〘 بسم الله الرحمن الرحيم 〙
السحر الأسود
لـِ الكاتبة وتين علي
_ميار _
أنصدمت بـِ الخبر و أنصدمت بـِ الأكبر شلون ديضحك
رحنه هناك كلها ملتمه و بيبي كل ساع تتخربط
و يگعدوها و بچي و نواح
أني حسيت سكري صفّر أطرافي ترجف و دايخة
طلعت أشوف علي الاكبر ضل بالي يمه دورته مموجود
أتصل عليه مايرد لحد ما جابو التابوت و كلها التمت علي يلا أجه بس مو بوعيه
من شالو الغطه من وجهه غمضت عيوني خفت بس سمعت صوت الاكبر واضح يبچي و يصيح
ردت أروحله بس إزدحام ما تگدر تعبر طلع من الغرفة بس تطمنت من شفت اراي شبگه
و شالو التابوت و الزلم كلها طلعت تروح تدفنه و بدت المعانات ثلث أيام احنه مراجعين بقينه بالبيت الچبير نساعد و نستقبل الناس
ثلث أيام مشايفه الاكبر أشوف اراي يمر يتطمن عليه المهدي يمر يچيك سكري بس هوه ماكو و كل ما أسألهم يگولون مشغول
ميار:- مهدي عليك العباس أريد أشوف الاكبر الله يخليك بالي يمه بيه شي هيچ متگلولي وينه و شبيه؟
دنك يستغفر مجاوبني و هالشي زاد من خوفي
اراي:- أي جناب العلوية أحنه مانسد عينچ؟ لو ألا الاكبر
ميار:- والله كلكم نفس المعزة بس مچان زين و صارلي شگد مشايفته عليك علي جيبولياه
اراي:- أنتِ أهدي و أني أدزه بس أهدي باعي سكرج مصفر ليش هيچ مو وصيتچ على روحچ؟
ميار:- تمام مثل متردون أنتبه الروحي بس أشوفه
مهدي:- يابه مچننه نعرف هيچ تحبين الاكبر أربعة و عشرين ساعة مكافش بـِ البيت
اراي:- گوم گوم الچلب ما يحب الا خناگّه منعجب العلوية أحنه
ميار:- هاي منو چلب لك اراي
اخذ أيد المهدي و راحو
اراي:- مو أنتِ مو أنتِ
راحو و أني نار تاكل بيه ليش ما أجه و ليش ما يجي شويه و شفت منه مسج رحت ركض شفته واگف بالگراج منطيني گفاه و أيديه بجيوبه و مدنگ راسه
ميار:- علي الاكبر
التفت و ياريته ما التفت وجه مشحب و أصفر و بي كدمات زراگ و عيونه حمر دم أبتسم بـِ تعب و مد أيده حطه على خدي باوعت شفته حاط كانوله
علي الاكبر:- ردتيني مرمري
ميار:-اني ردت علي الاكبر بحيله شنو صايرلك شنو هاي الكدمات بـِ وجهك
علي الاكبر:- لا تهتمين المهم يگولون مشتاگتلي
ميار:- ليش هيج علي الاكبر ليش هيج مسوي بروحك كلنه حزننه بس مو تأذي روحك هيچ
أنت تقرأ
السِحرُ الاسود
غموض / إثارةالسحر الأسود لـِ الكاتبة وتين علي حقيقية || عراقية خوف ، هلع ، بيت فاضي ، و بس أني ويا هنا الخوف دب بـِ گلبي و جسمي صار يرجف بـِ شَكل مو طبيعي فزيت علىٰ صوت رگعة الباب و قشعر جسمي مجرد تخيلت شنو ناوي ألتفتت أباوع عليه يتقدم بـِ خطوات مسرعة يريد...
