Anger Revenge Heart : Ep 10
_______
“ ថេយ៉ុង ឈប់សិន!!” ជុងគុក ស្រែកហៅអ្នកដែលរត់ទៅបន្ទប់យ៉ាងលឿននោះមួយអស់សម្លេង នាយប្រញាប់ចាប់ដៃ លូយី ចេញហើយរត់ទៅតាម ថេយ៉ុង យ៉ាងលឿន .
គ្រាំង!!
ថេយ៉ុង ទាញទ្វារបិទមួយទំហឹងរួចក៏ប្រញាប់ចាក់សោរមិនអោយ ជុងគុក ចូលបានទេ ហើយនាយក្រាស់ក៏មិនបានចេញទៅណាដែរ ពេលដែលឃើញនាយតូចបិទទ្វារបែបនេះនាយក្រាស់ក៏សម្រូតខ្លួនអង្គុយនៅមុខទ្វារតែម្តង នាយខុស ខុសដែលច្រឡំនិយាយសន្យាជាមួយ លូយី មុនពេលដែលនាយស្រឡាញ់ ថេយ៉ុង ដល់ពេលរឿងនេះកើតឡើងនាយក៏មិនដឹងថាត្រូវធ្វើយ៉ាងម៉េចបន្តទៀតដូចគ្នា នាយទាល់គំនិតតែម្តងហើយពេលនេះ .
“ ជុងគុក បងអង្គុយធ្វើអីនៅទីនេះ? តោះយើងទៅជួបអ្នកម៉ាក់” លូយី ដែលឡើងមកតាមនោះ ពេលឃើញ ជុងគុក អង្គុយអោនមុខចុះគេក៏សួរឡើងបន្តិច មកនឹងបបួលនាយទៅជួបអ្នកម៉ាក់របស់គេ ចំណែកឯ ថេយ៉ុង ដែលស្តាប់ឮនោះ ក៏កាន់តែហត់ចិត្តតឹងទ្រូងលើសដើម គេមានអារម្មណ៍ថាក្នុងទ្រូងគេហាក់ឈឺឈៀបៗពេលដែលឮថា ជុងគុក នឹងទៅជួបអ្នកម៉ាក់របស់ លូយី នាយតូចរហ័សរត់ទៅគ្របភួយជិតឈឹងស្តាប់លែងឮអ្វីទាំងអស់ទើបគេសម្ងំយំស្ងាត់ៗតែម្តង .
“ លូយី ហា~~បងសុំទោស បងមិនអាចរៀបការជាមួយអូនបានទេ ព្រោះបងមិនបានស្រឡាញ់អូនទេ ពេលនោះបងនិយាយដោយមិនបានត្រៀមទុក សុំទោសផង ដោះលែងបងទៅ បងមិនល្អទេ បងមានអ្នកផ្សេងក្រៅពីអូនច្រើន ហើយបងក៏បងដេកជាមួយគេច្រើនផងដែរ ស្រឡាញ់បងនាំតែឈឺចាប់ទេ” ជុងគុក រៀបរាប់គ្រប់យ៉ាងប្រាប់ទៅ លូយី ទាំងអោនមុខចុះ នាយពិតជាគ្មានចិត្តស្រឡាញ់ លូយី ស្អីបន្តិចទេ នាយគ្រាន់តែយកគេមកលេងសើចមួយពេលតែប៉ុណ្ណោះ .
“ហ៊ឹស! បងមិនបាច់និយាយទៀតទេ ខ្ញុំដឹងហើយថាមកពីអាក្មេងនោះទើបបងឈប់ស្រលាញ់ខ្ញុំ!!” លូយី និយាយចប់ក៏ដើរចេញទាំងខឹង ទឹកមុខបង្កប់អ្វីមួយពិបាកស្មានខ្លាំងណាស់ .
“ ថេយ៉ុង ហ៊ឹក!” គ្រាន់តែ លូយី ដើរចេញទៅបាត់បេះដូងរបស់ ជុងគុក ក៏ស្រែកហៅ ថេយ៉ុង ទាំងហូរទឹកភ្នែកតែម្តង បាត់មុខគេតែមួយភ្លែតនាយឡើងចង់ស្ទះទ្រូងស្លាប់ទៅហើយ កាលស្អប់គេក៏ស្អប់ខ្លាំង ដល់ស្រលាញ់គេក៏ស្រលាញ់ខ្លាំងខ្វះមិនបានទៀត នាយចង់អោយគេបើកទ្វារអោយនាយ នាយចង់ឃើញមុខនគេ នាយចង់លួងលោមគេ នាយចង់អោបគេ នាយចង់ថើបគេតាមចិត្តដែលកំពុងតែត្រូវការពេលនេះ .
YOU ARE READING
Anger Revenge Heart
Aléatoireនាយខឹងគុំគួននឹងអ្នកជាឪពុក តែនាយធ្វើបែរជាទៅបាបចិត្តអ្នកជាកូន នាយជឿសម្តីជនទី 3 ក៏មិនជឿសម្តីប្រពន្ធខ្លួនអែង ជាលទ្ធផលដែលនាយត្រូវរស់នៅម្នាក់អែងទាំងបៀមទុក្ខឈឺចាប់និងការស្តាយក្រោយអស់រយៈពេលយ៉ាងយូរ Heeseung Virginia [Top/Alpha] Jaeyun Lavender [Bottom/Omega]...
