VENGANZA |TK

S01_|Chapter 07

පැය තුනක ගමනකින් පසුව ඔවුන් පැමිණියේ නිව් ජර්සි වෙතයි.උදෑසන හය පමණ වෙද්දි නිව් ජර්සි හි ඇත්ලැන්ටික් නගරයට(atlantic city) පැමිණි ඔවුන් නගරයට ඇතුලු වීමට පෙර ඔවුන් හැද සිටි ඇදුම් පැළඳුම් වලින් වෙනත් ඒවට මාරු වෙලා ජිමින්ගෙ උපදෙස් මත අවශ්‍ය දේවල් පමණක් සෙන් වෙනම බෑගයකට දමා ගත් පසුව තිදෙනා එක්කම නගරයට ඇතුලු වුනේ සාමාන්‍ය ගමනාගමන බස් රථයකයි.

උදෑසන 8 පමණ වෙද්දි ඔවුන් පැමිණියේ යම් ගොඩනැගිල්ලක් අසලටයි.එය කැසිනෝ ශාලාවක් විදිහට ප්‍රසිද්ධ තැනක් වෙද්දි එත් සමගම හෝටල් සංකීර්ණයකුත් තිබුනා.

ගැන්ග් එකේදී වගේම ක්ලබ් එකට,මිශන් වලට එයාලා නිතරම අදින කලු පාට ඇදුම් හා ආරක්ෂිත ලෙදර් ඇදුම් වලින් බැහැරව සාමාන්‍ය තරුණයි අදින පලදින සැහැල්ලු ඇදුම් වලින් අද හැඩ වෙලා තිබ්බා.

සෙන් නම් අද වෙනදටත් වඩා සතුටින් හිටියා.එයා මේ නගරෙටත් ගොඩක් කැමති වුනා.
(A/N: මම පොටෝ චැප්ටර් එකේ අන්තිමට දාන්නම්.)

ලා නිල් පාට සැහැල්ලු කමිසෙයි,සුදු කළිසමයි ඇදලා සුදු පාටම තොප්පියක් දාන් හිටපු සෙන්ගෙ මුහුණෙ හිනාවත් එක්ක නම් මිනිහා කොහොමත් මාෆියා ගැන්ග් එකක කෙනෙක් කියලා නම් හිතන්න වත් බැරි වුනා.

එතකොට ජිමිනුත් ඇගට වඩා ටිකක් ලොකු සුදු කමිසයක් ඇදලා ඒක කලු කලිසමට යට කරළා අවුකණ්ණාඩි දෙකක් පැළඳගෙන හිටියෙ කළින් තිබ්බ සංකීර්ණ බව නැති වෙලා සැහැල්ලු වගේම කඩවසම් බවක් ඔහුට එක් කරළයි.ඒ වගේම ඔහුගෙ අතේ බ්‍රීෆ් කේස් එකකුත් තිබුනා.

එතකොට ජන්කුක්,ටේ දෙන්නව ගත්තොත්.

අහ්ම්.

ජන්කුක්ට විපතක්නෙ වෙලා තියෙන්නෙ.

සුදු ටී ෂර්ට් එකට තද නිල් පාට ඩෙනිම් ජැකට් එකයි ඒ ජාතියම ඩෙනිම් කළිසමයි ඇදලා හිටපු ජන්කුක් එයාගෙ කලු කොණ්ඩෙ අද නළලට වැටෙන්න දාලා තිබ්බා.ඒක නිසා ජන්කුක්ව පෙනුනෙ කඩවසම් කියනවටත් වඩා හුරතල්,විශ්වවිද්‍යාල යන කොල්ලෙක් වගේ.

ජන්කුක්ට මේක අදින්න වුන හේතුව තමයි ටේහ්‍යුන්.එයාලා එන්න කළින් ජන්කුක් බඩු ලෑස්ති කරන තැනට ඇවිත් එයාට මේ ඇදුම් ඕන වෙනවා කියලා ඒ ජාතියෙ ඒවා කීපයක්ම බලෙන්ම වගේ ජන්කුක්ට දීපු ටේහ්‍යුනුත් ඒකට ගැලපෙන්නම තමයි ඇදුම් අරන් තිබ්බෙ.