〘 بسم الله الرحمن الرحيم 〙
السحر الأسود
لـِ الكاتبة وتين علي
- ميار
گلت جملتي و أنداريت أروح بس أستوقفني صوت عبد الرحمن
عبد الرحمن:- بس أني شاريچ يا بنت الناس خلينه نكمل البديناه و أني مراح ألگه أحسن منچ إذا تسمحولي بـِ الليل إجيب العشيرة و نخطب رسمي
عماد:- أنتَ تسمع روحك شنو جاي تحچي؟
و گدامي؟ مستعجل على موتك تريد تطلع منا محمل؟
ميار:- لا عبد الرحمن و لا عماد أني هسه ما مفكرة بـِ الزواج و الله يوفقكم بـِ الأحسن أترخص أني
بعدني مطالعة عبد الرحمن سلم و طلع ضايج و عامرة طلعت تتبچبچ و مسوية روحها مظلومة و تمسح بعيونها و ولدها ضايجين طلعت أروح لـِ غرفتي و أخواني سانديني بعدني دايخة
علي الاكبر:- مرمر تعالي لـِ غرفتي
ميار:- ليش؟
علي الاكبر:-بعد ذاك الغرفة أني أخذه أنتِ تاخذين غرفتي خليچ هنا بنص البيت ذاك الغرفة يم الدرج و بعيد و شباچه يطل على الدرابين ما ناقصين مشاكل أحنه
اراي:- طلعت تفكر ولك
مهدي:- صح كلامه
علي الاكبر:-أي لعد شعبالكم ترى أفكر عندي مُخ يلا أنتِ أرتاحي أحنى نساعدهم ما تگومين من مكانچ توگعين
مهدي:-انتِ زينة مو؟
ميار:-اي بس دوخة خفيفة و راسي مأذيني
گال اراي و هوه يوخرهم و يغطيني
اراي:-دوخرو وخرو خلي تنام ترتاح لا تضوجوها
أبتسمت فرحت لـِ إهتمامهم و أمي واكفة بعيد عيونها مدمعة بوسو راسي و خففو الضوة و طلعو و سدو الباب
ميار:- ولكم تلفوني وين عليييي
فتح الباب مفزوع
علي الاكبر:- هاچ تلفوني ذاك تضرر ما أعتقد يرجع جديد عود نشتريلچ
ميار:- ماااا أريد تلفوني بي قصصي
علي الاكبر:- نزلي اللي ترديه أني فضحوني ذوله
ميار:- أي نضفو البيت زين و شغلو بخور و قرأن
علي الاكبر:- أنچبي أنچبي عساس ما أعرف
أم الوصخ تريد تعلمني النضافة
طلع يدردم نزلت البرنامج و ندمجت أقرا و أفتش بتلفونه طلع شريف صدك بس عنده بنات صديقاته بالمدرسة و القريبات كلهن حساباتهن يمه عنده تلي و تيك و انستا و واتس و سناب يووه دخت أفوت لهنا اطلع منا تالي عفت الفون
أنت تقرأ
السِحرُ الاسود
Mistero / Thrillerالسحر الأسود لـِ الكاتبة وتين علي حقيقية || عراقية خوف ، هلع ، بيت فاضي ، و بس أني ويا هنا الخوف دب بـِ گلبي و جسمي صار يرجف بـِ شَكل مو طبيعي فزيت علىٰ صوت رگعة الباب و قشعر جسمي مجرد تخيلت شنو ناوي ألتفتت أباوع عليه يتقدم بـِ خطوات مسرعة يريد...
