〘 بسم الله الرحمن الرحيم 〙
السحر الأسود
لـِ الكاتبة وتين علي
- علي الاكبر
تقربت أشوف ما حسيت غير أفتر راسي و خشمي طگ دم
تقربت بيبي بخوف تحجي
جريحة:- شبيك أبني أسم الله
ركضت غسلت بس الدم ما وگف و حتى حرارتي صعدت
جريحة:- خيرك يوم گللي شبيك
علي الاكبر:- ماكو بس دخت
شفت عمتي سعاد أجت ركض
سعاد:- خير يمه شبي أبوية طمنيني فدوة
جريحة:- يمة أنتِ تعرفين حالة أبوج أدعيلة يا يمة أدعيلة
سعاد:- يارب ان شاءلله يگوم بـِ السلامة و يرجعلنة يارب الاكبر يمنه يمة شبيك خشمك كله دم
علي الاكبر:- ما أدري عمة دخت يلا بِما أنُُ أجيتي يم بيبي أني أروح
جريحة:- شلون ترجع يا يمة
علي الاكبر:- أرجع تكسي
جريحة:- هاك يمه هاك عشرة تحتاجها حگ التكسي دير بالك على روحك وليدي
علي الاكبر:- شكراً بيبي إذا أي شي صار بلغونه
بست راسها و رجعت تكسي راسي موتني أريد أركز ماگدر أتطوطح چنّي سكران و أخيراً وصلت..
- ميار
من طلع علي الاكبر و احنه خايفين أنوب محد موجود بس نسوان و أخواني كل واحد بمكان
توضيت و بديت أقرا قرآن و أصلي و أدعيله رن الجرس رحت شفت من الكامرات هاي ليلى و ازهر
رحت فتحت الباب ازهر سلم و راح و ليلى استلمتني بوس
ليلى:-لج مشتاقة يبووووو دخلتي المستشفى البارحة و أني مادري؟ إذا اهلسج ما أنلام
ميار:- هسه دفوتي شهرتينة صوتچ
فاتت تدردم سلمت عليهم و أنفجرت عود
شلون تسكت ياعلي
ليلى:- بلا يصير هاي تفوت مستشفى و متكللي ! بلا مو عيب عليچ ! والحسين عيب ما أستحيتي؟ چان أستحيتي خايبة أني لو منچ أطم روحي و القرآن
ميار:- سمِ بسم الله اشربي گلاص مي خاب دوختينة هدّي هوه غير تلفوني متكسر
ليلى:- تلفونات البيت كلها مكسورة؟
ميار:- لا
ما حسيت غير هجمت عليه تجر بشعري
ميار:- ولكم يبو لحگوني لچ شبيچ لـِ خاطر الحمزة أي شنو صار يعني
كامت مني تعدل روحها
ليلى:- ما صار شي بس هاي علمود لا تعيديها
أنت تقرأ
السِحرُ الاسود
Mystery / Thrillerالسحر الأسود لـِ الكاتبة وتين علي حقيقية || عراقية خوف ، هلع ، بيت فاضي ، و بس أني ويا هنا الخوف دب بـِ گلبي و جسمي صار يرجف بـِ شَكل مو طبيعي فزيت علىٰ صوت رگعة الباب و قشعر جسمي مجرد تخيلت شنو ناوي ألتفتت أباوع عليه يتقدم بـِ خطوات مسرعة يريد...
