أحفاد الزعيم

4

زازا العماري

أحفاد الزعيم

﹉﹉﹉﹉﹉﹉﹉﹉﹉﹉﹉﹉﹉

‏ما مِجبور تُبقى ويَاي
جّرب غيري تتهنة
واذّكرك مِن تَعاشر نَار
تُعرُف قَيمة الجّنة ..

الدَر'''

:فتحت عيوني لـ موبايل ابداً ما يسكت من لـ اتصالات صار خمس ايام ما مداومه ونيران بس تتصل عليه باوعت للـ ساعه جانت بلـ9:14كمت غسلت ملابسي وسبحت طلعت من لـ حمام شسورت شعري وسويت ضفيره ونزلت جانو كلهم بـ غرفهم دخلت للـ مطبخ صبيت عشه وكعدت اكل. غسلت مواعيني ورجعت للـ غرفه فرشت كتبي وراسلت بنيه اعرفه من لـ مدرسه انطتني لـ واجبات وكعدت اقره  لحد ما نعست رتبت جنطتي وخليته على صفحه وطفيت لـ ضوه ونمت كعدت لـ صبح لـ ساعه بلـ6:44كمت كويت ملابسي بدلت ومشطت شعري ونزلت لكيتهم يتريكون. فرحو لمن شافني كعدت وياهم لأن طول هلـ خمس ايام لا شفتهم ولا شافوني تريكت وصعدت لبست شالي وجنطتي وحذائي وطلعت صعدت بلـ سياره صعدو لـ ولد و عبد العزيز و عبد الرحمن كلـ عاده راحو بـ تكسي وصلني نصر الله للـ مدرسه. فتحت لـ باب ونزلت اول ما دخلت لكيت نيران بـ وجهي ضحكت بـ صوت عالي وحضنتني. صح ما تدري بيه راح اداوم بس هيه جانت كلـ يوم توكف بلـ باب تنتضرني اخذت جنطتي وراحت كدامي للـ صف تركض. دخلت للـ صف ذبيت شالي وسلمت على ميرال ورحنه كعدنه وره لـ مدرسه. وضلينه نسولف وحجيت الهن شلون نخطفت. وسولفتلي ميرال شلون جفصت كدام علي الكرار.
الدَر:عزززا يمه من يمي تفشلت
ميَرال:هههههههه لو تشوفين وجه نيران شلون صار
نيَران:غير من وراج لـ خيسه
:ضلينه نضحك على نيران وهيه زعلت وكامت. دك لـ جرس ورحنه للـ صف مر لـ وقت شطوله ولكلـ يسألني ليش غبت لحد ما صاحتني لـ مديره
:-انتِ الدر سليمان الزعيم مو؟
الدَر:اي
_ماما ليش غبتي خمس ايام شبيج مريضه جان اجه احد من اهلج طلب اجازه
الدَر:اعذريني جنت مخطوفه
_شنو
الدَر:مخطوفه شنو مسامعه بلـ خطف
_بس جان دكولولنه
الدَر:على لـ مره لـ جايه قبل لا انخطف اجي اكلج
_انتِ تضحكين عليه
الدَر:ست لـ مطلوب مني شنو
_باجر خلي يجي ولي امرج
الدَر:الله كريم
:عفته وطلعت رجعت للـ صف سئلتني نيران ليش جنت بلـ اداره ما جاوبته. مر لـ وقت وحلينه لبست شالي ولـ جنطه وطلعت وكفت متانيه نصر الله و نيران و ميرال يمي يسولفن لحد ما طبكت سيارة نصر الله بوست نيران و ميرال ورحت صعدت بلـ سياره التفتت للـ جامه الي من جيهت لـ ولد حتى أشر الهن باي اول ما باوعت نيران للـ سياره فوراً صارت تركض التفتت للـ ولد لكيت علي الكرار مبتسم وعينه تلاحكه مديت ايدي وسحلته من قميص التفت الي وهز راسه بـ معنى هاا.
الدَر:عينك وين يحلو؟
علي الكرار:هههههههه لا الدر شسالفه
الدَر:اقلعه ترا دير بالك
:ضحك بـ صوت واني ابتسمت رجعت راسي على لـ كشن صارت لـ مرايه كبالي لكيت نصر الله يباوعلي ابتسم واني درت وجهي للـ جيه لـ ثانيه. وصلنه للـ بيت دخلت لكيت جدي هستوه جاي سلمت عليه وهوه فرح وصار يبوس بـ راسي.
