اقدار المدارس
البارت الثاني عشر
بدايةً لعنة الله ع الضالمين
حسناء:نورت نيران حياتي وحياة دخان لكن تغيرت هواي اشياء بحياتي
الأمومه صعبه مو مثل ماجنت متخيله
يعني صرت اتعب اضعاف التعب ويو صعد دخان للدوام اتعب ازود وازود
خلصت فترة النفاس وشوي تعودت اعله نيران وصرت اعرفن ليهه ورتبت حياتي من جد وجديد
ورتبت اموري
بس اموري وي عمتي أيست تترتب
يو شما اسوي ماتكول سوت ولسانهه قاسي كلش
وبمره من المرات دخان نزل من الدوام رد متلهف
اعله نيران ونفس كل مره ينزل من الدوام اعله راحتي وصحتي ما ابخل اعليه ب الدلال والاهتمام ومداراتي
يو رد من الدوام انرد مثل العرسان ويضله فترة اسبوع يو ازود مايهدني ولا هدنه واحد مشتاك للأخر
.........&
عده اسبوع اعله نزلته من الدوام وكال خلني اعزم اخواتي يتشاوفن وانشوفهن
وصكد عزمهن اعله غده ونضفنه وخبزنه وطبخنه اشكال اللوان جهزنه حته الفواكه والزلايط انه وسلفتي سميره
صعدت سبحت وبدلت وجهزت نيران ونزلت بعد ماكملنه كلشي ناطرينهن بس يجني حته نصب الغده
واجني حمواتي وصبينه الغده وصارت ذيج اللمه الحلوه اباوع اعليهم شيون حلوه لمتهم صارت
ام عيد جايبه وياهه فروخ دخان
وبته دانيه هيه جبيره لكن تغاار من نيراان كلش
من دخان يشيل نيران يو يخليهه بحضنه تكله وخرهه انه مشتاكه ليك
انه كلت صكد عبنهه بعيده اعله ابوهه وضجت اعليهه
لكن يمن راحن البناات حمواتي مارضت ترد دانيه وي امي عيد وضلت تبجي تكول اريدن اضلن يم ابوي
وصكد بعد ما دخان كال لام عيد خلهه يمي ضلت دانيه
.......&
حسناء:كعدت اعله صوت بجي ب الحجره ودنيا الليل
فتحت عيني رفعت راسي واشوفن دانيه واكفه يم راس دخان وتبجي
دخان:هاا بويه شمالج!
_اريدن انامن يمك
دخان:بويه انه مو فرشت ليج يم فروخ عمج وبنات عمج عليش كايمه من فراشج
_اريدن هنا انامن جا بس نيران تنام هنا يمك
دخان:نيران لساهه صغيره ولازم تنام وين ماتنام امهه
يلا بويه روحي وردي لفراشج ونامي يبويه
_تعال ودني لفراشي وضل يمي لمن انام
حسناء:اجي انه وياج؟
_لاله انه اريدن ابوي
حسناء:باوع اعليه دخان نعسساان
كام وياهه وانه هم نعسانه نمت من كبل شوي بسبة نيران
رديت نمت وافزن اعله نيران تبجي ودخان ماكو ب الغرفه والضوه داش للغرفه نهبطت شنهي بيش الساعه باوعت اعله الساعه بالسته ونص الصبح يعني بعد وكت جا دخان شعده نازل هساع وشعجب كاعد كبلي اكو شي شني
ضليتني اسأل برويحتي حللت نيران من كماطهه وبدلت ليهه ورضعتهه ونزلت بيهه جوه خليتهه يم عمتي
