ထင်မောင့်အတွက် အစာနဲ့ဆေးတွေဝယ်ပြီးတာနဲ့
ကားငှါးကာ မေမေ့အိမ်ကိုမောင်းခိုင်းလိုက်သည် ။
မေမေတော့ သူ့ကိုတွေ့ရင်
မနေ့ကချက်ချင်းရောက်မလာလို့
ရိုက်နှက်ကာ ငိုလေဦးမည်လား မသိ .....
သူထင်သလိုဟုတ်နေခဲ့ရင်ရော
ဖေဖေ့ကို သူဘယ်လိုမျက်နှာပြရမလဲမတွေးတတ်
သူတွေးရင်းတွေးရင်း လမ်းထိပ်ရောက်လာသဖြင့်
" ဟိုရှေ့က ပန်းတွေစိုက်ထားတဲ့
အိမ်ရှေ့မှာရပ်ပေးပါနော် ဦးလေး "
" ဟုတ်ကဲ့ "
ထင်ကားလေးရပ်တာနဲ့ ကားပေါ်ကဆင်းကာ
ကျသင့်ငွေရှင်းပေးပြီး အိမ်ထဲဝင်လာခဲ့သည် ။
" မေမေ ကျွန်တော်လာတယ် "
ထင်ဧည့်ခန်းထဲကနေ အသံပြုတော့
" သား မေ့သားလေး ! Cry "
ထင်မီးဖိုဆီက ဝှီးချဲပေါ်က
မေမေ့နားလေးပြေးသွားကာ
" ကျွန်တော်လာတာနောက်ကျသွားတယ်
မေမေ မငိုနဲ့တော့နော် သားလာပြီလေ
ဖေဖေရော ဘယ်မှာလဲ အဆင်ပြေရဲ့လား
ဘာဖြစ်သွားပြီလဲဟင် "
ထင် မေမေ့မျက်ရည်တွေသုတ်ပေးရင်း
မေးတော့ မေမေက ထင့်လက်တွေကို
အားကိုးတကြီးဆုပ်ကိုင်လာရင်း .....
" အဟင့် သားလေး သားအမျိုးသားဆီက
မေမေတို့ ပိုက်ဆံလေးချေးထားလို့ရမလား "
" ဗျာ ဘာလို့လဲ မေမေ "
" သားဖေဖေက ရှယ်ယာတွေပြန်မလျော်
ပေးနိူင်ရင် ထောင်ကျမှာတဲ့သားရယ် အခု
ဖေဖေက အချုပ်ထဲမှာ မေမေ မနက်က
သွားတွေ့ပြီးပြီ သားကိုလဲမျှော်နေရှာတယ်
သားသွားတွေ့လိုက်ပါဦး "
" ကျွန်တော့်ကို စိတ်မဆိုးတော့ဘူးလားဟင် "
" ဪ သားရယ် စိတ်ဆိုးလဲခဏပေါ့ကွယ် "
" သားသွားလိုက်ပါမယ် မေမေစိတ်မပူနဲ့နော် "
" ပိုက်ဆံကိစ္စရော မေမေတို့ဘယ်လိုလုပ်
ကြမလဲမေမေတို့မှာ ခုဘာမှမရှိတော့ဘူး
ရှိတာတွေအကုန်ရောင်းပြီး အကြွေးတွေဆပ်
ပေးလိုက်ရပြီဒီအိမ်လေးပဲ ကျန်တော့တယ်
သားရယ် ဒီအိမ်တော့မေမေမရောင်းချင်ဘူး
ရိပ်ကလေးကဒီအိမ်လေးကိုသိပ်သဘောကျတာ "
ESTÁS LEYENDO
မောင့်ထံပါး
Romanceလူတွေက အချစ်ဆိုတဲ့ခေါင်းစဉ်အောက်မှာ တစ်ယောက်ကို တစ်ယောက် Trauma တွေလက်ဆင့်ကမ်းနေကြတာပဲ ......... " စိတ်နာတယ်ဆိုတာလည်း လွယ်လွယ်လေးမဟုတ်ဘူး မောင် " #17.9.2024 __________________ လူေတြက အခ်စ္ဆိုတဲ့ေခါင္းစဉ္ေအာက္မွာ တစ္ေယာက္ကို တစ္ေယာက္ Trauma ေတြလက္ဆင္...
