Uss raat ke baad, Dev aur Ritika ke beech ka rishta aur gehra ho chuka tha. Unka milna ab roz ka hissa ban gaya tha.
Coffee dates, late-night drives, aur private moments — un sab mein ek alag hi maza tha, jaise dono bas ek doosre ke liye hi bane ho.
Dev ne kabhi kisi ke liye aise feelings mehsoos nahi ki thi. Woh jo hamesha apne emotions ko control karta tha, ab Ritika ke saath apna har pal jeena chahta tha. Uska bas ek irada tha — Ritika ko apni zindagi ka hissa banana.
Us din, Dev ne decide kiya ki woh Ritika ko propose karega, ek aise andaaz mein jo hamesha yaad rahe.
---
Shaam ko, Ritika apne ghar par thi jab uske darwaze par knock sunaayi diya. Usne darwaza khola, aur saamne ek delivery boy ek elegant box le kar khada tha. Ritika ne box liya, aur uspar ek note chipka tha:
"Shaam ko tyaar ho kar is dress mein meri wait karna. Aaj ki raat sirf tumhare liye hai. - Dev"
Ritika ka dil tezi se dhadakne laga. Usne box khola, to usme ek khubsurat red evening gown tha, jo bahut hi elegant aur classy lag raha tha.
Dress ko dekh kar Ritika ke chehre par ek blush aa gaya. Dev ka yeh andaaz usse surprise kar raha tha.
Shaam ko, Ritika ne woh gown pehna. Uska look ekdum mesmerizing tha.
Usne apne baalon ko loose curls mein set kiya aur halki si makeup kiya. Uske haath halka sa kaamp rahe the, kyunki usse andaza ho raha tha ki aaj kuch khaas hone wala hai.
---
Jaise hi woh tayar ho kar neeche aayi, Dev uski car lekar uske ghar ke samne khada tha. Dev kaafi handsome lag raha tha apni black suit aur tie mein.
Ritika ko dekhte hi, uske chehre par ek smile aa gayi, jo uska dil aur bhi jeet rahi thi.
Dev ne uske paas jaa kar uska haath pakda aur dheere se kaha, "Tum bohot khubsurat lag rahi ho, Ritika."
Ritika ne sharmate hue kaha, "Aur tum bhi aaj kuch zyada handsome lag rahe ho."
Dev ne uska haath apni baahon mein lete hue car ka door khola, aur dono car mein baith gaye.
---
Dev ne usse ek exclusive location par le jaaya, jo ek open-air terrace restaurant tha.
Pura area lights se decorate kiya gaya tha, candles ki roshni, aur halki si music chal rahi thi. Pura atmosphere ekdum romantic tha.
Ritika ne apne chaaro taraf dekha aur muskurate hue kaha, "Yeh sab tumne mere liye kiya?"
Dev ne uske paas aakar uske haath pakad liye, "Haan, tumhare liye. Aur yeh sirf shuruat hai."
Dev ne usse table par le jaaya, jahan sab kuch pehle se set tha. Dinner ke dauran, Dev ne apne feelings ko express kiya.
Unhone casual baatein shuru ki, lekin Ritika ko andaza ho raha tha ki Dev ke dimaag mein kuch aur chal raha hai.
Dinner ke baad, Dev ne apni pocket se ek chhota sa box nikala aur apne ghutne par baith gaya. Ritika ka dil ab zor se dhadak raha tha, uski aankhon mein shock aur excitement dono thi.
"Ritika," Dev ne kaha, "Main tumhare saath jo pal bitata hoon, woh meri zindagi ke sabse khaas pal hote hain.
Tum meri zindagi ka hissa ban chuki ho, bina kisi wajah ke, bina kisi shart ke. Mujhe nahi pata main tumhare bina kaise jeeta tha, lekin ab bas itna pata hai ki main tumhare bina nahi reh sakta."
Usne box khola, jisme ek khoobsurat diamond ring thi. "Kya tum meri zindagi mein hamesha ke liye aaogi? Kya tum mujhse shaadi karogi?"
Ritika ki aankhon mein aansu aa gaye, lekin wo khushi ke aansu the. Usne haan mein sir hilaaya, aur Dev ne uske finger mein ring pehna di.
Pura terrace area clap se goonj utha, jo un dono ke liye sirf ek shagun tha.
Dev ne Ritika ko apni baahon mein utha liya, aur dono apne iss nayi shuruat ko ek passionate kiss se seal kiya. Us moment mein, unke liye duniya sirf ek doosre tak simat gayi thi.
Ritika ne dheere se Dev ke kaan mein kaha, "I love you, Dev."
Dev ne uske hothon par ek halki si smile ke saath kaha, "I love you too, Ritika. Hamesha."
Aur aise hi, ek nayi shuruat ke saath, unke rishte ne ek naya mod le liya, jo hamesha ke liye unhe ek dusre ke liye bound kar chuka tha.
