أسرار قلبها

Part 2

بسم الله الرحمن الرحيم

هجم عليه ياسر، يضرب بوكسيات حسين يريد يلزمه مايكدر، فاروق راح وراه ويوخر بحسين، محمد يباوع ويدخن الجكاره.

محمد: "روحي للغرفه واقفلي الباب."

كيرالي: "عليك الله خل يعوفو لايموت ونبتلي."

محمد: "كيرالي للغرفه."ولاطلعين الى اني اكلج

رحت للغرفه أمشي واني خايفه يموت ، كلبي يدك سريع وكأني احس بضغط العالم كله على صدري. كعدت بالغرفه، والأصوات تعله لدرجة أني ما كدرت أسمع أي شيء غير ضجيج داخل راسي. شوي ومحمد صاح.

محمد: "كافي، صار هدوء."

ضلوا يحجون، لكن ما كدرت أسمع، ومحمد مايقبل أطلع. ضليت أفتر بالغرفه، أيدي كانت ترتجف، قلبي مشوش بين الخوف والغضب. مرت ربع ساعة، وندك الباب.

فتحت الباب، شفت ياسر خشمه يجري دم، وزيادة على الألم اللي كان فيه، كان شعور الخوف يتغلغل في قلبي أكثر.

كيرالي: "عزاا شسوهه هذا الكلب؟"

ياسر: "أخذت حقج."

كيرالي: "لك ياحقق اكعد."

رحت جبته كلنس واطيته إياه، يدي كانت مشدودة كأنني خايفه عليه أكثر من نفسي.

كيرالي: "سولفلي شصار عليك الله."

ياسر: "يعني مامطيتني الكلنس حباً بيه؟"