أحفاد الزعيم

5

زازا العماري

أحفاد الزعيم

﹉﹉﹉﹉﹉﹉﹉﹉﹉﹉﹉﹉﹉

اليحَبك مِن صدك
ما يِمشي ويخَليك يضل
يَمك لحد ما تخِلص
سنينه
اليحَبك مِن صدك
مايحب غيرك ناس بَس
انتَ العزيز
يشُوفك بعَينه .

الدَر'''

:كاعده وكدامي ميرال و نيران كاعد نقره باجر اول امتحان النه لـ نهاية لـ سنه والتمينه كلنه ببيت نيران. اجيت من لـ صبح وهسه لـ ساعه بلـ8:44بليل. سديت لـ كتاب وكمت رفعت راسه تباوعلي.
نيَران:وين؟
الدَر:لـ بيتي وين يعني تأخر لـ وقت بعد يا دوب اغسل ملابسي و اسبح
نيَران:دكعدي اكعدي بعد وكت
الدَر:لا يا بعد وكت هسه اتصل على واحد من لـ ولد يجيني
ميَرال:ابقي بعد شويه شسالفه ضلي للـ11وروحي
الدَر:يايمه شعندي ضاله للـ1
:لملمت كتبي واتصلت بـ اسد الله يجيني شوي وسمعت هورن سلمت على ميرال وطلعت وياي نيران سلمت على اهله وطلعت فتحت لـ باب لكيت علي الكرار بوجهي فوراً نيران جرت كبوس لـ قمصله ولبسته ابتسم بـ وجهي وكال.
علي الكرار:يله
الدَر:مو الـ مفروض يجي اسد الله؟
علي الكرار:مريض
:التفتت لـ نيران بوسته وكلت.
الدَر:اكعدي من وكت اتصل عليج بلـ خمسه ونامي من وكت هم حتى ما تتاخرين
نيَران:تمام
الدَر:ميرال تبات يمج؟
نيَران:اي
الدَر:تمام بس مو تضلن سهرانات
نيَران:تمام ماما بعد ما تردينه نرضع قبل لا انام
الدَر:هههههه انجبي على مودج
نيَران: يله ولي
الدَر:باي
نيَران:باي حبيبي
:درت وجهي لكيت الاخ مسنح منتچي على لـ باب وفاتح حلكه يباوع عليه دفرته بـ رجله فوراً عدل وكتفه وكال.
علي الكرار:ءء يله
:ابتسمت ومشيت كدامه شمرت جنطتي وره وصعدت اباع شو هاذَ بقه مسنح ضليت اباوع عليهم نيران مطلع بس عيونه من لـ باب وعلي الكرار صاير كبال لـ باب مرت كم دقيقه بزعت روحي. مديت جسمي على لـ جيه لـ ثانيه ودكيت هورن وضليت دايسه عليه فوراً التفت واشرلي اصبر. شوي واجه اول ما صعد ركعني على راسي وضلـ يحجي واني اسولف بـ حماس واني متأكد اخويه تسرسح. رجعنه للـ بيت ولكيت اسد الله يروح ويجي ولا عبالك مريض التفتت لـ علي الكرار بعدني اريد احجي.
علي الكرار:جذب كلشي مابي بس اني اريد اجيبج
الدَر:اها فهمت فهمت
:ابتسم واني صعدت لـ غرفتي غسلت ملابسي وسبحت وفوراً نمت. كعدت على صوت لـ منبه لـ ساعه خمسه فوراً اتصلت على نيران لكيته هستوه كاعده سولفنه شوي وسديته وكمت غسلت ونزلت سويت ريوك تريكت بساع وصعدت اراجع للـ متحان مر لـ وكت وصارت لـ ساعه بلـ6:36اجيت اكوم ابدل نفتح لـ باب دخل وهوهَ مبتسم.
نصر الله:عبالي نايمه كلت اجي اكعدج
الدَر:لاكاعده من لـ خمسه
نصر الله:يله نازل اسويلج ريوك
الدَر:متريكه
نصر الله:ها
الدَر:اي والله اول ما كعدت تريكت
نصر الله:تمام لعد خلي اكوي ملابسج
الدَر:لا عيفهن اني كايمه اكويهن
:ضلـ يباوعلي عفته وكمت خليت محفضتي و كتابي على صفحه ورحت طلعت ملابسي وكويتهم وبدلت ومشطت شعري ولبست شالي وحذائي وطلعت وداني نصر الله للـ مدرسه دخلت راجعت قبل لـ امتحان ودخلت امتحنت وطلعت شوي وطلعت نيران تبجي فوراً رحت اله.
الدَر:شكو شبيج؟
نيَران:ولج لـ سؤال لـ ثالث فرع الف نقطه ثنين ماشفته
:حضنته وهيه تبجي وتصيح.
نيَران:وعلي اعرفه والله والله اعرفه
الدَر:كافي يروحي عادي
نيَران:ولج الدر يا عادي راح امووت قهر
:وكفنه كبال للـ مدرسه ضليت اواسي بيه وهيه تبجي لحد ما سمعت صوته.
علي الكرار:نيران شبيج
:رفعت راسه وفوراً مسحت دموعه.
نيَران:مـ.. مابـ.. مابيه
علي الكرار:شبيه الدر
الدَر:اكول نقطه ماشايفته وتعرف لـ حل
علي الكرار:عادي وذا هيه نقطه شني عليه خمس درجات وشني لـ خمس درجات اذا انتِ ضامنه تجيبين درجت نجاح هاهيه ذا ناجحه لـ خمسه لا تقدم ولا تأخر تمام يله امسحي دموعج
:مسحت دموعه وطلعت ميرال وعيونه مدمعه.
الدَر:ها حتى انتِ ممجاوبه
ميَرال:لا مجاوبه بس لـ سؤال لـ ثالث فرع الف نقطه ثنين مامبينه وماشفته
الدَر:ههههههههههه كبر لفجن عميان
علي الكرار:ديله امشن امشن
:وصلنه نيران و ميرال و علي الكرار كلـ شوي ملتفت لـ نيران ويتأفأف لحد ما نزلن كعد يمي وهمس.
علي الكرار:راح تضل تبجي؟
:اجيت اجاوبه بس سبقني لمن كال.
نصر الله:وانتَ شدخلك؟
علي الكرار:ها لا بس خطيه
:ضحكت بلـ ختله ودرت وجهي للـ جامه شوي ووصلنه للـ بيت دخلت للـ بيت فوراً صعدت لـ غرفتي بدلت ملابسي وفوراً نمت. كعدت بليل على صوته وهوهَ يمسح على شعري.