حق مشروع
# الثالث
بقلم /شيماء عبدالحكم عثمان
*********
-- لاء يعني لاء ،، لو حسين ده آخر راجل فى العالم أنا برضو مش موافقه عليه .
هكذا تحدثت ايمان برفض تام وبنبره يملؤها الغضب والأصرار أمام زوجه أخيها التى كانت تحدثها فى ذلك الأمر . لتغضب " دنيا" منها وتردف بسخريه :
-- انتِ اتجننتي يابت مش كده ؟ هو اللى زي حسين ده يترفض !
بنبره مليئه بالسخريه تحدثت :
ــ معلش اصل انا فقر ومش وش نعمه .
ــ اتعدلي ياإيمان فى كلامك معايه احسن لك .
بقله حيله وبيأس أردفت :
ــ يا دنيا من فضلك أنا مش عايزه اتجوز دلوقتي ،،وعشان تريحي نفسك وتريحينى اشرف اخويه يبلغ والده برفضي والموضوع خلاص ينتهي .
بغضب وبنبره صوت مرتفعه :
ــ موضوع ايه اللى ينتهي ! . هو الموضوع كان ابتدى من أصله عشان ينتهي . ولا حضرتك شايفه لك شوفه يا ست ايمان .
وتابعت بسخريه :
ــ ولا يكنش عشان أشتغلتى مع نفسك وشغّلتى معاكِ كام عيل من ولاد الجيران فكرتى نفسك سيدة أعمال ومبقاش حد يملى عينك .
-- يا دنيا قولى لي أنتِ عايزه توصلي لإيه بالظبط
هكذا تحدثت ايمان بقلة حيله .
ردت دنيا بأصرار
ــ عايزه اعرف سبب رفضك الحقيقي لحسين .. ومن غير لف ودوران وكذب وإلا ورحمة امك وابوكِ الجوازه هاتمشي حتى لو غصبٍ عنك .
ــ مش بمزاجك يا دنيا ،، محدش فى الدنيا يقدر يغصب ايمان على حاجه هي مش عيزاها . وطالما هي قالت لاء . يبقا لاء .
هكذا تحدث أشرف العائد من عمله والذي أستمع لأصوات نقاشهم المحتد .وسمع نبرة زوجته التوعديه لشقيقته . لترد عليه دنيا بتهكم والدم يغلي بعروقها لمراجعه زوجها لها فى حديثها
ــ والله عال ياسي اشرف . يعنى انت موافق على الهبل اللى اختك بتقوله ده
وتابعت بتهكم وسخريه
ــ طب هي عيله صغيره ومش عارفه مصلحتها . بدل ما انت تعقلها .تعوم على عومها .
ــ سبيها على راحتها يا دنيا طالما هي مش عايزاه مش هنجبرها عليه . كل شيئ بالخناق إلا الجواز بالأتفاق .
تنفست إيمان براحه لتأييد شقيقها لرئيها ولكن باغتتهم دنيا حين تحدثت بسخريه
ـ لاء بقا ده شكلكم انتو الأتنين متفقين مع بعض. انا لازم أعرف انتو رافضين ليه .
رد أشرف بصرامه
ــ من غير ليه طالما أختى مش عايزه مش هاجبرها .
ــ أومال يعنى ياست إيمان كنتِ داخله طالعه عليهم ليه. مره بتفرشي معاهم البيت ومره تانيه كتب كتاب أخته . ولما كنت بعترض كنتِ بتزعلي قوى وتقوليلى عشان خاطر خالتى سميحه وعمى مصطفي . ايه اللى حصل بعد ده كله .
ــ محصلش حاجه أنا مش مرتاحه له مش هو الشخص اللى أنا عايزه أرتبط بيه .
دنيا بنرفزه وتهكم
ــ اسمعى بقا لما اقول لك أنتِ لسه صغيره ومش عارفه مصلحتك فين . الباش مهندس حسين مش هانقول له لاء ده الف بنت تتمناه . عريس طول بعرض وحلو وابن ناس وعنده شقته وشغله مش لسه هيكون نفسه هو صحيح كبير عنك بتسع سنين بس مش مشكله . انا شايفه أنه عريس ميتسابش .
أنت تقرأ
نوفيلا حق مشروع
Storie d'amoreعندما تعطي الأمان لمن لا يستحق فانتظر الضربه المميته ستأتى لا محاله
