Love Story of Abhishek Malhan and Jiya Shankar

Rahul Learns About the New Addition

Kuch saal baad, Rahul ab ek smart aur active schoolboy ban gaya tha. Har din woh apni school uniform mein taiyar hokar school jata aur wahan acche se padhai karta. Uska interest har subject mein tha, aur teachers uski tarif karte nahi thakte.

Ek din jab Rahul school se ghar aaya, to usne dekha ki ghar ka mahaul alag sa hai. Jiya apne room mein thi, aur Abhishek unka khayal rakhte hue kuch zaroori kaam sambhal rahe the. Rahul ne curious hoke puchha, “Mumma, aap theek ho na? Papa aapke paas kyun baithe hain?”

Jiya uske pyare sawaalon pe smile karte hue boli, “Haan beta, main bilkul theek hoon. Lekin tumhare liye ek surprise hai.”

Rahul ki excitement badh gayi. “Kya surprise hai, mumma? Jaldi batao!”

Abhishek ne Rahul ko godh mein utha kar pyaar se bola, “Beta, tumhare liye ek chhota sa gift aa raha hai. Tum jaldi hi bade bhai banne wale ho.”

Rahul ki aankhein excitement se chamak uthi. “Sach mein, mumma?” Usne khushi se Jiya ke paas jaane ki koshish ki, lekin Abhishek ne usse roka.

“Pehle uniform utaro aur naha kar aao, tabhi mumma ke paas ja sakte ho,” Abhishek ne kaha.

Rahul ne apne uniform jaldi se utar diye aur bola, “Papa, mujhe naha do. Main jaldi mumma ke paas jaana chahta hoon.”

Abhishek usse bathroom le gaye aur uska playful mood mein nahana complete kiya. Rahul ne apne chhote haathon se apne baal sukhaye aur bola, “Papa, ab mujhe mumma ke paas le chalo.”

Rahul seedha Jiya ke paas gaya aur uska haath pakad kar bola, “Mumma, ab main aapka dhyan rakhunga. Mujhe pata hai ki aapko rest karna hoga. Main aapko kuch kaam nahi karne dunga.”

Jiya ne Rahul ko apne paas bitha kar uska matha chuma aur boli, “Mera beta toh sach mein bada ho gaya hai.”

Rahul thoda sharma kar bola, “Mumma, kya main baby ki awaaz sun sakta hoon?”

Abhishek aur Jiya ek doosre ko dekh kar smile karte hain. Abhishek bolte hain, “Haan beta, try karo. Apna kaan mumma ke tummy par rakho.”

Rahul excitement se apne kaan Jiya ke tummy par rakhta hai aur kuch der chup rehta hai. Fir woh muskara kar bolta hai, “Maine baby ki heartbeat suni! Baby mujhe bhi pyaar karta hoga na?”

Jiya emotional ho kar boli, “Bilkul, beta. Tum baby ke favorite bhai banoge.”

Abhishek ne un dono ko dekha aur bola, “Rahul, tumne aaj sabka din banaya hai.”

Rahul ka excitement aur pyaar unki family ke bond ko aur mazboot bana raha tha. Yeh moment ek naye chapter ki shuruaat thi, jo unki zindagi mein aur bhi khushiyan leke aane wala tha.

************End***************