ခြွေညို့နိုင်လွန်း သူ
or
အခန်း (၅၉) ဖိုက်တာလို ချွေးမ
.
" နေပါအုံး... ငါက ဒီကဖေးဆိုင်ကိုလာတာတော့
ဟုတ်ပါပြီ။ဖုန်းထဲက လူကိုမှ မသိတာ။ဘယ်လိုများ ရှာရပါ့မလဲ "
ချိန်းဆိုထားတဲ့ ကဖေးဆိုင်ကို ရောက်လာခဲ့ပေမဲ့...
တွေ့ရမယ့်လူက ဘယ်သူဆိုတာကို မသိတာကြောင့် ဒေါ်လှိုင်သစ္စာမှာ ကဖေးဆိုင်ထဲ၌ ယောင်လည်လ ည် ဖြစ်နေရသည်။ထိုအချိန်မှာပဲ ကဖေးဆိုင်ရဲ့ဝန်ထမ်းတစ်ယောက်က ဒေါ်လှိုင်သစ္စာအနားကို
ရောက်လာခဲ့သည်။
" သူဌေးကတော် ကို စောင့်နေတဲ့ ဧည့်သည်ရှိလို့
ကျွန်မနောက်ကနေ လိုက်ခဲ့ပေးပါ ရှင့် "
" အင်း "
ဒေါ်လှိုင်သစ္စာ လာခေါ်တဲ့ ဆိုင်ဝန်ထမ်း မိန်းကလေး နောက်ကို လိုက်သွားလိုက်သည်။
" သူဌေးကတော် ကို တွေ့ဖို့စောင့်နေတဲ့ မိန်းကလေး က ဟိုထိုင်ခုံမှာ နောက်ကျောပေးပြီး ထိုင်နေတဲ့ မိန်းကလေးပါ။အဲ့ကို သွားလိုက်ရင် ရပါပြီ "
" ကျေးဇူးပဲ "
" ဟုတ်ကဲ့ "
နောက်ကျောပေးထိုင်နေတဲ့ မိန်းကလေးပုံစံကို
ကြည့်ရတာ တော်တော်လေး ရင်းနှီးမှုရှိတယ်လို့
ခံစားနေရသည်။ဘယ်လောက်တောင် ရင်းနှီးမှုရှိသလိုဆိုရင် ဟိုကောင်မလေး ရွှေမိုးညိုညိုလို့ ထင်မိတဲ့ အထိပါပဲ။ဟုတ်မဟုတ်ဆိုတာကတော့ ထိုမိန်းကလေးရဲ့မျက်နှာကို မြင်တော့မှာသာ သိရမည်ဖြစ်သည်။
ဒေါ်လှိုင်သစ္စာ အတွေးများစွာနှင့် ထိုကောင်မလေးအနားကို တစ်လှမ်းချင်း လျှောက်သွားလိုက်သည်။
" နင် နင် က ငါ့ကို လာခိုင်းတဲ့ သူပေါ့ ရွှေမိုးညိုညို "
ထိုင်နေတဲ့ မိန်းကလေးနှင့် မျက်နှာချင်းဆိုင်လိုက်တဲ့ အချိန်မှာ... စိတ်ထဲထင်နေသည့်အတိုင်း ရွှေမိုးညိုညိုဖြစ်နေသည်မို့ တော်တော်လေး ဒေါသထွက်မိသွား၏။
ဒီကောင်မစုတ်လေး လာခိုင်းတာမှန်းသာ သိရင် ဒီနေရာကို မလာခဲ့ပါဘူးလေ။အခုတော့ မျက်နှာမြင်ရတာနဲ့တင် ဒေါသကထွက်နေရပြီ။
YOU ARE READING
ခြွေညို့နိုင်လွန်းသူ(or)ဖိုက်တာလိုချွေးမ Completed
Romanceဦးနဲ့ ချာတိတ်ကိုမှ ယောက္ခမနဲ့ပါ ဖိုက်တဲ့ ချွေးမလေးပါ😊
