#البارت_الخامس
يكولون
يطبك طوب ترجع ما اجبرك
اناا شخصيتي بلحب تسوه عمرك
بعد مو مال ذاك الأول من يلجمو
كبر يلفني وعمت عينه الينتضرك
واذا ترجع سبع مرات احضرك
_________
شيري
________
جابلي دشتداشه طويله كلش وعريضه كلتله
شيري : شنووو هاي لوو تموت ما البسها
دُلهام : عادي مو اله انتي تلبسيها اني ألبسها الج
خزرتهههه هو كام يضحك
أخذته منه ورحت للحمام لبستها وطلعت كأني مره جبيره بلعمر كلش أخوف ضليت اتباوع لروحي اندك باب الحمام كال
دُلهام: يله خلصتي
شيري: هااا لا بعدني
عافني وراح سمعته من طبك باب الغرفه بساع طلعت
________
دُلهام
نزلت حتى اتريك لكيت الاهل كلها كاعده
: صباااح الخير
الكل : صباح النور
حجت نور
نور : وين شيري؟
شنوو شيري نور شدتحجي تباوعتلها وهي باوعتلي وعادت الكلام
نور : دُلهام وين صارت شيري؟
ايدي كامت ترجف دمعه بطرف عيني معقوله اسمها شيري بس شلون كلها كامت تباوعلي عفت الاكل وصعدت للفوك
دخلت للغرفه بهدوء لكيتها نازعه الدشداشه وبايقه بس بداخليه صفنت عليها لكيت جسمها ابيض وجان جسمها مليان ضليت صافن عليها وهي تباوع للكنتور كلت بصوت ناصي هي سمعته
دُلهام: انتي شيري ؟
اول ما دارت وجها نصدمت جسمها يخبل صدرها ابيض وملابسها داخليه اسود هي اول ما شافتني راحت للسرير غطت روحها كالتلي
شيري : اطلع بره اريد ابدل
تقدمت الها وهي نصدمت كالت
شيري : ولله إذا تقربت بعد راح اصير
تقدمت اكثر رادت تصيح واني بساع بسته من شفايفه هي ضلت فاتحه عيونه وتضرب على صدري واني ضليت اتفنن بلبوسه هي هدئت شويه وبادلتني ما عرف ليش سويت هيج اصلا غمضت عيوني وهي حضنتني ردت انزل للركبتها اذكرت تقى بساع وخرت منها مسحت وجهي بشكل متكرر هي من أدركت الموقف كامت تبجي اني بساع طلعت من الغرفه نزلت للجوه كلت النور
: نور روحي صعدي للبت خاف تحتاج شي
نور : شيري ؟
دُلهام: اكو وحده غيرها ؟
هزت راسها وصعدت للفوك كعدت على طاوله الاكل
حتى ملابسي مال دوام ما لابسها
صعدت لفوك حتى ابدل دخلت للغرفه لكيت نور كاعده على السرير وشيري بالحمام اول ما شافتني كامت كالتلي
نور : ليش شيري تبجي
دُلهام: ما ادري
اخذت ملابسي ونزلت للحمام الجوه بدلت وطلعت لكيت حسين حارس الشخصي كال
حسين : السلام عليكم سيدي
دُلهام: وعليكم السلام ، وينك هلايام مختفي ؟
حسين: ولله سيدي ضروف عائليه
دُلهام: اذا شي مهم روح لعائلتك اذا محتاج شي كلي
حسين: تسلم سيدي ما تقصر
راح حسين يسوق واني كعدت ورى ضليت اتباوع للشارع ذكرت شسويت اليوم الصبح ضحكت لا أرادين كال حسين
حسين : انشالله دوم هضحكه سيدي
انتبهت وعدلت نفسي وهزيت براسي وصلت للدوام ونزلت
________
شيري
من بعد ما تقربلي ما عرف شنو الشعور الحسيته خوف على حب مشاعري تخربطت بلبدايه بجيت بس بعدين احس رتاحيت وحضنته لا أرادين
فجأه بساع هو كام اني أدركت الموقف كمت ابجي بصوت خفيف هو طلع من الغرفه وضليت ابجي ما عرف ليش تقبتله ليش يربي ضليت ألوم بروحي شويه واندك الباب عبالي هو كلت
: عليك الله عوفني ( بجي )
نور : حبيبتي هاي اني نور
كتلها تفضلي وهي دخلت شافتني شلون حاضنه ألحاف وابجي كالتلي
نور : شبيج شيري؟ منو وياج ليش هيج تبجين ؟
