أحفاد الزعيم

2

زازا العماري

أحفاد الزعيم

﹉﹉﹉﹉﹉﹉﹉﹉﹉﹉﹉﹉﹉

كتلك كضاني المرض
حط ايدك على الوجع خاطر تطيبني
تسحك برجلك كمت وين اليتعبني ؟
وياك طاير جنت ومأمن تحبني
شمدريني من سابع سما من نوصل تذبني.

:

-ها حبيبتي وين صرتي؟
:-هاي اني كبال لـ محل وينك؟
:-لعد ما ادخلين شمنتضره
:دخلت ولـ ضحكه مرسومه على وجهي ما جنت ادري دخولي لهلـ محل راح يجيب اخرتي دخلت واني مبتسمه اباع لـ محل فارغ رجعت دزيتله رساله.
:-وينك اني بلـ محل
:-اكو باب ابيض صغير ادخلي بين ما اجي
:سديت موبايلي ورحت للـ باب جان باب عادي حديد ابيض وصغير دفعته ودخلت جان مخزن اول مدخلت سمعت لـ باب نقفل التفتت شفته وراي ابتسمت بتوتر وعيني على ايد لـ باب لـ قفله.
:-ءءسعيد ليش قفلت لـ باب؟
سعيد:حتى ناخذ راحتنه
:بعدني اريد احجي ما احس اله هجم عليه شمر صايتي وجر شالي وبلش يشكك بـ ملابسي جنت منهاره واصيح بس هوه كاتم صوتي بـ ايده.
سعيد:دسكتي اسكتي عود تسوي روحه شريفه هوه غير انتِ كـ***
:ضربت صرخت ما فاد اي شي سويته كدر ياخذ الي يريده ويتركني مثل لـ جثه بلـ ارض اباوع عليه يلبس بلـ قميص ويعدل بـ شعره.
نزلت دموعي تجوي خدي. معقوله هاذَ لـ انسان الي عشقته من كلـ كلبي هاذَ حب لـ طفوله هاذَ الي عشت وياه طفولتي و مراهقتي هاذَ الي انطيته كلبي وجنت مستعده اقدمله عمري هيج سوه بيه حب حياتي اخذ شرفي مني.
همست وصوتي يرجف.
:-بس شي واحد اريد اعرفه ليش؟ انتَ كلي ليش شنو سويت الك؟ بـ شنو اذيتك؟ ولك اني اني اريم حبيبتك هيج تسوي بيه
سعيد:اش اش بلا حجي زايد عمري كله ما حبيتج جنت اشوفج مجرد وحده رخيصه العب عليه
اريَم:عساك بنهار جهنم لو تموت ما اسامحك
سعيد:واني متانيج تسامحيني لو متسامحيني هههه والله يا الله
اي على لـ عموم ذا اهلج سئلوج منو سوه بيج هيج كولي حفيد الزعيم ذا كلتي حفيد الزعيم اتزوجج واستر عليج
اريَم:لا لا مـ..  ما ما اكول
سعيد:يطبج مرض راح تدمر سمعت ابوج وتنزلين راسه وانتِ بعد محد ياخذج فـ كولي حفيد الزعيم وراح تفض لـ سالفه واني فوراً اتزوجج وهسه كومي بدلي ملابسج واطلعي منا
:كمت وكلـ ذره بـ جسمي ترجف لبست لـ صايه وشمرت لـ شال وطلعت صرت امشي بلـ شارع جسد بلا روح اباع لـ شارع فارغ ضليت امشي واسحل كسرتي وخيبتي وراي لحد ما وصلت لـ باب بيتنه دفعت لـ باب ودخلت وكفت كدام باب لـ مطبخ امي تسوي اكل وابوي يمه يشوف شناقص مسواك واخوي احمد لـ صغير مكعدته امي على لـ كامنتر التفتو الي ثنينهم فوراً امي صرخت واجت تركض بـ اتجاهي وتهز بـ اكتافي.
ماجده:يمه شبيج صخام بوجهي ولج يممممه اريييم شبيييج
:اخذتني تسحل بيه للـ غرفه وابوي واكف متصنم يم لـ ثلاجه دخلتني امي وصارت تضرب على خده وتصيح.
ماجده:احجي يمه شبيج يمه اريم يمه بنيتي ولج احجي منووو سوه بييج هييج
:رفعت راسي اله وهمست وصوتي يرجف.
اريَم:حـ.. حفيـ.. حفيد الـ.. الزعـ.. الزعيـ.. الزعيم
ماجده:شنووووووووه!!!!!!!!!
ولج يمه متأكده؟
:هزيت راسي وبعده احتلني لـ سواد. كعدت وماجنت اتذكر اي شي وشلون مر لـ وكت اخر شي اذكره حفيدة الزعيم من هجمت عليه خفت حييل شكله وهيه تخزر بيه خلتني ابلع لـ عافيه لحد ماحجه عبد العزيز متت من لـ خوف لا صدك يتزوجني ويذبحني فوراً كلت مو هوه ضلـ ابوي يصرخ ويريد يضربني اخر شي طلعني رحنه لـ بيتنه استقبلتنه امي تبجي صاح بـ وجه ابويه.
حليم:بننننتتتج تجذذذب علييييه ددددكلي حفيييدد الززززعيييم ومممن راااادوه تحلللف نكرررررت
:صارت امي ادك وتلطم سحبني ابوي من متني وضربني راشدي من قوته طحت وصرت جوه رجليه جان هاي اول مره ابوي يضربني بيه طاح على اركبه وصار يبجي ويهمس.
حليم:ليش بويه بـ شنو مقصر وياج؟
ولج اااااحجي اررررريم اااااحجي قصررررت ويييياج بـ شــــي الله ياخذننني ولج اررررريم ليييش ليييش
:صار يضرب على راسه واني من لـ خوف اغمه عليه.
:فزيت على صوت عمي وهوهَ يكول.
رعد:يله عمو انزلي
:باوعت لكيت لـ ركاب كاعد تنزل اخذ جنطنه وطلعنه ضلـ يمشي واني وراه لحد ما اجر تكسي جانو يحجون لغه ما افتهمه ولا اعرف اني وين هسه وبيا بلد طولنه يله وصلنه نزلنه كدام عماره ولـ شارع يجنن نزل عمي ونزل لـ جنط مشه ومشيت وراه صعد بلـ عماره وفتح لـ مصعد وصعدنه لحد ما وصلنه للـ طابق لـ رابع مشه وراح على وحده من لـ شقق فتح لـ باب ودخل اول مدخلت قفل لـ باب والتفت الي.
رعد:اسمعي عمو اني راح انام وانتِ هم نامي واني قبل لا اطلع اكعدج حتى احجي وياج تمام
اريَم:تمام عمو
:اشرلي على غرفه وكال.
رعد:هاي غرفتج حبيبتي