انا السجينة البريئة

نبذة بسيطة

السلام عليكم ورحمة الله وبركاته

وقبل البدء بالرواية احب انبه على كم فقرة ...

الاولى : الرواية تتكلم عن حقبة الثمانينات ، بما يسمى الحقبة السوداء على العراق من :-
- حرب ، اعدامات ، اغتيالات ، تهجير ، هذا مجوسي ، هذا فارسي ، هذا ضد الدولة ...

2- الرواية وصلتني من شخصية وحدة الي هي البطلة ،
كل الابطال الموجودين يحجون بأسمائهم ، وتعرفون اني دائماً الميت والعدل يحجي هو اخلي ، يطفي على ارواحكم شخصيته بالاخص شخصية الشهيد ، احب ان يصير تعلق بهاي الشخصية حتى تعرفون كمية وحجم التضحية الي قدمها لهذا البلد وارضه  ...

3- الرواية عالم اخر ، راح تلامس ارواحكم ، اريد من تقروها،  تقروها بقلوبكم ، اول رواية حقيقية عن هاي الحقبة ، ممكن اكو رواياتي مثلها او شبيهه الها ، ولكن هل مرة الرواية فريدة من نوعها ، تحجي لسان الطرفين العدو والصديق ...

4- لا راح اسوي طائفية ولا راح اكتب بطائفية ، ولا راح اذكر شي طائفي نهائياً ، اني راح احجي شي (تاريخي ، سياسي ) واذا اكو بيكم قارين التاريخ والسياسة راح يستوعب ،  الرواية ....

5- الابطال اغلبهم موجودين على قيد الحياة ، مادري اذا راح انزل اشباه الهم او لا ، هل مرة نمط الرواية راح يكون تنقلي بين الفصحى واللهجة العامية ، راح يكون مزيج يجننن ، راح تحبو حيل ...

- السبب بهذا المزيج ان ابطال الرواية جميعهم مثقفين ، ودارسين ومتخرجين مو جامعات المحافظات العراقية بتفوق عالي ، ولكن هاي الفئة من الناس رفضوز الحكم الدكتاتوري ، وهذا الشي حقهم شباب بعمر الورد طالبو ان ميرحون بحرب خسرانه ، وكان جواب الدولة (الي ميروح ينعدم ) وبالفعل تم اعدام كل الي شردو (افرار) من الحرب ، وهم شباب لا تتعدا اعمارهم بين ال18 وال25 ...

- كلنا بعدنا بهاي الاعمار واكيد واح ترفضون هيج شي لو جنه احنه بهذا الزمن ، هسه بغض النظر ان اكو فئه من الناس تحب صدام هذا الشي راجع الهم لان اكو فئه هم تحب يزيد شي طبيعي ، متطلبات موازنة الحياة ...

6- واكرر ان راح احجي عن لسان الطرفين ...

7- الاهم من كل ذلك (من تحجي شاهدك وياك) اغلب المشاهد الي راح اذكرها موجودة بالكوكل واليوتيوب ، يعني بشي موثق ، ومثل مكتلكم من عمق الحقيقة هاي الرواية ...

7- راح تشوفون النساء بالسجون ، وكيف تم تعذيبهن وبيهن الي تم اعدامهن ! ، اتخيلوا حجم الكارثه الي اني حالياً دا اقراها ...

8- النقطة المهم ، (الامن العامة )، ( سجن الرشاد سجن ابو غريب سجن البصرة ) هذني كلهن سامعين بيهن
اكيد ، واذا اكو من متابعيني مواليد الستينات والسبعينات يفتهم ويعرف اني شدا احجي وشنو هاي السجون وشنو صار بيهن ...

9- راح اكتب فقط السجن ، يعني مرات اكتب بالشجن الفلاني او بالامن الفلانية ،
( اللواء عواد حمد البندر )هو القاضي الشرعي بذاك الوقت ، وهذا الاسم كلنا نعرف منو وشنو هو ( محكمة الثورة العسكرية ) هم هذا الاسم ترك ندوب كومه بقلوب جداتنا 💔...

9- قاطع الاعدامات (قسم المحاجر - منصة الشنق )
(سجن ابو غريب ) (الشبكة)
(العامرية ، منطقة البتاويين ، منطقة الكرخ ، الاعظمية ، حزام بغداد ، البصرة ، العمارة ، النجف ، الكوت ، ديالى ، الموصل ، العوجة ، تكريت ،
منطقة المعقل في البصرة، مديرية امن البصرة ، والخ ....)

- هواي مناطق راح تنذكر ، ممكن اني فقط بداية التعريف للابطال راح اذكر مناطقهم وبعد ميحتاج اذكرهن ...

10- اتمنى هاي الرواية  توصل الاكبر عدد ممكن ، واتمنى تكون من الروايات البارزة في هذا البرنامج ، في خضم روايات الحضيح ، وللاسف وجل الاسف ان الروايات التافهه دتصعد ، اما مثل هيج رواية متوصل لمشاهدات عالية وتوصل لأكبر عدد ممكن ...

11- راح نبدي النشر في شهر الـ12 بأذن الله ، لان حالياً اني عندي شغل تطوعي وخدمة للشهداء وعوائلهم وربي يوفقني بهذا العمل ، ويكون منطلق لباقي اعمالي بأذن الله تعالى ...

12- تاريخ بدء الرواية 2024/12/12 ...❤️
النشر راح يكون بين يوم ويوم ،
اخر شي اتمنى تدعولي من كل قلبكم ...

الكاتبة : فاطمة علي ...
احبكم ...❤️
2024/11/21
ومن الله التوفيق ...