الزعيَم:مشتاقلج يروحي لـ بيت خنكه وناقص مابي صوتج
الدَر:ولو شيخنه تدل لـ يوم ارجلك لـ بيت رج
:ابتسم رجعتله لـ ابتسامه ورحت لـ غرفتي بدلت وفتحت شعري جان مو كلش طويل لأن من لـ صغر نصر الله يكصليا لأن يحب لـ شعر لـ قصير وجنت دائما اكله.
الدَر:ليش تكص شعري نصر الله
نصر الله:لأن احب لـ شعر لـ قصير
الدَر:واني شعليه ذا تحب لـ شعر لـ قصير
نصر الله:لأن انتِ بنيتي هسه واني بنتي اريد اكص شعره انتضري بس يصير عندي بنيه بعد ما ادخل بيج
:فوراً قفزت عليه وحضنته.
الدَر:يعني ذا صارت عندك بنيه تنساني؟
نصر الله:افا بويه انتِ الاصل
:ضحكت وبسته بـ خده ابتسم ورجع شعري وره ذاني وكال.
نصر الله:الدر اني شكلت مو كلت صرتي جبيره بعد ما يصير تلزميني
الدَر:نصر الله والله انتَ ما تحبني
:كلته وصرت ابجي.
نصر الله:اني!!! الدر اني ما احبج؟
الدَر:اي كلهم يحبوني اله انتَ و اسد الله حتى ما تحضنوني ولا تبوسوني مثل لـ ولد
نصر الله:حرام حبيبتي انتِ كبرتي
:دفعته من متنه ورحت اركض لـ جدي ابجي ونصر الله يصيح وراي دخلت للـ غرفه وقفلت لـ باب ورحت اله ابجي شمرت نفسي بـ حضنه. شالني وكعدني على رجله ومسح دموعي.
الزعيَم:ها شبيه لـ حلوه منو مزعل لبوتي؟
الدَر:نصر الله
الزعيَم:نصر الله؟
:هزيت راسي اي وهوهَ استغرب شوي وكال.
الزعيَم:شكلج؟
الدَر:ميحبني لا هوه ولا اسد الله
الزعيَم:منو كالج؟
الدَر:جدو يعني ليش ما يبوسوني مثل لـ ولد كلـ ما اكول الهم يكلولي انتِ جبيره ترا والله اني صغيره
:كلته وكعدت ابجي ابتسم جدي وحاوط وجهي بين اديه.
الزعيَم:حبيبتي ميصير يلزمونج لـ ولد
الدَر:اعرف ميحبوني
الزعيَم:لا مو ما يحبونج بس حرام
:كمت ابجي بـ صوت وهمست.
الدَر:هاذَ حتى انتَ جدو
:كمت من حضنه واني ابجي وهوه يصيح وراي يريدني ارجع فوراً صعدت اركض لـ غرفته محد يحبني غيره ولا يلعب وياي ولا يطلعني ولا ينيمني يمه ولايقرالي قصص فتحت لـ باب لكيته كاعد يرتب بلـ جربايه بس شافني شمر لـ مخد واجه بـ اتجاهي رفعت اله اديه حتى يشيلني شالني بيد وحده ولـ ثانيه يمسح بـ دموعي.
علي الاكبر:ها يروحي ها شكو تبجين منو مزعل هلـ قمر
الدَر:اخوتك وجدك
علي الاكبر:هههههه و شسوولج يكلبي
الدَر:نصر الله كعد يكلي ما ابوسج بعد لا اني ولا لـ ولد انتِ جبيره اروح لـ جدي هم يكلي جبيره وحرام
:حضنته من ركبته وكلت.
الدَر:بس انتَ تحبني لا تصير مثلهم بعد متريدني
:ابتسم وباس خدودي وكال.
علي الاكبر:تعالي هنا نامي يمي وفنه لـ يفك حلكه وبعد لا تنزلين ابد خليهم يدورون عليج
:شالني نيمني على لـ جربايته واني اضحك. جان علي الاكبر وما زال اقرب واحد الي صح نصر الله يهتم بادق تفاصيلي من اكل وملابس ودراسه وووو بس علي الاكبر غير.
:فززني من صفنتي لـ باب لمن دك فتحته جان نصر الله ابتسم.
نصر الله:زعلان مني لـ حلو؟
الدَر:شرايد؟
نصر الله:اها حلو
الدَر:تحجي لو تروح
:بدون ميحجي راح سديت لـ باب وطفيت لـ ضوه حتى انام.