مُخدر...
روان:- بُقـيت اباوع عليها وايدي بشعري بصدمه
ما اكدر اوصف وجع كلبي بشي ،غير اريد اعيط بأعلى صوتي اصرخ
رفع نظراته الي اني اتوهم لو ملامحه ضايجة ؟
معقولة مني! يمكن من الي صار
نور:- باركيلي ماما باركيلي راح اكدر
اجيب الج اخوان.
ابتسمت, نزلت دموعي عبالها دموع
فرح مشيت الها وحضنتها ببرود
:- مبروك عمه تستاهلين كل الخير
درت وجهي عليه وحچـيت بغصه
:- الله يرزقكم الذرية الصالحة.
نور:- يوم الالج ماما، بس ساعديني اروح غرفتي انهلكت من الطيارة
ساعدتها ووديتها للغرفة ما نطقت حرف
لا وياه ولا وياها ولا هو جرب يحچي،
جان ساكت بشكل غَُريب
قرفصت بغرفتي على الفراش جنت بس فرحانه الصُبح شجنت اتوقع؟ يعوف زوجته علمودي اني مجرد نزوة بحياته
وهسه راح يرجع الها مثل العادة... بقيت ساكتة افكر بكلام ..مهدي بأخر امتحان من اعترف الي
مهدي:- بَس فكري بالموضوع لا ترديني
:- اي كلام!
احبج من اول مره شفتج بيها لتخليني ارجع للبصره مكسور وانسى فرحة التخرج
ما جاوبته بوقتها بقيت بالفراش
لليل لحد ما نفتح الباب
رفعت عيونى عليه دعك راسة وحچه
-روان خلاص هايهية
ابتسمت اله واومأت لزمت دموعي
:- هايهية , تمام عمو انسى كلشي
صار, مصار شي اصلا ولا راح يـصير شي بَعد
:- روان
:- كلت ماكو شي ...
درت وجهي منه ...سد الباب وطلع....
مَرت الأيام ببطئ شديد على گلبي من الوجع
احس ما بقيت اكدر ابجي عيوني كل يوم افز مورمه من البجي ،
صارت حفلة تخرجي , اجه هو وياها
للحفل كدرت ارجع اتعامل وياه على الاقل وحاولت اقنع روحي جان مجرد طَيش مُراهقه ولازم انساه
نزلت من منصة التخرج ورحت
عليهم ركض واني مبتسمه ،ايده چانت وره ظهره!
مدلي بوكي ورد وهو مبتسم
ضحكت
اخذته منه وحضنته قوي شد على
حضني اله
:- احبك عمو
-روح ابوچ
نفاق اعرف واحد يجذب على الثاني او يمكن كل واحد بينه يجذب على
نفسة!
درت لعمتي وبست راسها
:- شكرا على كلشي قدمتوا الي من ..انتم السبب الي وصلت اله هسه
ديريد يرد عليه اجه صوت مهدي من
ورانه
:- هذا الرجل العظيم الي ربه روان؟!
عكدت حواجبي وباوعت لزين ابتسم
وكال:
:- اي اني
-عاشت ايدك دكتور تدري من بداية الكلية
لحد هسه محد كدر حتى يتغلب على روان
بالشطارة ولا الذكاء
