'
ابتسم براحه من سوالف اخوه وكيف انه سعيد لانه شاف ابنته نجد : الله لو تشوفها يـ وقُـار صغيره وحلوهه واكمل بحزن وتشبه امها كثير
وقُـار تنهد : ياخوي خليها على ربك ان شاءالله تقدر ترجعهم مثل قبل
وهيب : والله ماضنتي جدتي الحين راح تصعبها علي اكثر واكثر يكفي انها تفرض علي اموامر
وقُـار : انت الحين مفروض تكون مبسوط عشانك صرت اب وعلى فكره امي بكرا جايه لـ الديره متحمسه تشوف حفيدتها الاولى
وهيب ابتسم اول ما تذكر فرحه سَـاريه : ايه والله قلبي عليها مبسوطه اكثر مني ان شاءالله جدتي ما تسمعها كلام يسم بذنها
وقُـار : حنا من الصبح هنا ولا رحنا نسلم على جدي بيزعل منا لو عرف امشي نروح له
وهيب بضيق : شفته ولا عطاني وجه روح انت
وقُـار بهدوء : انتبه على نفسك
'
'
توسعت ابتسامتها ونطقت بفخر : هلا والله بالعسكري حقي وفخري
ابتسم بهدوء وقبل راسها وراس جده : شخبارك يمه عساك بخير ان شاءالله
مناهل : بخير بخير من شفتك
هذال رمقها : ايه اكيد بتكون بخير بعد مع حاست الدنيا على غيرها
مناهل تجاهلته واردفت : يمه وقُـار
وقُـار اعدل بجلسته : امري
مناهل : انا عارفه انك انت الوحيد اللي راح تفرحني وتبهج قلبي وتخليني مرتاحه
رفع حاجبه من كلامها الغريب : امريني وش ودك فيه يـ ام عبدالعزيز
مناهل ببتسامه خبيثه على ثغرها : ابيك بكرا تعقد قرانك انت والـبتيل بنت الحسب والنسب
فترت ملامحه واردف بذهول : هاه
'
نرجع لـ واقعنا ، بعد مرور عشره اعوام على ابطالي
ناظرت ابنتها الصغيره : نجد لا تخليني اعصب عليك وش لك بالمشاكل كل يوم اجي المدرسه عشانك مسويه مشكله لهدرجه اخذتي صفات حوريه الشينه كان تعلمتي من دروب شي
مدت بوزها بزعل طفولي : لا انا اخذت حقي بس
بريق بصدمه : الصراحه مدري شلون صرتِ بنتي مفروض تكونين بنت حوريه على هالحركات
ابتسمت بلطف وراحت لـ نجد : شفيها حبيبه خالتها زعلانه وش مسويه
نجد دفنت وجهها بحضن دروب : ماما معصبه علي
دروب ناظرت بريق : روحي غرفتك وخليها معي
بريق : اتمنى ما تخلينها مع حوريه لاني بتفاهم معها هالحورية بس تخرب بنتي ومشت عنهم
دروب جلستها بحضنها : حبيبتي ماما تعبانه ما يصير تزعلينها كذا
نجد تكتفت بطفوله : بس ماما تزعلني بعد
دروب ضحكت : لا فعلا تاكدت انك مأخذه اطباع حوريه بكل شي وكانك بنتها
نجد غطت فمها بكفها الصغير وضحكت : صدق
دروب هزت راسها بالايجاب : صدق يلا يروحي اعتذري من الماما وحبيها انا وراي مذاكره
'
دخلت غرفه امها وهي تركض : يمتي
عقدت حواجبها وضحكت : وش يمتي
نجد وقفت قدام بريق وابتسمت : انا اسف ومعد اعيدها اوعدك
بريق تنهدت : أن شاء الله توفين بوعدك
نجد جلست بجانبها : سمعت جدي يقول بيجون ولده وعياله ليه هو عنده غير ابوي عبدالله
ارتكبت بريق من هالطاري : ايه هو عنده ولد ثاني وعنده عيال وبنت وحده بس لو جونا يـ نجد مابيك تتقربين منهم تمام
نجد باستغراب : ايه
'
صباح جديد ولطيف على الجميع ومريب على بريقنا فقط ، احتضن اخاه بشده ونطق : سامحني يـاخوي والله ما كان ودي يصير هالبعد بينا تعرف انه مالي غيرك بالدنيا
عبدالله شد على عبدالعزيز : انت مالك ذنب بفعايل غيرك يـاخوك تفضل البيت بيتك
وقف قدام عمه وابتسم : مسرع نسيتني
عبدالله تعقدت حواجبه بصدمه وضحك : وُقـاد
وقُـاد : افا ما عرفتني
عبدالله : ماشاءالله تبارك الرحمن كبرتني يـ ولد
وقُـاد : عارف تذكرني بزر بس ماعليه
عبدالعزيز ضحك : امشي روح شف اخوانك وين وصلو مايردون علي
وقُـاد : ابشر
أنت تقرأ
جعل الوسم يسقى ثرا نجد يا وهيب
Randomوما ذنب طفله بين حب تائه بين حب ضاع في شتات والديها العاشقين ها هيه خطيئه الحب ودمارًه " طفله " تائهه ومعذبه { إليكم سادس معازيفي } "جعل الوسم يـسقى ثرا نجد ياوهيب وجعل السحايب ما تعدا حدوده "
