🪷အသက်မသေအောင် ကြိုးစားရင်းနဲ့ လရောင်ဖြူလေးဖြစ်လာခဲ့တယ်💞

** Ch 5 **

Unicode:

ပိုင်ဟွိုင်းချွင် သူပြောဖို့လုပ်ထားသည်များကို ပြန်မျိုသိပ်ပြီး စကားအသွားအလာကို ပြောင်းလဲလျက် သက်ပြင်းချလိုက်သည်။

" မင်းတောင်းဆိုမှုက ထူးဆန်းလိုက်တာ။ ကြယ်သေတစ်ခုကိုတော့ ငါမင်းကိုပေးနိုင်ပါတယ်။ အဲ့လိုမှမဟုတ်ရင်လည်း အခြားသူတွေက ဘုရင်မလေးကိုအနိုင်ကျင့်နေတယ်လို့ ငါ့ကိုထင်နေကြဦးမယ်"

သူလျင်လျင်မြန်မြန်ပဲ လှုပ်ရှားလိုက်သည်။ သူ့ရဲ့ ကိုယ်ပိုင်ဒေတာတွေကို မွှေနောက်ရှာဖွေပြီးနောက် သူ့အကောင့်ထဲရှိ အီတာ LZ0 ကြယ်ကို ဆည်းဆာနာမည်ဖြင့် ချက်ချင်းလွှဲပေးလိုက်သည်။

ဆည်းဆာက ယဉ်ယဉ်ကျေးကျေးဖြင့်သာပြန်လည်ပြောကြား၏။

" Z2 တပ်ဖွဲ့အစား အရှင့်သားကို ကျေးဇူးတင်ပါတယ်"

" အပြောမစောပါနဲ့ဦး"

ပိုင်ဟွိုင်း၏ လက်ချောင်းသွယ်သွယ်တို့သည် သူ့အင်္ကျီအစွန်းနားလေးကို ဖြေးဖြေးချင်း ဆုပ်ကိုင်လိုက်သည်။ ထို့နောက် ပြောလိုက်သော စကားတို့က သူ့ကို အနည်းငယ်စိတ်ပူသွားစေ၏။

" အခြေအနေတစ်ခုအရ ငါမင်းနဲ့အတူလိုက်ချင်တယ်"

နှစ်စက္ကန့်မျှငြိမ်သက်သွား၏။

" အရှင့်သား ဒါကစည်းမျည်းတွေနဲ့ ဆန့်ကျင်နေပါတယ်"

ယဉ်ကျေးသိမ်မွေ့စွာပင် ငြင်းဆိုလိုက်၏။

ပိုင်ဟွိုင်းချွင်မှာ တိတ်တဆိတ် အံကြိတ်လျက်သာ။

မူလဇာတ်ကြောင်းမှာတော့ ဆည်းဆာရဲ့ အီတာကြယ် LZ0တွင် ကြုံတွေ့ရမည်တို့မှာ အန္တရာယ်တို့ဖြင့်ပြည့်နေလေသည်။ လုံခြုံရေးကိရိယာမပြည့်စုံမှုတို့ကြောင့် မိုင်းတွင်းပေါက်ကွဲမှုတွင် သေမလိုဖြစ်ခဲ့၏။ Z2 တပ်ဖွဲ့၀င်များလည်း စွန့်ပစ်မြေစာပုံများအကြား အကြီးအကျယ်ဆုံးရှူံးမှုတို့နှင့် ကြုံဆုံခဲ့ရသည်။ ရလာဒ်အနေဖြင့် တော်၀င်မိသားစုနှင့် ဖြစ်ပွားခဲ့သော ဇဲလ်တိုက်ပွဲမှာ အဆုံးမသတ်နိုင်အောင် ရှည်ကြာခဲ့လေသည်။