الفصل 54
للذئاب وجوه اخرى 5
بقلم نورا محمد علي
ترددت الكلمة في عقل أدهم، وهو لا يستسيغ الكلمة فقال رحيم..
_ داليد هتفضل مراتي لحد ما أموت وهي حرة من بعدي بس ماظنش ان هيجي بعد.
نظر له أدهم بصدمة لكن نظرة الثقة في عين رحيم لم تهتز، هو واثق في مشاعر داليدا التي تكنها له، وواثق في مشاعره التي لن تتغير، فهو لم يأخذ تلك الخطوة إلا بعد أن تأكد بينما نظرة الثقة في عينه، جعلت الغضب يزداد على وجه أدهم وهو يقول لصديق عمره:
_ شفت الواد بيتكلم ازاي؟!
ابتسم عمرو وهو يقول:
_بيتكلم بثقة بقلب عاشق عارف هو بيعمل ايه، كل كلمه بيقولها بتأكيد انه بيعشق بنتك، بيحافظ عليها من نفسه، فلم نفسك بقى..
ضحك رحيم بصوت مرتفع، واقترب ليحتضن عمرو وهو يقول:
_تسلم يا عمو قريني، والله مفيش داعي للعجلة، لسه قدامي العمر كله، مش محتاجه اسرق منها حاجه هي كلها ملكي، انا عايزها ملكة يوم ما أسلمها قلبي تكون في بيتي.. أيشحال انت جوز خالتي ومربيني..
وهو انت شوفت بربع جنيه تربية..
ولكنه كان ينظر في عمق عين ادهم، وكأنه يرسخ جذور علاقتهم، وقتها رغم رد أدهم عليه إلا أنه شعر بالطمأنينة تجتاحه، وهو يهز رأسه وكأنه موافق على كل حرف يقوله رحيم، وفي لحظة قال:
_انا عارف ان انت قد كلامك وما بترجعش فيه
_ لو على موتي انت عارف ان الخيانه ضد طبعي وان أخون ثقتك ده مستحيل، وخاصة أن الوقت مش طويل أوي يعني مش هنقعد سنتين مثلا
_انت بتلمح عليا
_ ليه هو انت عملت حاجة وخايف اني اعملها
_ لم نفسك يا ابن احمد..
في هذه اللحظه كان احمد يدخل من باب الجناح وهو يقول:
_ما تسيب احمد في حاله يا عم، هو انا عملت لك حاجه، ولم نفسك بقى وانت طايح كده بدل ما اوريك الوش التاني، ولا انت وحشك وش الوحش
ابتسم رحيم وهو يقول: ليه بس يا يا كبير اخوك بيهزر..
نظر لولده بأبتسامة وهو يقول:
_وبتدافع عنه كمان، ده كان واخده غسيل ومكواه
_على قد كومه، وهو كومه كبير قبل ما يبقى حمايا هو عمي وخالي ومكانته غالية وهو عارف
نظر لها أدهم بأبتسامة وهو يقول: تعيش يا رحيم راجل وابن راجل، وشرف ان اناسبك واني أأمنك علي روحي، داليدا دي قلبي انت عارف دانا قريبه أوي مني، واخده مني كتير بس مخربشة ناشفة، ما يتخافش عليها، انما داليدا طيبة حنينة جميلة من جوه ومن بره، يتخاف عليها عشان كده قلقان منك، مش عشان انت وحش عشان انا بنتي لخمة
أنت تقرأ
لذئاب وجوه اخري 5
Actionسلسلة روائية مزيج من الرومنسية و الدرامة و الاكشن سؤال يطرح نفسه من هم الذئاب حقا هل هم مجرد مخلوقات مكانها الطبيعي هو الغابة ام هم بعض البشر و لكن في الحقيقة الذئب كائن فريد من نوعه فقد يكون الأسد و النمر أكثر قوة و اكبر...
