جعل الوسم يسقى ثرا نجد يا وهيب

الــفـصــل الـثـالـث

'
دفع الطاوله الخشبيه برجله ورفع انظاره لـ وهيب اللي يعدل طاقيته ببرود قاتل : شفيك انت وش هالبرود اللي ساكن فيك بتتزوج وحده غير بريق لايكون ما استوعبت استاذ وهيب
وهيب تنهد واخذ توله العود بيده : طول ما جدتي بـ حياتنا اعرف اننا ماراح نتهنى فيها
وقُـار بحده : وانا مو مجبور اسوي كل شي تبيه
وهيب بسخريه : اوه روح شوفها تلقاها راحت فاتحت ابوي بالموضوع وهو بيجي يقولك جدتك ومن ذا الكلام لازم ترضى بالامر الواقع يـ اخوي
وقُـار : فهمنا انها ما تحب عمتي ندِيُة بس حنا وش دخلنا انا انت بريق هي اكثر وحده انظلمت فينا يـ وهيب ما وفيت بوعدك لها
حس بنقباض بقلبه من طاريها : ندمان قد شعر راسي وانت عارف لو بيدي اخذتها ورحت بعيد عن مشاكل جدتي الفاضيه
دخل آسر وهو مبتسم : ماشاءالله تتكلمون عن امي
وقُـار رمقه : بجلدك واطلع حره امك فيك
آسر : ذا شفيه جفس ماعنده اسلوب
وهيب ضحك : ماعليك منه
آسر بعقده حاجب : شفيها يدك
ناظر يده بهدوء : ولاشي جرح بسيط
وقُـار : بحاول اصدق
آسر : هيه تراني ماني بزر عندكم شسالفه
وقُـار بفتور : ابدا والله حبيبه القلب قالت انهم مو لبعض واخوي زعل.
'
توجهت انظارها على ضياء اللي الفرحه تغمر قلبها وتتمايل مع البنات : مفروض انا اكون مكانها
تقربت منها وابتسمت : بريق ناجي اخوي يقول يلا نروح بيتنا
هزت راسها وعيونها امتلت بالدموع : بودع امي وابوي وخواتي عادي
مباهج بلطف : طبعا عادي

'
توسدت احضان جدها واردفت بحزن : يبه سامحني صدقني اني ندمانه اشد الندم صرت اتمنى الموت الف مره يبه بس قول انك راضي عني عشان اقدر اطلع من هالمكان وانا مرتاحه
هذال شد عليها بضيق : بـ عمري كلها ما زعلت منك يـ البريق بس الا مايجي يوم والحقيقه كلها تظهر وتنهزم جدتك تعرفين مقدر اطلقها ولا اتركها بينا عشره عمر وعيال وخصوصًا مالها احد غيري لو هي ما حشرت خشمها كان صرتِ انتِ حرم وهيب
بريق بهدوء : معد يهمني يكفي انك انت وابوي وامي معي وحولي والباقي مايهم
هذال ابتسم بخفه : الله معك يـ نبض هالقلب
امتلت عيونها بالدموع : خلاص بروح يعني
عبدالله عقد حواجبه : العايد قراب منا ما بياخذونك لـ مجره ثانيه
ميلت شفايفها بزعل : أساسًا انتِ تبي الفكه مني
هذال : يلا يبه زوجك ينتظرك برا
هزت راسها بالايجاب وحطت غطاها وطلعت خارج حصار عائله الرباح .
'
ناظرت ارجاء بيتهم الواسع صح كانت عايشه بعز بس اغلب وقتهم بالخيام بسبب حب جدها لها فـ تعودت عليهم افاقت من سرحانها على صوت الكهله : نورتِ دارتس يـ يمه
بريق ناظرت نـاجي بنظرات استغراب لين ما نطق : هذي امي الـجازي
ابتسمت وتقدمت قبلت يدها وراسها : بنورك
الجـازي مسحت على يدها بحنيه تاركه عداوتهم خلفها : صدقيني اللي صار نصيب وانا متاكده انه ولدي نـاجي بيكون اب لطفلك وزوج واخ لك واعتبري هذا البيت بيتس ومكانتس وبنيتي بعد
لمعت عيونها بحب من طيبه قلب الجازي وكيف اعتبرتها وحده منهم وما عارضت زواجهم وطفلها اللي ما تدري وش مصيره ابدا : شكرًا يـ عمه
الجازي عقدت حواجبها : وراه ما تقولين لي يمه ازين وابرك من عمه
ضحكت وسط دموعها : ابشري يمه

