طلعت من غرفه الأستاذ عبدالله و انا منقهر على هذا اللي مدري وش يبي مني
اخخخ لو ان الأستاذ عبدالله ما تدخل كان بركت عليه ...
بس اضحك على من ؟؟؟ هو اللي برك فوقي انا مو العكس بالرغم من اني انا الأطول ...
طول الحصص سارح بعالم ثاني افكر بأشياء واجد مو على عادتي الصراحه
الحين اللي قدامي هو نفسه اللي تصافقت معاه بمكتب استاذ عبدالله صح ؟؟؟
اكيد نفسه !!! وش هذا الذكاء اللي عندك يا نادر ؟؟؟
...
خلص الدوام
و انا حالياً قدام المدرسه انتظر ابوي يجي يأخذني
و فعلاً جا بعد دقايق قصيره ...
دخلت السياره و حطيت شنطتي بالمقعد اللي ورا و سكرت الباب و مشينا
سلمت على ابوي و بست يده بدال راسه ...
رحنا لطريق مدرسه موضي ... استغربت و سألت ابوي قايل : غ ... غر ... غريبه ... م ... مو ... ال ... المف ... المفروض ... مو ... موضي ... تخ ... تخلص ... قب ... قبل ... قبلنا ؟؟؟
رد ابوي و قال لي بهدوء و عينه مركزه على الطريق : نسيتكم يوم جيت برجع البيت تذكرت ان عندي عيال و انت كنت بطريقي فا خذيتك اول واحد
اححح لهذي الدرجه ؟؟؟
ابوي ينسى ان عنده عيال ؟؟؟ ... لهذي الدرجه يبي الفكه منا ما هقيتها منك يا يبه
ما علينا و ما ضنتي اني بتخطى اصلاً
طول الطريق ساكتين ولا واحد منا يتكلم بس الصمت هذا يريحني احس براحه لما اكون جنبه على الأقل
بدون ما احس وقف ابوي السياره و طالعني قايل بهدوء : انزل ناد لي اختك
هزيت راسي بتمام و نزلت مسكر الباب السياره
و مشيت بعيد عن السياره المكان فاضي حيل ... لهذي الدرجه البنات يروحون بسرعه ؟؟؟ ولا انا و ابوي متأخرين ؟؟؟
انا وش فيني اقول لهذي الدرجه ؟؟؟ الظاهر اني بحلل هذي الكلمه تحلل
وصلت للمايك و بنيه اني اتكلم و انادي اختي موضي
'' ما يحتاج انا جنبك ''
صرعتني و من الخرعه قلت بصوت شبه عالي : بسم الله !!!
انا تكلمت بدون تأتأه !!! الحمدالله و الله انه إنجاز عظيم بالنسبه لي
جتني غصه في حلقي اول مره اتكلم بدون تأتأه
ناضرت في موضي و ألقاها متصنمه و شنطتها اللي على كتفها
و عيونها متوسعه و بعدها سمعت صوتها اللي تحت النقاب و تقول : يا لبى ذا الصوت بس
