Anger Revenge Heart : Ep 02
_______
“យើងចង់បានអែង!” មិននិយាយច្រើន ហ៊ីស៊ឹង នាយក៏និយាយពីអ្វីដែលនាយត្រូវការប្រាប់ទៅកាន់ ជេយ៉ុន តែម្តង .
“លោកចង់បានខ្ញុំធ្វើអីទៅ? ចង់យកខ្ញុំសងសឹកជំនួសលោកប៉ារបស់ខ្ញុំឬ? Okay បានខ្ញុំព្រម តែសូមលោកដោះលែងលោកប៉ារបស់ខ្ញុំទៅ” ជេយ៉ុន ជាមនុស្សឆ្លាតឆាប់កាត់ន័យយល់ពីអ្វីដែល ហ៊ីស៊ឹង និយាយណាស់ទើបគេពោលឡើងដូច្នេះ នាយតូចជូតទឹកភ្នែកប្រឈមមុខជាមួយនាយក្រាស់មួយទល់មួយ គេស្រឡាញ់លោកប៉ារបស់គេណាស់ គាត់លំបាកច្រើនណាស់ទម្រាំតែអាចចិញ្ចឹមគេនិងបងប្រុសរបស់គេបានធំប៉ុណ្ណេះ ហើយឥឡូវល្មមដល់ពេលដែលគេត្រូវចេញមកជួយសម្រាលធុរៈគាត់ខ្លះហើយ .
“ទៅយកប្លង់ផ្ទះមក” ហ៊ីស៊ឹង ក៏ដាក់ខ្លួនអង្គុយលើសាឡុងសម្លឹងមើលទៅ ជេយ៉ុន ដោយកែវភ្នែកបង្កប់ន័យពិសពុលអីមួយរកស្មានមិនត្រូវ ហើយយើងក៏មិនដឹងដូចគ្នាថានាយនឹងធ្វើអ្វីទៅលើក្មេងតូចម្នាក់នេះក្នុងពេលបន្តិចទៀត .
“មានអ្វីទាក់ទងនឹងប្លង់ផ្ទះហែស? នេះកុំថាលោកចង់ប្រវ័ញ្ចយកផ្ទះមួយនេះទៀតណា? លោកចង់អោយគ្រួសារខ្ញុំរលាយគ្មានសល់អ្វីមែនទេ? ហ៊ឹក!ហ៊ឹក~~” ទឹកភ្នែកដែលទើបតែឈប់ហូរនោះក៏ត្រូវស្រក់មកម្តងទៀតហើយ ជេយ៉ុន ក៏ស្រែកទៅកាន់ ហ៊ីស៊ឹង ទាំងទឹកភ្នែកដាបជោកថ្ពាល់ តាំងពីកើតមកគេមិនដែលជួបមនុស្សណាអាក្រក់ដូចជានាយម្នាក់នេះទេ លើកទីមួយហើយដែលគេត្រូវមកជួបមនុស្សបែបនេះ .
“ប្រាប់អោយទៅយកក៏ទៅយកមកកុំតមាត់បានទេ?” ដោយធុញនឹងសម្តីញ៉ែតៗរបស់ ជេយ៉ុន ដែលនិយាយមិនដឹងគ្នានោះ ហ៊ីស៊ឹង ក៏ស្រែកមួយទំហឹងដល់ថ្នាក់ធ្វើអោយគេលោះព្រលឹងអស់ ហេតុតែគ្មានជម្រើសព្រោះនាយតូចខ្លាចនាយក្រាស់ណាស់ទើបគេដាច់ចិត្តដើរទៅយកប្លង់ផ្ទះមកអោយនាយក្រាស់ទាំងទឹកភ្នែកហូរមិនឈប់ .
“ហ៊ឹក~~~” ជេយ៉ុន ឈរសម្រក់ទឹកភ្នែកម៉ាត់ៗសម្លឹងទៅ ហ៊ីស៊ឹង ដែលកំពុងតែសុីញ៉រប្តូរឈ្មោះនៅក្នុងប្លង់ផ្ទះដែលជាឈ្មោះលោកប៉ារបស់គេគឺប្តូរពី អាដាម ឡាវេនឌ័រ មកជា ហ៊ីស៊ឹង វើជីនៀ ដែលជាឈ្មោះរបស់នាយទៅវិញ .
YOU ARE READING
Anger Revenge Heart
Randomនាយខឹងគុំគួននឹងអ្នកជាឪពុក តែនាយធ្វើបែរជាទៅបាបចិត្តអ្នកជាកូន នាយជឿសម្តីជនទី 3 ក៏មិនជឿសម្តីប្រពន្ធខ្លួនអែង ជាលទ្ធផលដែលនាយត្រូវរស់នៅម្នាក់អែងទាំងបៀមទុក្ខឈឺចាប់និងការស្តាយក្រោយអស់រយៈពេលយ៉ាងយូរ Heeseung Virginia [Top/Alpha] Jaeyun Lavender [Bottom/Omega]...
