𝗦𝗔𝗞𝗨𝗥𝗔 𝗟𝗮𝗻𝗱

P_9

ချစ်သူတွေဖြစ်ကတည်းက
နှစ်ယောက်တည်းအတူတူအပြင်မှာ
မဒိတ်ဖူးသေးတာကြောင့်
ဒီနေ့ညနေခင်း‌တစ်ရက်လောက်တော့
ဆိုင်ကိုခပ်စောစောပိတ်ကာ
အတူတူလျှောက်လည်ကြဖို့ကို
သူတို့နှစ်ယောက်တိုင်ပင်ထားခဲ့ကြသည်။

သွားစရာရှိလို့ဟုဆိုကာ ဆိုင်ရှင်လေးက
ဝန်ထမ်းလေးတွေကိုမနက်ကတည်းက
ကြိုပြောထားတာကြောင့်
ညနေ5နာရီကျော်ကျော်အချိန်တွင်
သူတို့ဆိုင်ပိတ်ဖို့ကိုပြင်‌ဆင်နေခဲ့ကြပြီ။

ကိုယ်စီအလုပ်ရှုပ်နေတဲ့သူတွေကြားထဲ
လူဆိုးလေးသည် ဆိုင်ရှင်လေးအနား
မသိမသာလေးတိုးကပ်သွားခဲ့၏။

ဆိုင်စောသိမ်းတာကြောင့်
တက်ကြွနေပုံရသော ဝန်ထမ်းတွေအလစ်မှာ
ပါးလေးကိုမြန်မြန်ဖိကပ်နမ်းလိုက်မိတော့
ပြူးပြလာတဲ့မျက်လုံးလေးတွေက
ဘာကိုဆိုလိုချင်မှန်းကိုသိပေမယ့်
မသိချင်ယောင်ဆောင်လိုက်ပြီး
မျက်ခုံးတစ်ဖက်ပင့်ပြလိုက်သည်။

နှုတ်ခမ်းဖူးဖူးလေးတွေဆီကနေ
"Jung Kookကတော့..."ဟုဆိုသော
ခပ်တိုးတိုးရေရွတ်သံလေးဟာ
မျက်စောင်းမမည်တဲ့မျက်စောင်းလှလှလေးတွေနဲ့။
လူကိုရင်ခုန်အောင်ဘယ်လိုလုပ်ရမလဲကို
အချစ်ကသေချာသိနေသည်။

ရင်ဘတ်လေးကိုပိုပိုသာသာလေးဖိကိုင်ပြီး
အောက်နှုတ်ခမ်းကိုဖိကိုက်ပြလိုက်တော့
ရှက်ပြုံးလှလှလေးတွေနဲ့ မျက်နှာလေးကို
သူ့အကျင့်လေးအတ်ိုင်း ငုံ့ချသွားခဲ့ကာ
ဒါဟာ သူရှက်တာပါပေါ့...
အသည်းတွေဟာ ယားလို့မဆုံးနိုင်ခဲ့။

-"လမ်းထိပ်မှာစောင့်နေမယ်
နွေးနွေးထွေးထွေးဝတ်ပြီးမှထွက်လာခဲ့..."

မှာစရာရှိတာကို တိုးတိုးတိတ်တိတ်ကပ်မှာပြီး
လွယ်အိတ်ကို ကောက်လွယ်ကာ သူလည်း
အိမ်ပြန်တော့မည့်ပုံကိုဖမ်းလိုက်သည်။
တစ်ဆိုင်လုံးကိုခပ်တည်တည်ပဲ
နှုတ်ဆက်ပြီးတဲ့နောက်မှာ
ဆိုင်ထဲမှထွက်သွားခဲ့၏။
ဆိုင်ရှင်လေးသည် ခေါင်းလေးတခါခါဖြင့်သာ
ပြုံးလျက်ကျန်နေခဲ့သည်။

-"Hyung ကျွန်တော်တို့လည်းပြန်တော့မယ်နော်
ချိန်းထားတဲ့နေရာကိုဂရုစိုက်သွားပါဗျ"