انا السجينة البريئة

الحلقة الثانية

*رواية*
~"السجينة"~
الكاتبة : فاطمة علي

الحلقة الثانية ....

- وكفت كبالهم ، اني موافقة اكون وياك ، كلهم باوعولي بصدمة ان شلون غيرت رأيي ، الخاطر انسام احنه راح نبقى على هذا الخط ، وراح نقاوم ، على كولت انسام (سنقاوم ماحيينا) ...

علي : اهلا وسهلا بيج بيناتنا من جديد ، السلام عليكم ورحمة الله وبركاته ...

براء : وعليكم السلام ورحمة الله وبركاته ...

- السلام هو لله سبحانه وتعالى ، السلام هو للانسان الجيد ، السلام هو للانسان المؤمن الصالح ، السلام هو عندما يعود الانسان الى رشده واصدقائه المخلصين ، و ليكون في المكان الصحيح ، السلام يعني الإنتماء للاسلام ، لاجل السلام دفعنا بأرواحنا الى ما لا نهاية ، نموت شهداء ونحيى سعداء ...

براء : اليوم نجتمع الساعة بـ4 العصر ، عندنا امر لازم انقذه بأسرع وقت ...
علي : وهو ؟
براء : بس نلتقي اكوله الكم ، اتوزعنا وكل واحد راح القسمة ، طول الوقت افكر بأنسام شلون جانت بحالة يرثى لها ، وشلون جانت تعبانه وبالكوه تمشي ، اخ يا صديقتي ، ملحكت اشبع منج وتعلميني على هذا الطريق ، شلون راح امشي بطريقج ، ياربي شكد صعب ...

- اجل انهُ صعب ، صعباً جداً ، لدرجة العجز ، دولة حكُمها دكتاتور ، لا نستطيع ان نُبدي آرائُنا بها بكل اريحية ، لا نستطيع ان نستمد قوتنا من بعضنا ، لاننا في كل مرة نصرخ بها ، نقُاد الى منصة الاعدام بلا حُكم ...

/ (علي ، براء ، قاسم ، محمد ، اسماعيل، فاطمة ، خديجة، نبراس ، علياء ، نضال ، محمود) - قسم بغداد المقاوم ...الساعة الرابعة عصراً ...

علي : السلام عليكم ...
الكل : عليكم السلام والرحمة ...

علي : حبيت ابلغكم ان اليوم راح انفذ وضية اختي انسام ، وباقي الفريق الي استشهدوا ، اعلن من منصتي هذه ، ان برا سالم الجبوري ، هي من تستلم القيادة النسوية من بعد الشهيدة انسام عبد المطلب ...

براء : دمعت عيوني ، باوعت عليهم يباركولي ، وهمه مدمعه عيونهم ، شكراً لثقتكم بية ، بس اريد من اليوم يبدي عملنا ، وراح نسوي اول خطوة النه ، ونبدي على بركة الله ...

... بدينا نكتب ( ان من يذهب لهذه الحرب الصدامية هو كـ من ذهب لمقاتلة علي في يوم صفين مع معاوية )
، نشرنا هاي المنشورات ، والعالم بدت تتناقل هاي المنشورات بشكل عجيب ، تواصلنا ويا اقسام المحافظات ، وهم نشروهن ...

... ولكن الجلاوزه بدوا يعتقلون بأي شخص اله صله بينة ، بس مكدروا يوصلون النه ، بدينا نسوي سراديب ، ونشتغل بيها ...

هناء : براء يمه وين جاي ترحين ؟
براء : ماروح لمكان افتر ببغداد وارجع ...
هناء : ديري بالج على نفسج ، انتِ بعدج جديدة على السياقة مصارلج كم شهر تعلمتي ...
براء : لتخافين علية ماما ، اني كدها ، بستها وطلعت واول ماصعدت بالسيارة لبست حجابي والقميص الطويل مالتي ، واتحركت ، اتجهت لمكان شغلنا ...