اقدار المدارس
البارت الثالث عشر
حسناء:بعد مرور فتره ..
وجبت ولد ودخان سماه أيران
كبل لا اجيب كال ليه اريدن اسمي الجاهل ايران يو جان ولد يو بنيه
اسمه ايران ..
ع اسم اعز صديق اله ب العسكريه وياه ..
ويمن جبت وطلعت ليه مثل كل مره يتلكاني متحمس فرحان طاير
اخذ مني الوليد وضل يأذن ب اذانه باوع اعليه مبتسم
جرني اله باسني من راسي
دخان:الله يحفضج ويخليج ليه حسناء انه فرحان كلش
عبن صار عدي ضهروضهر كوي فدوه اروحن ليج وليهم
يوما اتي انه ما يرجعلي أمل بهاي الحياة اتي اطيتيني امل اعيش ليج ولجهالنه انه جنت مأيس واحسن روحي وحيد ودانيه وتراب بعيدين اعليه كلش بكلشي ..
اخافن اكلج بعد اريدن جهال وتخربطين
حسناء:دخاااان شنيه هيه جنت تحجي حلو عليش خربتهه ب اريدن بعد جهال شني بسك
ضله يضحك ويداهرني ....
الكل انصدم ب اسم ابني ايران.. وبشكله هم ...ايران احله واحد بجهالي كلهم يخبل اجه ايه من الجمال بشرته ورديه وابيييض ومعانيه تخبل يشبهني تغريباً بس احله .....
وبعد مرور فتره كبر ايران ودخان صكد وفه بوعده وسوه ليهم حجره ينامون بيهه ويلعبون بيهه سوه ليهم مرجوحه بجنكال السكف ب الحجره والكاع ما شالتهم من الفرحه وهوه فرحان ومرتاح اعله فرحتهم وراحتهم ..
دانيه تجي لينه خطف خطار ويمن تجي تضلهه تشكي الجدتهه من حجي الوادم علش ماحبلت لهساع
ينعصر كلبي اعليهه لكن شنهو البيديني هيه مو كلش احسنهه تحب تكعد وياي بس من اسمعهه تشكي اصبرهه واقص ليهه قصتي وشيون تأخرت وسمعت شكد حجي وصار عدي وطاح الجاهل بس ضليتني ادعي يمن. الله رزقني وترس حضني جهال الحمد الله وسد حلوك هاي الوادم
..................&
مرت فتره وبيوم من الأيام دخان مو هنا ب الدوام
جاي اعزل ب الفوك وانضفنه واسمع عمتي وسلفتي سميره تعاركن
كلت ما اتدخل بس يمن صار الصايح عالي وحته صوت عمي نزلت اركض
دشيت الهول
تينه:وحك هوه علي يسميره يو رد عجاج اله اخليه يطكج ويزتج عد اهلج وحته فروخج مايطلعون وياج
_جا هوه بكيفج حته فروخي ما اخذهم وياي شني عمي مليت مايرضيج كلشي وع كلشي تحجين والله العظيم تراج زودتيهه جا هيه هيجي تسلطين وتأمرين وتردينه نطيعج
لوبيدينج اتي تردينه ندكلج تحيه صبح ومسه
_بسج يسميره اكسري الشر وصعدي لحجرتج يمن يرد زلمتج عودك ماوصيج كتي الاول والتالي وهوه زلمه تعبان وشحنيه اعله تينه وخلي الكلوب محمله والوجوه ثكيله بين الام وابنهه
