أبا تُراب «نَزيفُ النَجف»

« ألنَزفُ الأول »

مرحبًا بالجميع يا اصدقائي

لايك وتعليق بين الفقرات واحبكم

تابعوا الحساب حتى يوصلكم اول بأول البارت

من تتمِرض چنت بڪل مرقد أبچيَلك..

« بَغداد  »

كاعدين داير مداير الصُوبة ننتظر الحنينة تصب النا الچاي المهيل من ايدها الطيبة

ألمُطر ينزل بهدوء والسماء مُلبدة بالغيوم 
كمت حتى اشرب ماي من المطبخ شفت اخوي عُدي واكف جوة المطر وكفت اصيلحة..

- عُدي

التفت الي عُدي اخوية الكبير وهوة يبتسم..

عُدي  :  ها حبيبي

- تعال خلي نتريك..

عُدي  : جايك حبيبي روح تريك انتَ وراك دوام حتى اوديك

شربت ماي ورحت كعدت واجا عُدي كعد بصفي يوكلني رُغم عمري 13 سنة بس هوة مايقتنع اذا ما يوكلني

انتبهت امي علينا..

-:  ولك عُدي راح تسكط الولد بدلالك..

عُدي  : چم علي عدنا ام اسد

ام اسد  : ولك اخ اخ منك عدي

ضحكت بفرح وكملت ريوك كمت وقفني عدي..

عدي  : شبعت حبيبي علي

علي  : اي خوية شبعت

عدي  : عندك فلوس  ؟

علي  : اي عندي

عدي  : ميخالف هاك هاي هم فلوس

حط فلوس بجيبي وانا اضحك بفرح
اخوية عُدي احسةة ابوية وحبيبي وسندي واخوية الي امي ماجابتة اخذني وداني للمدرسة

اخذت دروسي ولتهيت وية الطلاب وطلعت لكيت عُدي ينتظرني لزمت ايدة ورجعت للبيت..

علي  : تعبت اليوم

عدي  : ليش حبيبي

علي  : تعبت من دوام مابية اداوم

عدي  : ماضل شي لنهاية السنة وترفع راسي

علي  : اذا رسبت تكتلني

عدي  : لا تنكسر ايدي اذا اضربك بس ازعل عليك