VENGANZA |TK

S1_|Chapter 06

දින දෙක තුන ගත වුනා.ජන්කුක්ට සිද්ද වුනේ ගැන්ග් එක ඇතුළෙ ඉදලා ටේහ්‍යුන් ගැන අවදානෙන් ඉන්න.ඒ දවස් ටිකේ ජිමින්,සෙන් එක්ක ගැන්ග් එකෙන් පිටයි හිටියෙ.

මාස්ටර් මේ දවස් කීපයේ ජන්කුක් ගැන අවදානෙන් හිටියෙ.එයා වැඩ කරන විදිහ,ටේහ්‍යුන් එක්ක ගණුදෙනු කරන විදිහ ගැන මාස්ටර් ෆ්‍රෑන්ක්ට පැහැදීමක් තිබුනා.ඒත් ඒකේ තේරුම එයා සම්පූර්ණෙන්ම කෙනෙක්ව විශ්වාස කරනවා කියන එක නෙමෙයි.

මේ දවස් කීපය තුළත් ටේහ්‍යුන්ගෙ සමහර ඉල්ලීම් ජන්කුක් ප්‍රතිකේෂ්ප කරළා ටේහ්‍යුන්ව ගණන් නොගෙන ඉන්න එක ටේව කෝපයට පත් කරන්න හේතුවක් වුනා.ඒත් අත්තටම ඒවා ඉල්ලීම් නෙමෙයි අණ කිරීම් වගේ වුනා.හැබැයි ඒ හැමදේම මාස්ටර්ගෙ අණට පිටුපාන දේවල් නිසා කොහෙත්ම ජන්කුක් ඒවා කරන්න ගියේ නෑ.ඊටත් වඩා ටේට තියන අකමැත්ත නිසා එහෙම කළා කියන එකත් හරි.

මේ දවසෙත් ජන්කුක්,ටේ කියන කරන දේවල් ගණන් නොගෙන තමන්ගෙ පුහුණුවීම් කරගෙන ගියා.ඒත් ඒ හැම තැනටම ටේ ඇවිත් බලන් ඉන්න එකට නම් ජන්කුක් වැඩිය කැමති වුනේ නෑ.

ජන්කුක් කවුරුත් නැති වෙලාවක් බලලා පුහුණුවීම් කරන ශාලාවේ කෙළවරක තිබුන පංචින් බෑග් එක ගාවට ගිහින් එයට පහර දෙමින් ඔහුගෙ කාර්‍යයයේ යෙදුනා.ටේත් මේ පස්සෙන්ම ඇවිත් කෙළවරක තිබුන බංකුවකින් වාඩි වෙලා එයාගෙ ෆෝන් එක බලන්න ගත්තා.

ජන්කුක් තමන්ගෙ වැඩ වලට අනිත් අය නැති වෙලාවක් බලලා එන්න ගත්තෙ ටේත් එයා එක්කම එන නිසයි.මොකද ගැන්ග් එක ඇතුළෙදි පවා වැඩිය කාගෙවත් විශේෂ අවදනායක් ටේට නොලැබෙන්න වග බලාගන්න කියලයි ජිමින් පවා කියලා ගියේ.ටේගෙ හිතුවක්කාරකම නිසාම ජන්කුක් ඒකට එකඟ වෙලා එයාගෙ වැඩ අනිත් අයගෙ වෙලාවෙන් පස්සෙ නිතරම දාගත්තා.

ජන්කුක් දැන් දන්නවා ටේව තියන් ඉන්න ඕන විදිහ.ඒත් ටිකක් විතර.තමන් යන්නෙ කොහෙද ටේත් කාන්දම වගේ එන නිසා ජන්කුක්ට එයාගෙ වැඩ පාඩු කරගන්න ඕන වුනේ නෑ.ඒත් ටේ ඇයි එයාට එච්චර වදයක් වෙවීම,දැන දැනම තමන්ගෙ කේන්තිය වැඩි කරන වැඩ කරන්නෙ කියන ප්‍රශ්නෙට නම් ජන්කුක් උත්තරයක් දැනන් හිටියෙ නෑ.