مُخـدر....
روان:- خُل اوضـح الموضوع ،بسيارة الشرطة
ساكتة ايدي مربوطه بهذا الحديد عبالك بفلم؟!
دزيت رسالة قبل لا اطلع لزين واتصلت عليه بس جان خطة مغلق
وخمنت هو بعملية من عملياته
جانت يمي ضابط بنيه وذاك الخبيث بالصدر ويمه واحد يسوق ، جان عندي امل جبير يخلص التحقيق وارجع للبيت او يجي زين يطلعني مثل ذيج المره
بس بدل ما يودوني للمكتب حولوني سجن؟!
كعدت على السرير الْمَوْجَودَ فارغة محد بيها
غرفة وقف بين ما اتحول
بقيت بالنص ساعه ، زين وين رحت!انوب ملابسي مصيبه بجامه ضيكه وقميص نص ردن؟ ، ما لحكت حتى اغير ملابسي اجه جُندي گلي تعالي يريدج سيدي
طلعت وياه وكلها تباوع عليه
دخلت الغرفه ، وعافني وراح
وَذاك الحَقير عبدالأله مكتوب على المكتب
كعدت على الكرسي ابتسم الي عكدت حواجبي
:- اي شوكت ناوية تعترفين؟
-على شنو؟
:-انتي الي دفعتي عمتج؟
-عندك دليل ؟
ضحك؛ وفتح تلفونة , عضيت شفتي
وهمست
:- الكلب يسار منو غيره!
:- هذا دليل بلسانج تكولين ، لو بيدي اكتلج مثل ما كتلتي امي ؟
-ايي؟؟ كتلها اني وكعتج؟
:- والاعشاب مال اجهاظ؟
روان :- اخذت نفس
حاولت ارخي نفسي وما اتعصب واضيع
-سيدي , الأعشاب اختها زينب جابتهم الها ، على اساس لغير شي
اني انطيتهم الها صح
بس بدون علم مني انو هي مال اجهاظ! ، ولا دفعتها
هي رادت تدفعني ووكعت
-خليني اوضح الج الموضوع
عمتج اخت ابوج متزوجة من رجلچ
بس بحكم الديـن انتي مو زوجته محرمه عليه والي بينكم رنا وانتي ودفعتيها من الدرج ... حتى تكدرين تتزوجي
روان:- صفنت هذا شدا يحجي؟
-سيدي! الاعشاب مو اني جبتهم! ، بشنو احلف الك
مدفعتها ، والله ما دفعتهاا
هي وكعت
-شنو جان سبب الشجار ليش رادت تدفعج ؟
مجاوبته سكتت
-السكوت مو من صالحج
روان:-شافتني ويه زوجها
-شافتج؟
:- اي جنت احجي وياه
وسمعت كلامنه هو يريد يتزوجني ويطلكها ، واعتدت عليه بالضرب شوف.
وريته الضربة الي على ايدي
-ورادت تشمرني من الدرج ، بس وخرت وهي وكعت
والاعشاب اختها اشترتهم .
-اختها شنو صالحها؟
:- تريده
ضحك قوي
:-اخت تكتل ابن أختها ، حتى تتزوج زوجها؟
ليش وشلون؟
