وقاد الاصهب

النهايه « ختامها مسك»

ــــــــــــــــــــــــــــــــــــــــــــــــــــــ الاصهب

﷽

عذراء الزبيدي
بقلمي : روايه وقاد الاصهب

وُألمَح رَموُشَچ حَمـامَ أعلَه گلبَي تَحط جنَحها .

لطفاً لا تنسون التصويت والتفاعل بين البارتات

༺سدن ༻

مر يومين اني واصهب ابد منتواصل كاعده بغرفتي
افكر للمجهول شنو راح يصير فزيت على صوت صراخ
امي نزلت اركض بسرعه وكفت موسعه عيوني بصدمه
من شفتها شاكه ثوبها وشعرها ملخ تبجي بحركه كلب
لتفتت مصدومه اكثر من اردف بابا

فاضل : شنووووو مخطووووف ؟!!!

ركضت على ماما اريد افتهم شنوو صاير دفعت
ايدي تنتر بوجهي نتر

رنده : كله بسببج ولج اخوج ايهم انخطف
ولججج يردون يقتلوو يكولون لو تطلك منَّ
لو نقتل اخووووها ولج راح يروح ابني مني

اسمعيني سدن والعباس اتبره منج ولا انتِ
بنتي ولا اني امج إذا ماعفتي اصهب واطلكتي
منَّ

اذااااا صار شيء على اخوج ايهم بيدي
ادفنج بيدي هاي

سدن : واكفه بمكاني مصدومه ماكدرت حتى انطق
حرف بيبي كاعده اصيح

ام فاضل : راح يموووت الولد من وراها هجمت بيتنه
هجم هيَّ ورجلها

سدن : بابا واكف بصف ماما يهدي بيها بس هيَّ
فاقده وتحجي بكل عصبيه

رن جهاز بابا فتح خط يجاوب بسرعه
فاضل : شنوو غلط بالرقم شنوو ولكم منو انتو ؟!!

رنده : شنو شنو احجي
فاضل : غلطانين بالرقم مو ابنه بس لازم اروح حتى
انحدد الموقع  ونساعد هذا الولد شنو ذنبه وشنو حال
اهله