Cinde-BAEK-la 3: The Last Book

Finale 34

* * * * * 

Hinabol ni Baek Min sina Jesper at Jackson na kasalukuyang tumatakbo para huliin ang isang crab. Sobrang bilis ng takbo nung crab dahil nga, crab siya. Duh? Kaya sa huli, hindi din ito nahabol nina Jesper at hingal na napa-upo sina Manang Bebang at Min sa buhangin. 

"Crab..." naluluhang sabi ni Jackson sabay turo sa pinuntahan nung crab. Agad naman na lumapit sakanya ang Noona niya saka siya kinalong. Naiiyak parin si Jackson at ayaw tanggaling ang tingin sa butas na sinuotan ng walang hiyang talangka na yun. 

"It's okay, Jack." mahinang sabi ni Min habang pinupunasan yung mga luhang unti-unting dumarating. "We collected so many shells! They're all pretty, aren't they?" sabi niya saka ngumiti pa ng malaki. 

Umiling si Jack saka humikbi. "Crab..." iyak niya. "Crab, Noona..." sabay turo sa pinuntahan nung crab. Napabuntong hininga naman si Min saka pilit na pinatahan si Jackson. 

Pinapanood lang sila ni Jesper habang may hawak na shell na hugis starfish. Napulot niya iyon kanina at hindi na binitawan. Si Manang Bebs naman ay agad na nag-panic at kinarga agad si Jackson mula kay Min. 

"Huwag ka nang iyak, Jackson." malumanay na sabi ni Manang sa alaga niya. "Lagot ako kay Dada mo, anak!" 

Umiiyak parin si Jackson, yung sobrang lakas na iyak. Napatingin naman sina Min at Jesper sa may cottage, hinahanap ang Daddy at Papa nila, pero wala. Mukhang nasa hotel palang sila o di naman, sinalubong na sina Uncle Kyungsoo at Uncle Luhan nila sa entrance. 

"Noona, i think we need to find a crab." sabi ni Jesper saka napatingin sa paligid. Kumamot siya sa ulo niya saka napabuntong hininga. "Jack wouldn't stop crying, i know that." 

"And i don't want to burden Papa with Jack crying again." pag-sang ayon naman ni Min sa kapatid niya. "We're supposed to take care of him." 

Kinuha ni Jesper yung hawak ni Manang Bebang na timba. Binaliktad niya ito dahilan para matapon lahat ng laman nitong shells na kanina pa nila nakolekta. Tinaas niya ito saka ngumiti kay Min. 

"Let's go!" tawag niya saka tumakbo papunta sa mga crabs. 

Agad naman siyang sinundan ni Baek Min habang natatawa. Mga ilang beses din silang nakakita ng talangka pero nakakawala naman. Kahit gaano pa sila kabilis tumakbo, hindi nila ito naaabutan hanggang sa maka-uwi ito sa bahay niya.