တရွေ့ရွေ့အချိန်တွေကုန်ဆုံးလာကာ အခုဆို Baekhyunne နဲ့ သူနဲ့သူငယ်ချင်းဖြစ်လာတာ ကိုးလ ဆိုတဲ့အချိန်တောင်ရောက်လာခဲ့ပြီ။
စခင်ကာစ တစ်လတုန်းကဆို သူ့မှာ Baekhyunne ဘက်ကို SNS ကနေ စာတွေပို့ချင်သော်လည်း တစ်ဖက်သူ စိတ်အနှောင့်အယှက်ဖြစ်မှာကို စိုးမိပြီး မပို့ဘဲ Baekhyunne ဘက်က ဆက်သွယ်လာမည့်အချိန်ကိုသာ မျှော်လင့်စောင့်စားခဲ့မိသည်။
Baekhyunne ကတော့ နံပါတ်ချင်းလဲပြီး ညမှတင် သီချင်းနဲ့ပက်သက်ပြီး သူ့ကို SNS မှ ဆက်သွယ်လာခဲ့ပြီး နောက်ပိုင်းတဖြေးဖြေး သူ့နေ့စဥ်ဘဝမှာ ကြုံရတဲ့ အလွဲလေးတွေကို ဟာသနှောပြောဖြစ်လာသည်။သူကလဲ သူ့ရဲ့တနေ့တာမှာ လုပ်ဖြစ်တာလေးတွေကို Baekhyunne အားပြောပြသည်။တစ်ခါတစ်လေ သီချင်းအသစ်နဲ့ဆိုင်တာလေးတွေပြောမိရင်း Baekhyunne ရဲ့အကြံပြန်ပေးတာတွေကိုလည်း သူလက်ခံရရှိသည်။'Lucky' သီချင်းကိုလည်းအစက Digital အနေနဲ့ဘဲထုတ်မယ်စိတ်ကူးခဲ့ပေမယ့် သူရေးထားတာတွေထဲက နောက်ထပ်နှစ်ပုဒ်ကိုပါ သဘောကျတယ်ဆိုတဲ့ Baekhyunne က ဒီတစ်ခေါက် Album မှာဘဲ သီချင်းတွေထည့်သုံးတော့မယ်ဆိုပြီး စီစဥ်လေသည်။
ဒါ့အပြင် သူ့ကို Colla ဆိုပေးဖို့အပြင် MV မှာပါ ပါပေးဖို့တောင်းဆိုပြန်လေသည်။သူကလည်း အစကတော့ ငြင်းဖို့ကြိုးစားခဲ့သော်လည်း တောင်းဆိုသူက Baekhyunne ဖြစ်နေသည့်အတွက် ကြာကြာမငြင်းနိုင်ဘဲ သဘောတူခဲ့မိပြန်သည်။နောက်လဆို Baekhyunne ရဲ့ 'Cherry ' album လေးထွက်လာမှာဖြစ်ပြီး သူနဲ့ Baekhyunne အတူရေးထားတဲ့ သီချင်းတစ်ပုဒ်ရယ် သူရေးထားတဲ့နှစ်ပုဒ်ရယ်လည်းပါဝင်လာအုံးမှာမို့ စိတ်လှုပ်ရှားနေမိသည်။အစကတော့ Songwriter နဲ့ producer အလုပ်ကို Baekhyunne ကြောင့်စတင်ခဲ့ပေမယ့် အခုတော့ ဒီအလုပ်မှာသူကိုယ်တိုင်ပျော်မွေ့နေပြီလည်းဖြစ်သလို သူရေးတဲ့သီချင်းတွေကို သဘောကျလက်ခံပေးသူများလာတဲ့အတွက် ကိုးလ ဆိုတဲ့အတိုင်းအတာမှာတင် ဒီလောကထဲ နေရာတစ်ခုလေးရလာပြီလို့လည်းဆိုနိုင်နေပြီ။
အရင်က လူသိပ်မသိခဲ့တဲ့ Demo တွေလောက်သာဆိုပြီး တင်ထားတဲ့ သူ့ Channel ဟာလည်း Baekhyunne ကျေးဇူးနဲ့ လူသိများသွားခဲ့ပြီး အခုဆို လူငယ်ပရိတ်ကြား သူ့သီချင်းတစ်ချို့ကလည်း ပေါက်နေလေသည်။သို့သော် သူ့အနေနဲ့ အဆိုတော်တစ်ယောက်အထိလုပ်ဖို့ စိတ်မပြင်းပြ Baekhyunne က လုပ်ကြည့်ဖို့တိုက်တွန်းသော်လည်း သူ့မှာ မိသားစု အလုပ်တွေလုပ်ပေးဖို့တာဝန်ရှိသေးတာကြောင့် ဒီလောကထဲ အချိန်ပြည့်မလုပ်နိုင်သေးကြောင်းပြောငြင်းရပြန်သည်။သူ့ပထမဆုံး သီချင်းကို ပေးခဲ့တဲ့သူက Baekhyunne ဆိုပေမယ့် ဒီအတောအတွင်း သီချင်းက မထွက်ဖြစ်ခဲ့သေးဘဲ အခြား သူရေးထားတဲ့ သီချင်းတွေကတော့ Company ရဲ့ တခြား idol တွေအတွက်သုံးဖြစ်သွားပြီး အရင်ထွက်လာသလို လူကြိုက်လည်းများလေသည်။လတ်တလော ထွက်နေတဲ့ drama တစ်ခုမှာလည်း သူရေးပေးတဲ့ OST ကပေါက်နေလေသည်။ဒါကြောင့် သူ့ကို သီချင်းလာအပ်သူတွေများနေတာကြောင့် ဒီတလော အလုပ်တွေများပြီး Baekhyunne နဲ့လည်းမဆုံနိုင်ဖြစ်နေတော့ အလုပ်လုပ်ရတာ စိတ်ပင်မပါချင်တော့ပေ။
YOU ARE READING
♡𝔈𝔵𝔱𝔯𝔞 𝔖𝔴𝔢𝔢𝔱♡
Fanfiction'' တွေ့ရတာဝမ်းသာပါတယ် Baekhyunne '' (ɔ ˘⌣˘)˘⌣˘ c)♡ ''ကျွန်တော် အစ်ကိုအသေးလေးကို မြတ်နိုးပါတယ်ဗျ''
