ذلفت وجه العنز ذي .... اخخخخ كان ودي احذف عليها نادر بس ما مداني الوقت
اخذت الكرسي الهزاز حقي و طلعت من غرفه نادر صاكه الباب بقوه لدرجه اني سمعت صوت الصدى للباب و الهوا القوي اللي جا بعده
ركضت مالي خلق ازعاج منه هو بعد
دخلت غرفتي و سكرت الباب بالمفتاح علشان وجه الفقر ما تدخل علي و تبطحت على السرير أطقطق على تلفوني
...
مكان ابيض
و قدامي هذا اللي أنا احبه بس ...
ملامحه تعيسه كأن الحياه لاعبه فيه لعب و وجهه فيه لاصقات
لمحت ابتسامته و مد يديه الملفوفه عليها ضمادات و ربت فيه على كتفي و قال جمله وحده بس ...
'' وقفي خلاص ''
فجأة يوجون اشخاص ما اعرفهم و ينزلون فيه ضرب مب صاحي ...
جسمي ما عاد يتحرك مثل ما أنا ابي كأن في احد ماسكني و رابطني
لمحت وحده لابسه نقاب من بعيد تطالعهم ببرود و الكسر واضح من عينها
...
'' موضي قومي !!! وجع !!! ''
قمت على صوت ابوي و أنا منخرعه
طالعته و انا احاول استوعب شوي على الأقل تكلمت و قلت لأبوي : الساعه كم ؟؟؟
تكلم بهدوء و هو رايح للباب ماسك المقبض : الساعه ست و نص الصبح مدرسه يلا !!!
طلع بعد ما سكر الباب
انصرعت !!! إيش ؟؟؟ من متى و انا انام كذا ؟؟؟ ولا و طوفت صلاه العشا و الفجر !!!
اخخخخخ يا ربي سامحني على تأخيري بصلاتي
لحظه ... شلون فتح الباب و أنا قفلته قبل ما انام ؟؟؟
يمه !!! لايكون كسره ؟؟؟ لا مستحيل ابوي اعقل من كذا ... و إذا كسره كان انخرعت
ليه اكبر الموضوع ؟؟؟ يمكن عنده مفتاح زايد لغرفتي
يلا مو مهم ... المهم اني اصلي الحين !!!
طرت للحمام اتوضى و بعد ما خلصت نزلت سجادتي و بديت اصلي
خلصت كل صلواتي و رحت اتجهز للمدرسه سريع سريع
...
نزلت تحت عند طاوله الطعام
و الصراحه لقيت ذي اللي ما تنقال ... أوف يعععع
ابي افهم ابوي ليه تزوجها ؟؟؟ اخخخخ لو ان القتل حلال كان قتلتها امس
نزلت و قعدت على الطاوله ابي اكل و املئ بطني ... خير اخرب نفسيتي على وجهها المعفن
