السِحرُ الاسود

Part 1

                 بسم الله الرحمن الرحيم

                       السحر الاسود
                   للكاتبة: وتين العلي

_ميار _

اول ايام رمضان متحمسة لرمضان و لأجواء رمضان
نضفت البيت ساعدتهم بالطبخ مشغلين قرآن باقي
ساعه على الاذان

ميار:- مامي

اميرة:- ها مامي

ميار:- ماما خلصت كلشي جاهز تكسرت ضهري والحسين

اميرة:- هاي هيه ماما روحي ارتاحي

ميار:- طالعه يوم لتضوجوني لان راح اقره قرآن

اميرة:- تقبل الله ماما

ميار:-شكراً ماما

رحت توضيت و كعدت اقرا قرآن كلشي مشفت من رمضان بس شغل
اندمجت اقرا
ما حسيت غير حسين عاط بكل صوته

حسين:-مياااااار

ميار:-اني هنا حسين

فتح الباب وجهة محمر و معصب حيل
حطيت ايدي على صدري و كلت بتعجب

ميار:-ياستار خير شكو

ما حسيت غير ايده بشعري و عاط بصوت عالي

حسين:-لج انتِ تردين تنزلين روسناا اذا ابوج معرف يربيج اني اربيج ساقطه

ميار:-لك حسين وخر ايدك شبيك تخبلت خوما تخبلت

حسين:-لج اني تخبلت من اعمالج ساقطه

ميار:- احترم نفسك و وخر ايدك يمااااا

اجتي امي و نسوان ابويه اراي من شاف حسنين شون لازمني تدخل و يجر بيه يحاول يبعده عني بس لازمني بكل قوته ويصيح "تردين تنزلين روسنه"

اراي:-لك عوفها شبيك بس فهمني شكو شصاير

سحبني منه حطني ورا ضهره و حسين بس يريد يلوحني

اراي:-بس باوعلي حاچيني شكو شصاير

هاشم:-لك حسيين تمد ايدك على اختك؟ لك بعدني ممتت حتى تاخذ مكاني اكسره لأيد

حسين:-يابه انتَ تعرف بنتك الشريفة العفيفة العلوية شمسوية؟ بنتك نزلت روسنه بالطين ضيعت الاول و التالي

اراي:-اي غير نعرف شكو شصاير مو عدله تجي تهجم عَ البنية هيج ترا

حسين:-تدرون العلوية تتمعشگ ويه عبد الرحمن؟ تدرون كل يوم يسهرون سوه فوك السطوح؟ يابه خاله عامرة تكول البارحة عبد الرحمن مچيت فوك السطح الليل؟ تدري يابه لو لا؟ ولكم اذا اموتها بيدي ما انلام

ميار:-الكل مصدوم و اني منهم شديحچي؟ خاله عامره؟ وصل بيها لهنا؟ و هسه همه مصدگين؟ صحت بصوت عالي احس بيه قهر مصدگيها و ممصدگين بنتهم

ميار:-يابه وعلي ابن ابي طالب جذب والله العظيم اني مو هيج لا حسنين اني اختك بدال متصدگني تصدگها؟

حسين:-لچ حلفتلي حلفتلي كالت بعينها شافتچ

هاشم:-الضاهر اني مربيتچ سهام حليمة طلعو اميرة منا

اني واكفه ورا اراي مصدومه نسوان ابويه سحبن امي طلعنها من الغرفه و حسين لزم اراي و ابويه سحبني من شعري ضربني راشدي وكعت عَ الجربايه نزع حزامه و بده يضرب ويحجي عليه اراي يريد يجي يخلصني حسين لازمه و يعت بيه

شفت علي الاكبر من شافني فتح عيونه مصدوم ركض بسرعه ذب روحه عليه اجت الضربه بنص ضهره انّ بوجع بس متمسك بيه بقوه

هاشم:-وخرر لك وخر لا احطك وياها و اربيكم من جديد

علي الاكبر:-اضربني بدالها عاقبني بدالها شنو هالذنب اللي مخليك تضرب بنتك بهالوحشية

اراي: يابه عليك الله كافي خلينه نفتهم

علي الاكبر شال راسه شاف وجهي كله دم خشمي طك دم صار يمسح بردنه بخوف ويردد "مياري تسمعيني؟"

سمعت صوت مهدي؟ اي هاذه مهدي باوعت شفته لازم دشداشته ويركض اجه وصار يرعد رغم مو من عادته يصيح على الاكبر منه

مهدي:-صدك تحچون ولكم تطلعون عضلاتكم على بنيه؟ تستقوون على بنيه لا حول ولا قوه؟ ليش ليش

حسين:-اي صح انت متعرف اختك شتسوي ويه ولد الجيران؟ هاي العلوية مالتكم لج شتفرقين عن الساقطه ولج بس تلبسين عباة

مهدي:-حسين ما اسمحلك هاي تربيتنه شدتحچي انتَ

حسين: اي حقك العلوية ساتره روحها بعباية

هاشم:-انجبو كلكم اني ابوها اني المسؤل عنها

جرني ابويه بين ادين علي الاكبر وسحبني شافني بس نفس ما بيه كل حيل شالني وصعد الدرج و اسمعهم ورايه ديحچون يقنعون بي امي تبچي و تتوسلله بس ما يسمع لحد

اخذني فوگ غرفه فاضيه شمرني بيها سمعت صوت راسي من انركع بالكاع طلع و قفل الباب

سمعت من بين الهوسه صوت الاذان كلت "يالله" و غبت عن الوعي

فزيت على صوت هبد يندگ الباب بقوه حاولت اعرف شنو منو  بس بسبب الضلمه مداشوف شي
شفت شخص بس معرفته منو واگف ورا الباب و صوت حسين يكول

حسين:-افتح الباب لا اكسره....

نهاية البارت
لا تنسون التصويت ☆
دمتم بخير