـَرهَ:اكو جبانه ولـ مو جبانه متضم راسه تلدغ وتضلـ بـ مكانه متانيتك تهجم عليه حتى تقضي عليك
همـَام:ماجاي افتهم شتحجون!
قيَس:سوالف كبار حبيبي لاتدخل
جـَمـَرهَ:اني راح افهمك عندك لـ حيه نوعين لـ جبانه ولـ مو جبانه لـ جبانه تلدغ وتضم راسه اما لـ مو جبانه تلدغ وتضلـ بـ مكانه مو مثل لـ جبانه تلدغ وتضم راسه.
اصَف:زين ولـ جلب؟
همـَام:لا مو لهلـ درجه
جـَمـَرهَ:ليش لا هم اكو لـ وفي ولـ مو وفي
قيَس:صارت بلـ جلاب
نيَروز:وانتِ يا نوع؟ لـ حيه لـ جبانه لـ تلدغ وتضم راسه! لو الي تلدغ وتضلـ بـ مكانه؟
جـَمـَرهَ:انتَ شدكول؟
نيَروز:ملامحج دكول لـ جبانه بس انتِ لـ عكس تماماً
جـَمـَرهَ:لاجبانه ولا غيره لأن بكلـ بساطه مو حيه
قيَس: بعد عيني
:كمت من مكاني واردفت.
جـَمـَرهَ:اخذو راحتكم.
:تركتهم ورجعت للـ بيت صعدت للـ غرفه تمددت شوي ووصلتني رساله فتحته جانت من عنده.
📩شنو هاي! عود صدك يحجون؟
📩ثولان
📩ذا هيج حابه وميت عليه مايتزوجه مو بت عمه
📩نارهم تاكل حطبهم
📩شحتسوين بلـ فيديو
📩يجي وكته
📩انتبهي ترا اذكياء
📩بس مو اذكه مني
:حجينه شوي وبعده سديت لـ موبايل ونمت. كعدت ثاني يوم على صوت اعياط غسلت ونزلت لكيته كابه بين رنا و سمر هزيت ايدي ودخلت للـ مطبخ سويت ريوك اكلت شلون مجان وطلعت كعدت بلـ صاله نزلن لـ بنات سون ريوك وتريكن شوي واجن كعدن يمي ضلن يسولفن واني بس استمع لحد ماكالت.
عهَد:شرأيكم نلتم مثل قبل وره لـ عشه بلـ حديقه
غـَرام:اااااي حبابات اقنعو لـ ولد صار شكد مامجتمعين هيجي.
أريـام:هاهيه اني احاجي قيس يكللهم.
:صارن يحجن ويتفقن شنو يسون تركتهن وكمت للـ مطبخ اجيب ماي جانت بس سمر ورنا موجودات يسون غده صبيت ماي واني اشرب اجت عيني على سمر شالت طاسه بيه ماي يفور ودارته على لـ چدر ورجعت جابت لـ ثانيه جانت رنا واكفه يمه نزلت سمر لـ طاسه حتى تذبه على ايد رنا رحت بـ اتجاه بدون ماتدري ودفعت رنا على سمر تشمرت لـ طاسه على ايد سمر وهيه رجت لـ بيت بلـ صياح اجن لـ بنات يركضن وزوجات عمامي وهيه على فرد صيحه اتصلت أريام على عمي زيدان و زاد تغم بـ سمر ضحكت عليهن وطلعت كعدت على لـ قنفه شوي واجن لـ بنات وسمر مستمره تصيح وتغلط نفتح لـ باب ودخل عمي زيدان يدور على سمر اشرتله عهد على لـ مطبخ دخل وصار يصيح على عهد تجيب عبايه راحت عهد تجيب اله وهيه تدعي عليه ولـ بنات يضحكن اخذه وطلع وهيه مستمره تصرخ طلعو وعهد تمشي وتصيح.
عهَد:ياررب كوون يكطعووه لايدده
:التفتت لـ رنا واكفه ودموعه تنزل من شافتني منتبه عليه مسحتهن وابتسمت الي دنكت راسي وحبيت اتملعب بنار غيري ابتسمت ورفعت راسي اوزع انضاري عليهن لـ بنات رجعن يسولفن بينهن وزوجات عمامي يساعدن بـ رنا لحد ما كالت.
غـَرام:ءءجمره
جـَمـَرهَ:ها!
غـَرام:شنو الي خلاج تجين النه مو جدي طاردكم
جـَمـَرهَ:اي صح طردنه بس كدرنه نأسس حياة بعيده عن جدج اني وامي وخواتي وابويه بس بعد وفاة امي وخواتي صح ماكدرنه نعيش مثل قبل بس مع السنين تعودنه ولمن مات ابوي جانت وصيته اجي لهناء واطلب من جدي يسامحه وجدج استقبلني ببيته
ريونـَا:شلون ماتو امج وخواتج
جـَمـَرهَ:بـ حادث اني مااذكر اي شي بخصوص موتهن بس بابا سولفلي.
:هزن روسهن واني كمت باوعت لكيت قحطان وراي يباع مصدوم بلع ريك وكال.
قـحـطـان:تعالي جمره لـ غرفتي.
:مشه ومشيت وراه واني عارفه شيريد كعدت وهوهَ كعد كبالي شوي وكال.
قـحـطـان:شجنتي تحجين وي لـ بنات؟
جـَمـَرهَ:على اهلي وحياتي قبل!
_شلون ماتت امج وخواتج جمره؟
_بـ حادث اني ماجنت موجوده بس لمن وعيت وكبرت سولفلي ابويه
_شسولف؟
_جنت اني وابوي بلـ بيت لأن هوهَ مريض وامي وخواتي طلعن ولمن طلعن صار لـ حادث
_ابوج هيج كلج؟
_اي
:نزل عينه بلـ ارض ورفع ايده كوه وهمس.
قـحـطـان:اطلعي.
:ابتسمت واني اباع على وضعه تركته وطلعت...