'
توجهت انظاره لـ مناهل اللي تسولف مع ضياء والفتور يسكن ملامحه حتى قاطع سكُونه سَـاريه المبتسمه والدموع محتله عيونها : كنت اتمنى هاليوم بس مو بهالشكل يـ بكرٍ عبدالعزيز الوافي
مسك يدينها وقبلها بحُب : يمه الدموع لا تطب عيونك الا الدموع
سَـاريه بغصه : انت بتصير اب يـ وهيب بس انحرمت منه قبل لا يجي على الدنيا والحين ابوك يبي يترك الديره ويهجرها فهمني وجدتك تبي تزوج وقُـار ودخلت رضاها بالموضوع وتتصرف ولا كاني امكم ولي حق عليكم
وهيب تنهد بقهر : يـ حبيبه وهيب انتِ الا تضيقن خلقك عشانها خليها تتصرف مثل ما تبي تتوقعين اني ارضى بكل سهوله بريق تروح لـ غيري لا طبعا بس انا ساكت عشانها مابيها تتضرر اكثر من جدتي
سَـاريه بحنق : تدري وش قالت لي بعد
وهيب : وش
سَـاريه بضيق : وهيب مو ولدك عشان تتدخلين فيه وتمنعين زواجه يعني مالك دخل فيه
شد على قضبه يده وقام بدون ما ينطق بـ اي حرف و وقف امامها تمامًا : تعالي معي احتاج اتكلم معك
مناهل تبسمت وقامت : ابشر حبيبي
'
ابتسم بسخريه وناطرها من تحت لـ فوق : يعني امي متوفيه سويتِ نفسك مطرح امي وانا اللي ادخل بحياته وانا اللي امشيه براحتي وكيفي لا غلطانه يـ جدتي  اكمل بقهر ، بعمرك ما كنتِ لي ام ولا شي اصلا ما كنتِ الا وحده نكدت حياتي وعيشتي ولا تحسبين اني بستسلم واخلي بريق تروح لـ غيري بكل بساطه ياللي تسمين نفسك امي وطلع قبل تنطق بـ اي حرف
شدت على طرف شيلتها بقهر من كل حرف نطقه وغاضها فيه : مو من حقك يـ وهيب ابدا مو من حقك ترمي علي هالكلام.

'
بعد مرور تسَعه أشهر  خفيفه على البعض وقاتمه على البعض واخصهم بريقنا الزاهيه التي تحمل مولودها او مولودتها الاولى برحُب وسعّه جميله
حاوط بطنها الكبير وابتسم بخفه : مابقى شي ويشرف صغيرنا الحلو
عقدت حواجبها وضحكت : وش يعرفك انه ولد يمكن تكون بنت يعني صغيرتنا
ناجي ميل شفايفه : قلت لك اخذك المدينه ونروح مستشفيات زينه بس انتِ رفضتي
بريق تنهدت بضيق على حالها المروض هالحوار يدور بينها وبين وهيب ابو طفلها : مو حابه
ناجي عدل جلسته : طيب تو صار لتس اسبوع بالتاسع خليني اخذك مستشفى زينه تولدين فيها
هزت راسها بالنفي : قلت لك لا بولد عند الدايه وسرعان ما حست بـ الم المخاض ، اه بنطي
ناجي فز بخوف : شفيك
بريق بالم : جيب الدايه بسرعه شكلي بولد
توتر وحس يدينه تربطت حتى اطلقت صرخه عاليه : شفيك تسمرت ناجي طفلنا بيطلع
دخلت الجازي والخوف يسكو ملامحها : شفيكم
بريق وهي تتنفس بصعوبه : بولد بولد
طلع بسرعه وهو يركض على دخول مباهج
بعد مرور بضعه دقايق
حشرت قطعه القماش بحلقها : شدي بسنانك عليه
دخلت مباهج وهي حامله طشت الماء الساخن
الدايه ناظرتها : اقعدي واضغطي على بطنها من فوق يمه ساعدينا شوي
هزت راسها بتوتر وجلست بجانب بريق والجازي فوقها وصرخات بريق ماليه المكان.
'
بالخارج اخذ السيب ذهاب واياب من الخوف وتوتر : صار لهم ساعتين ومافيه احد خبرني عنها قلبي بيوقف من الخوف
حـُر تنهد واردف بهدوء : ياخوي اهدا قاطعتهم مباهج المبتسمه ، مبروك صرت اب لـ بنت
'
انقطعت انفاسها وانهلك جسدها من الم الولادة دخل عليها وناطرها بحب : بريق
تنفست بصعوبه واردفت بهمس : ناجي اذا صار لي شي سميها نجد ابيها تكون عذيتي
ناجي عقد حواجبه بخوف : ليه هالكلام
بريق غمضت عيونها بعدم تحمل ووو