سكتت لان ما اعرف شكلها كتلها
: اريد اسبحح احس روحي وصخه
نور : تمام هسه اجيبلج ملابس من عدي
هزيتلها راسي ودخلت للحمام فتحت الدوش وكمت ابجي بصوت ناصي كلش بس دموع تجري اخاف اطلع صوت وتسمعني نور خلصت فتحت الباب شويه طلعت بس راسي لكيت نور كاعده وبيدها ملابس كتلها
شيري : نور ممكن الملابس ؟
نور : طبعا ، حبيبتي
اخذت الملابس وجانت تراكسود حلوات وعريضات طلعت وهي من شافت عيوني نصدمت
نور : لا مستحيل اكيدد اكو شي شبيهن عيونج
شيري : ماكو شي صدكيني
نور : لجج شايفه عيونج حمررر
صدكت رحت شفت روحي عيوني مورمات من البواجي وحمرر دنكت راسي وكلت النور
شيري : عادي يمكن حساسيه
نور : وتقنعيني حساسيه اعتبريني اختج واحجيلي
من كالت اعتبريني اختج اذكرت هُيام ورجعت ابجي ما اعرف هسه هي شلونها امي شصار بيهم
اجت حضنتني نور كالت
نور : احجيلي خليني ارتاح مو تعبت
هزيتلها راسي وحجيتلها كلشي كالتلي
نور: على هسالفه تبجين صدك جذب لو صارت الطامه الجبيره شلون
وضحكت ما عرفت شنو قصدها تباوعتلها عمزتلي بساع عرفت شتقصد خوزرتها وهي كامت تضحك بصوت عالي كتلها
شيري :امشي طلعي بره تشبيهن اخوج
ضحكت وكالت
نور: ديله عيني مشطي شعرج حتى ننزل لجوه
رحت مشطت شعري وحطيت كريمات من مالت نور ونزلت لجوه لكيت امه واخو موجودين كلت
: صباح الخير
الام : صباح نور تعاي يمه اكعدي ، لج نوررر سوي لمرت اخوج ريوك خلي تتغده
نور : حاضر يمه
راحت نور تسويلي وكعدت على طاوله وكبالي مصطفى
مصطفى: احم مرت اخوي شسمج ؟
ضحكت على كلمه مرت اخوي
: شيري
مصطفى: اسمج غريب بس حلو
شيري : امم زين انت شسمك ؟
: اسمي مصطفى امي سمتني طبعا هذا الاسم مو كلش احبه بس بعد شافوني حلو سموني مصطفى لان ...
نور : دكافي سولفت قصة حياتك
مصطفى: دسكتي انتي ما اعرف منو سماج نور واصلا ما بيج اي ضوه
ضحكت على كلامهم ضلو يتناكرون لمن اجت امهم سكتوا
كعدت اتريك جان مسويلي بيضه طك وجاي وزيتون الاسود وجابولي خبز منظر يفتح الشهيه اكلته كلها وشكرت ربي ورحت اغسل اجت من وراي امه
درت وجهي الها وكلت
شيري:اسفه خاله على كلامي اول ما اجيت صدكيني جان كلبي محروك
ام دُلهام: لا حبيبتي لا تتأسفين حالتج اول ما اجيتنا معذوره
ابتسمتلها وكتلها
شيري: خاله أكدر اساعدج بتنظيف البيت؟
ام دُلهام: لا حبيبتي انتي عروس ارتاحي
صدك تحجي؟ اني عروس ؟ منين طلعت عروس بتسمتلها وصعدت للغرفه نمت على السرير اريد اغفه ما أكدر
صارت الساعه ب ١١ ونص بعد نص ساعه ويأدن وهذا الزوجني لسه ما اجه ايي بعد احسن
ورى شويه اجت نور دكت الباب كتلها
شيري : هاا نور خير ؟
نور :كل الخير يروحي اجيت اكلج انزلي شويه يمنا لان شويه وبعد يجي دُلهام
هزيت راسي وكمت وياها نزلت لكيت ام دُلهام موجوده كاعده بعباة اصلي مثل تريد تصلي بس بعد وكت للصلاة سألتها
شيري : خاله بعدها ما حلت الصلاة ؟
ام دُلهام: اي حبيبتي جاي اقضي تدرين احنا نسوان كبار وبشبابي ما جنت اصلي كاعده اقضيهن
ياالله شكد هلمره لطيفه
ابتسمتلها ورحت كعدت كباليها كمت اشوفها شلون تصلي صح اني اصلي بس موو منتظمه من شفت خالتي ام دُلهام شلون تصلي وهي متعمقه كلش حبيت التزم بصلاتي كاعده ومتأمله ما حسيت اله ندك الباب
