أغَاث قلبي والروحُ هتانه

13

لاتفارقي قلبي الولهان .
دي حبك من طوالي السنين.
..
تشتاق لك عيونه والشوق غلاب.
والروح تُونس بشوفت يلي تحب.
..
عاشقينك من زمان واشهر وايام.
هايمين ببعضنا والحب فينا مكتوم.
..
عجزت افسره لك وافهمه مشاعرك.
وعجزت ي وطني استوعب فراقك.
ــــــــــــــــــــــــــــــــــــــــــــــــــــــ
بعد ما مر يوم الاثنين. والمشاعر متلخبط والكل ضايع في من كاتم مشاعره والغصه خانقينه وفي من فرحاان وينتظر السفرر يقبل وقته ،ابو هتان**عزم رجال الديره كلهم واصحابه يوم الثلاثاء «يلي هو اليوم» عنده بمجلسه بمناسبة رجوع عبدالله للاخوانه من بعد طوال السنين وبمناسبة الصلح والعفو للاخوانه من بعد الله سبحانه وتعالى من انتشر خبر عائلة الشهراني وسفرهم يلي تحدد يوم الاربعاء ماتقفل باب بيتهم الحريم داخلين وخارجين يودعونهم.
عند مجلس محمد يلي بعيد من البيت الظهر الساعه حول 12 قاعد يشيك على الغدا يلي يطبخون عليه الرجاله من شركه خاصه.
:عسى المرقه سويتوها مثل ماقلت لكم
العامل: اي ياعمي مثل ماقلت بالضبط خلصنا خلاص نجهز السفره ولا نتبقى احد
ابو هتان تنهد: مادري وش اقول لك للحين عايد ماوصل بالطريق نستنى نص ساعه كمان.
العامل: ان شاءلله اذا قرب من الديره اعطني خبر عشان اجهز سفرة الغدا بسرعه
ابو هتان: ان شاءلله الله يعطيك القوه.
ابعد من العمال وهو يقرب عند ياسر واخويااه
فيصل .. معاذ..
ابو هتان بابتسامه: قويتوا.*
العيال: الله يقويك
فيصل: وشلونك ياعم عساك بخير
ابو هتان: الحمدلله بنعمه وخير.
لف على ياسر : وين اخوك!
من الصباح مو شايفه صحيته؟
ياسر بارتباك: الا صحيته بس ماصحي للحين تعبان شوي
ابو هتان بقهر: كله دلع* روح صحيه يحظر على الغدا روح
ياسر وقف بسرعه وهو منحرج من العيال.
: ابشر يابوي.
تجاوز والده وهو يروح باتجاه البيت.
وبداخله يتحلطم على هتان يلي دايماً يؤكل تهزيئه بسببه من والده..
ـــــــــــــ
دخل الحوش بخطوات سريعه
وقف عند الباب قبل مايدخل الصاله
: ددرب ددرب.
: ادخل يمه البنات كلهم ببيت عبدالله مابه حد
ياسر دخل: هلا يمه علامك مو رايحه عند خويتك* وجارتك ام الوطن
عنزه : شوي وبروح قاعده احتري هتان*
يصحى
ياسر : روحي يمه الحين انا اصحيه*
روحي الحريم داخلين بيت العبدالله من الصباح وانتي جارتك وتتاخرين!
عنزه وقفت: اطلع صحي اخوك*.
وامانه شوف له مسخن تعبان شايله همه
ياسر : ان شاءلله يمه روحي روحي مابه شي بس دلع على قولت ابوي
العنزه تلبس على العبايا خفتت بقهر: ابوك مو م عترف بالمرض بس لو يجييه اسبوع نايم على فراش صدق من قال ضربه بظهر غيري توجع
ياسر ابتسم وهو يصد طالع الدرج يعرف امه
وعصبيتها يلي بسرعه تعطيها ردة فعل حتى لو كان الكلام منهم ولا من والدهم مزح
ــــــــــ
طق
طق
طق
فتح الباب اول ماسمع صوت هتان يهمهم له
طالع فيه وشلون متلحف كامل بالحاف مو واضح منه شي*
ياسر قرب يسكر التكييف: اصحىى ياخي خاف الله من صلاة العشاء امس وانت نايم للحين!
