" සිරියා නැන්දා පිගන් හෝදනවද "
" අනේ ඔව් පොඩි බේබි....මේවා හෝදන්න පරක්කු උනොත් ඉදුල් ගද එනවනේ...ලොකු මැණිකෙට ඉව වැටුනොත් ඉවරයි....."
" ම්ම්ම්....මේ මොනාද සිරියා නැන්දේ "
" ඔය මුං ගුලි පොඩි බේබි.....ලොකු මැණිකෙට කන්න ආසයි කියලා උදේ තේ වෙලාවට කන්න හදන්න කිව්වේ...පොඩි බේබිත් කනවද...මං ඒත් මේ පොඩි බේබි ඕවා කන්නෙ නැති වෙයි කියලා නොදී උන්නෙ "
" මං මේකක් කන්නම් "
" ටිකක් ඔහොම ඉන්ටකො පොඩි බේබි..මං කිරි එකක්ම හදලා දෙන්නම්....බත් කෑවෙත් නෑනෙ "
මැණිකා ගමෙන් ගියාට පස්සෙ වලව්වෙ අලුත් බත් අම්මා වෙලා ඉන්න සිරියා ඉක්මනට කිරි පිටි බෝතලේ අරන් සකුල්ට කිරි එකක් හදන්න පටන් ගත්තා....මුං ගුලියකුත් අරන් කන ගමන් කුස්සියේ ඉදන් හතරැස් මැද මිදුලට ආපු සකුල් වේලෙන්න දාලා තිබිලා ගෙට අරන් තියන වී පැදුර උඩින් පැනලා බංකුවකින් ඉදගත්තා.ඊට පස්සෙ සාක්කුවට අත දාලා පෝන් එක අරන් විසල්ගෙ නම්බර් එකට කෝල් එකක් ගත්තා.
" පැටියෝ "
දෙවනි රින්ග් එකෙන්ම කෝල් එක ආන්සර්වෙනවත් එක්කම එහා පැත්තෙන් ඇහුන කටහඩ නිසා සකුල්ගෙ මූණෙ හිනාවක් ඇදුනා...
" විසල් අයියේ....මොකද කරන්නෙ "
" දැනුයි වැඩ ඉවර උනේ පැටියෝ...මං මේ බස් හෝල්ඩ් එකට යන ගමන් "
" අද පරක්කු උනාද "
" ටිකක් පරක්කු උනා....රෙස්ටුරන්ට් එකේ කස්ටමර්ලා වැඩි උනානෙ.... "
" මහන්සිද අයියේ "
ටිකක් ඈතට වෙන්න බිත්තියේ එල්ලලා තියන ඔරලෝසුව දිහා බලලා සකුල් කිව්වම විසල් පාතට දාපු හුස්ම හඩ සකුල්ටත් ඇහුනා.
" ටිකක්.....අද පොඩ්ඩක් වැඩ වැඩි උනානේ...ඒකයි මේ....මගෙ පැටියා මොකද කරන්නෙ...කෑවද...දැන් නවයටත් කිට්ටුයිනෙ "
" බත් කෑවෙ නෑ...සිරියා නැන්දා මුං ගුලි හදලා තිබ්බා මං මේ ඒකක් කනවා...."
මුං ගුලි කෑල්ලක් කටේ ඔබා ගන්න ගමන් සකුල් එයා ගාව තිබ්බ කණුවට හේත්තු උනා....රෑ කෑම මේසෙට සකුල් හිටියෙ නැති නිසා සකුල්ට කන්න දෙන්න හොයන් ආපු නිරාශා සකුල්ව දැකලා නැවතුනා...අම්මි ඉන්නෙ තමන්ගෙ පිටිපස්සෙ කියලවත් දන්නෙ නැති සකුල් වෙනම ලෝකෙක හිර වෙලා විසල් එක්ක කතාවක.
YOU ARE READING
♥🍓 _𝗦𝘁𝗿𝗮𝘄𝗯𝗲𝗿𝗿𝘆_ 🍓♥ ( Non ff )
Phi Hư Cấu" අහලා තියනවද අශස්....තෝඩු තෑගි දෙන්නෙ උරුමක්කාරයො උනාට මල් තෑගි දෙන්නෙ හිමිකාරයෝ කියලා.... " ආරුල් අයියාගෙ වචන වලට මගෙ බඩේ සමනල්ලු පියාඹනවා වගේ දැනෙනවා....එයාගෙ ආදරේ මේ විදිහට දෙනෙද්දි මට බයයි මාව පුපුරයි කියලා.... " මිනිස්සු ආදරේටම විතරක් නෙමෙයි අ...