باوعتلي خالتي وكالت
ام دُلهام: كومي يمه اجه رجلج
هزيتلها راسي وكمت فتحت الباب هو اول مشافني استغرب بس بعدين باوعلي بغضب
___________
دُلهام
اجت من الدوام تعبان كلش دكيت الباب طلعتلي شيري نصدمت لان ما متعود عليها بعدين كلش ضجت لان هي فتحت الباب لزمتها من ايدها حيل
شيري: هاي شبيك دُلهام
اول مره تلفظ اسمي هديت شويه
دُلهام: ليش فتحتي الباب ؟
شيري : يعني اخليك بره ؟ترى عادي اصلا افرح
دُلهام: ما قصدي هيج قصدي شلون تفتحين الباب وانتي ما لابسه حجاب شلون تطلعين هيج اذا احد شافج ما تخجلين ولو انتن بنات بغداد شعتب عليجن
شيري (بعصبية): احترم نفسك بنات بغداد اشرف منك
دُلهام: اي ادري من الملاهي الموجوده بغداد
باوعتلي بنظره ما اعرف شنو من نظره ما كدرت افسره وراحت للجوه دخلت
دُلهام: السلام عليكم
الكل : وعليكم السلام
رحت كعدت لان تعبان
دُلهام: نور ماي من يمج
نور : فدوه شيري جيبله ماي كاعده اصب الغده الغده
شفتها كامت وجابتلي ماي
دُلهام: عود شكرا !!
شيري : عود العفو !
اسغفر الله شنو من بت هاي ولله شهرين واطلكها مستحيل ابقى وياها اني اعرف شلون اطلكها
شربت الماي وكمت
دُلهام: اكلج هييي انتي شيري تعاي وري لفوك
رحت لفوك ضليت خمس دقايق ياا هاي وين ولت استغفر الله طلعت من الغرفه وكفت يم الدرج صحت
دُلهام: شيرررري وحق الحمزززه ابو حزززااامين اذا متجججين اخللليجج مسودددنهه تعاااي بسرعه
دخلت للغرفه ورى شويه اجت
شيري : شجاك فضحتني ، شتريد مني ؟
دُلهام: انجبي وحجي عدل لا اكسر سنونج المهم مو هذا موضوعنه اسمعي يبت الناس اني وياج ما أكدر اكمل بعد شهرين نتطلك مفهووم؟!
شيري: شجاك ليش شهريين خليها اليوم موو احسن؟
دُلهام: استغفرالله يا رب انطيني صبر أيوب كلشي ما اريد منج بس كولي صار اذا طلكنا هسه راح نوكع بمصايب هذا الاسبوع حساس جدا لان ماصار يومين من مزوجين
شيري : تماام اهم شي ما اضل يمك بعد حضره القاضي رايد شي مني ؟
دُلهام: بس الزمي لسنانج! تعاي طلعيلي ملابسي اريد اسبح
شيري :صار هسه اطلعهن بعد رايد شي
دُلهام: اي ولله رايد
شيري :شنو هو ؟
دُلهام: تولين من خلقتي
شيري بصوت ناصي وهي دايره وجه :علساس ميته عليك وجها جنه تنور
دُلهام: صوتجج ادبسززز
طلعت ملابسي وراحت ياربي خلصني منها بعد ما اتحمل
________
ام شيري: يربيييي راح اموات ما خليت مكان ما دورت علي وين راحت هلبت
هُيام : كولي يا الله ، اكيد راح نلكاه
ام شيري: بس اريد اعرف ليش عمها ضحه بتي ليش انطها ماانطو بنات تحسين يعني طيح المشكله بس بينا
هُيام : يمه اني حجيت وي حسين كال راح اكول للقاضي
ام شيري: يا صخام صخمني شيعرف حسين عن القاضي؟
هُيام : شبيج يمه هذا الي كلتلج علي
ام شيري: ياا اذكرته حسين يصير حارسه الشخصي، منو يكول يساعدنا
هُيام : وليش ما يساعدنا مو هو وي القانون
هزيت راسي اف يربي ولله خايفه على بتي وين هسه هي نزلت دمعتي
هُيام: لا تبجين يا يمههه ولله نلكاها
ام شيري: الله يسمع منج يا يمه راح اموت يعني وين تروح شعندي غيرها ولله إذا صار بيها شي اكتل روحي ما عندي غيرها عزيزة كلبي هاي ، مو تنسين يا يمه هاي وصية ابوج وصاني بيها قبل ما يموت سوده عليه