منجدك* اصحى ابوي عنده ضيوف والغدا مابقى عليه شي ترا معصب منك
هتان ابعد الحاف عن وجهه وهو يفتح عيونه المنفوخات الحمراء بثقل: مابغى غدا.
ولا شي متى صحيت اجيهم كم الساعه
ياسر طالع ساعته : 12 الظهر.
ابوي بيزعل والله جاء يهزئني عليك قدام العيال
هتان غطى وجهه وهو يخفت ببحوح: قول له تعبان تصررف*
ماراح اخرج الظهر ولا لي حيل على الازعاج وحر الشمس
ياسر شد شفايفه : بكيفك.
ابوي مسوي عزومه للعبدالله قبل روحته.
عارف انت؟؟
هتان هتف: ليه ماسوها اليل!
عشاء
ياسر : بكره الفجر وراهم خط طويل*
مايقدر يسهر الشايب عبدالله
هتان تنهد بصوت مسموع وهو خفت ببحوح: قفل الباب خلفك.
ياسر عرف ان مافي امل!يصحى انسحب بهدوء وهو يقفل الباب خلفه مثل ماطلب منه.
همس بنفسه**
بتتتهرب اليوم وبكره؟!
الله يعين قلبك ياهتان*
أدري ماعليك للفراق حيله*
قلت لك بتتعب!
بس البلا جاك على هيئة حب *
والحب صعب يناله البشر. بسهوله
يالله إنك تعينه.
ــــــــــــــــــــــــــــ.
هتان*
ساكنه حركته تحت الحاف*.
طار نومه من ذكر له روحتهم متى*
همس بنفسه"" اقل من 24ساعه بتروح؟
اخذ نفس عميق
وهو يرفع الحاف عن جسده ويقعد بثقل.
مسح على وجهه براحة يده .
طالع بالمرايا التسريحه يلي قباله مباشره.
طالع في شكله المبهذل وملامحه الباهته.
من عقب ماراحت الوطن*
امس طلع غرفته ولا عاد نزل*
حارب النوم وافكاره طوال اليل*
قبل الفجر بشوين غفى*
وصحي على الشروق صلى واخذته نومه .
ـــ
ططططق.
هتان بنفذ صبر: خلاص صاحي صااحي
: هتان.
وقف من السرير بخفه وهو يقرب من الباب يفتحه.
: هلا ييمه
ام هتان مدت يدها تتحسس جبينه: ماقدرت اروح بيت عبدالله وانت هنا تعبان يمه
هتان قبل يدها بهدوء يلي تتحسس جبينه: تسلمي يمه مافيني شي والله
الحين بتجهز وبنزل عند الضيوف
ام هتان بابتسامه: زين ماتسوي يايمه ابوك الله يهديه معصب
هتان: ان شاءلله يلا روحي .
ام هتان: مع السلامه.
طالعها لين نزلت الدرج.
تنهد وهو يمشي باتجاه الحمام.
«اكرمكم الله»
ــــــــــــــــــــــــــــــــــــــــــــــــــــــــــــــــــــــــــــ
بديرة المسره.
..
العصر.
..
ببيت ابو هادي«فارس».
..
قاعد مع عياله بالصاله يتقهوون.
ويتحاورون بموضوع عبدالله.
وعياله.
..
ام.هادي: الله يجيبهم بالسلامه وتلين القلوب وتنور الديار
ابو هادي بابتسامه : ان شاءلله يارب والله إن السعد راكبني من يوم عرفت انه راضي
شوق بابتسامه: قلت لك يبه عمي عبدالله من وصفه طيب بالحيل
ام هادي: راح وانتوا صغار!
واذكره وشلون حنون معكم كلكم ماكان يعتبركم الا مثل عياله بغيبت ابوك