ခြွေညို့နိုင်လွန်း သူ
or
အခန်း (၃၄) ဖိုက်တာလို ချွေးမ
.
" ကျွန်တော် အားလုံးကို ဒီနေရာကနေ ပြောချင်တာလေးရှိပါတယ်။ကျွန်တော် ပြောချင်တာကို မပြောခင်မှာ အရင်ဆုံး တောင်းပန်ချင်တဲ့သူ တစ်ယောက်ရှိပါတယ်။ကျွန်တော် သူ့ကို တောင်းပန်ပြီရင်းတော့
ခန်းမထဲမှာရှိတဲ့ နှစ်ဖက်မိဘတွေနဲ့ ဧည့်သည်တွေကို ပြောပါ့မယ်။အခုတော့ ကျွန်တော် မိန်းကလေးတစ်ယောက်ကို တကယ်စိတ်ရင်းနဲ့ တောင်းပန်စကားဆိုမှာပါ "
" ကိုတိုက် ရှင် ဘာတွေပြောနေတာလဲ "
" ပြောသင့်တာကိုပြောနေတာပါ။ဒါကြောင့် မင်းစိတ်ကိုအေးအေးထားပါ။ပြီးရင် ငါ ပြောတာကို
စိတ်အေးအေးနဲ့ နားထောင်ပါ "
" ကိုတိုက်... "
" မင်း ကို တောင်းပန်ပါတယ် ဝတ်ရည်မှုံ "
တိုက်,၏ စကားက နှစ်ဖက်မိဘတွေနှင့် ခန်းမထဲရှိလူများကို တအံ့တသြဖြစ်သွားစေခဲ့သည်။
" ဟင်.. ဟင်.. "
" သားကဘာတွေပြောနေတာလဲ ကိုမေတ္တာ "
" မင်း သား ပြဿနာရှာပြီထင်ထားတာပဲ လှိုင် "
" ဘာ ဘာပြဿနာလဲ ကိုမေတ္တာ "
" အဲ့ဒါတော့ ကိုယ်လည်းဘယ်သိမလဲ။မင်းသားကိုပဲ စောင့်ကြည့် "
ဦးမေတ္တာလည်း အထိတ်တလန့်ဖြစ်နေတဲ့ ဇနီးသည်ကို ထိုမျှသာပြောနိုင်သည်။တစ်ဖက်ကမိန်းကလေးရှင်ရဲ့မိဘတွေကလည်း သားနှင့်သူတို့သမီးဆီကို သတိလက်လွတ် ကြည့်နေကြသည်။
ကိုယ်တွေဇနှီးမောင်နှံလည်း မင်္ဂလာစဥ်မြင့်ထက်မှာရှိနေတဲ့ သားနှင့်ချွေးမလောင်းဆီကိုသာ အကြည့်တို့ရောက်နေ၏။
အားလုံးနဲ့မတူသောသူကတော့ ရွှေမိုးညိုညိုရယ်ပါ။သူမကတော့ ဘာခံစားချက်မှ မရှိသော မျက်ဝန်းတွေနှင့် မင်္ဂလာစဥ်မြင့်ထက်ကိုသာ ကြည့်နေ၏။
" ကို ကိုတိုက် က ဝတ်ရည် ကို ဘာလို့ တောင်းပန်တာလဲ "
ဝတ်ရည်,တုန်လှုပ်နေမိတဲ့ စိတ်ကိုထိန်းချုပ်ပြီး
မေးလိုက်တာပေမဲ့ စကားတွေက အနည်းငယ်တော့
ထစ်အသွား၏။
YOU ARE READING
ခြွေညို့နိုင်လွန်းသူ(or)ဖိုက်တာလိုချွေးမ Completed
Romanceဦးနဲ့ ချာတိတ်ကိုမှ ယောက္ခမနဲ့ပါ ဖိုက်တဲ့ ချွေးမလေးပါ😊