هُيام : انشالله نلكاها .... شكد نقهرت على امي لان هي الصغيره والمدلله اخر شي تروح ضحيه والمن ما اندري
رحت حتى اخابر حسين اتصلت عليه رد
حسين : الووو
هُيام :هاا حبيبي شلونك
حسين: الحمدلله انتي شلونج
هُيام : بخير ، اكلك حسين كلت لأمي حتى تروح تسولف للقاضي على سالفه شيري
حسين : هاي يعني وافقت ، هسه اني وصلته للبيت العصر راح يطلع احجي ويا العصر
هُيام : خوش بس فدوه استعجل امي كلبها راح يوكف
حسين : انشالله ، لا تسوين غدة راح اجيب وياي من المطعم خوش
هُيام : الله يخليك النا حبيبي ، يله مع السلامه
حسين : الله يسلمج باي
_________
شيري
جهزنه الغده اني ونور يله هلبيت كيوووت لطيفه كولش خلينا الغده على الطاولة اذن الاذان عادتهم يخلصون الغدة يله يصلون
كلها اجت على الغده بقى بس دُلهام حجت نور
نور: فدوة شيري روحي صيحي دُلهام حتى يتغده
شيري :لا عيني اني معليه روحي انتي
نور : ليش؟
شيري : استحي اتباوع الوجه بعد الي صار الصبح
ضحكت وراحت كلهم اجتمعوا مصطفى اليوم ما راح للكلية ضل هنا وعمي ورى دُلهام اجه وكعدنا وذكرت من جنت اني وامي واختي ياالله شكد مشتاقه للجود بلكوه سيطرت على دموعي
ام دُلهام: قبل شويه اتصلت بيه زينب راح تجي لهنا تضل يمنا اسبوع لان خطيه صارلها شهرين ما زايرتنه بسبب جهالها
استغربت منو هاي زينب ضليت اتباوع للوجوه كلها مبتسمه
سالم : اي ولله كلش مشتاقيلها واني هم عدي حجي وياها
مصطفى:يا بويهههه كلشي ولا تجيب جهالها ترى ما عندى روضه وما عايزين نور وتكفي
نور : باابااا صيح بي
سالم : ههههه عوفها مصطفى
مصطفى: صدك يمهه شعجب ذكرتنا؟
ام دُلهام: شنو شعجب ذكرتنا اصلا كل يوميه الله يساعدها تتصل علينا وتسأل عليكم ترى مو جديده علينا هشي مو صح ؟
هز راسه
خلصو الاكل شكرو الله وكامو يصلون شلنا المواعين اني ونور
شيري : احممم اكلج نور هاي زينب منو هي ؟
نور : زينب اختي الجبيره متزوجه وعدها جهالين
الله يساعدها بتها بلاول ابتدائي وبتها الثانيه الصغيره عمرها سنتين و نص بس شكد شالعه كلبها
شيري : خطيه الله يساعدها
نور ابتسمت
_______
دُلهام
صليت بصاله اني وابوي خلصنا صلاتنا
دُلهام: تقبل الله
سالم : قبل الله اعمالك
ردت اكوم حتى اصعد للفوك انام
سالم : اوكف دُلهام عدي حجي وياك
دُلهام: خير انشالله
سالم : انشالله خير تعال اكعد حتى اكلك
رحت كعدت يمه
سالم : اسمع بويه اليوم ان رحت الصبح للبيت ابوي وبصدفه لكيت عمك رياض موجود
هزيت راسي
دُلهام: اي بويه كمل
سالم : احممم فا كلت لأبوي عن زوجك ....
دُلهام( بصدمه ) : وليش دكله بويه اصلا احنا زواجنا بس سيدد ليش سويت هيج ؟
سالم : هاي شبيك دُلهام مو شوفني جاي اغرد ليش تكطع كلامي هاي احترامك كاقاضي تقاطع كلام ابوك
دُلهام: بويه ما قصدي اقاطعك بس ليش سويت هيج
سالم: خليني اكمل ، فا جدك عزمك انت ومرتك يمه
دُلهام: بويه بصراحه اني ..........
__________
حبايبي خلص البارت الخامس انتظروني بارت السادس مو تنسون تصوتون حتى انشل كل أسبوع مو كل أسبوعين وتابعو حسابي على الواتباد والانستا هم بااي حباييييبي 🫂🙈♥️♥️♥️
