"كاذبون حين قالوا إن الحُب للحبيب الأول،
بل الحُب لمن رمم الروح بعد إنكسارها....".
# راقــت لي.
"ونسيت أن أبكي في المواقف الصعبة التي كانت تستدرجني للبكاء؛ تظاهرت بالثبات والصمود كما لو أنها لم تؤثر في قلبي،تجاوزت....!
تجاوزت حتي انفجرت باكياً لسبب تافه لا يُذكر".
# مقتبسة.
....................................................
ذهبت "ناريمان" إلي عملها و رأسها تضج بالأفكار ذات الصوت الصاخب ، وكل ما يدور بعقلها كيف سيقت الأقدار هكذا ، رجل يأتي لها ليتعالج من مرض نفسي ما لا تعرف عنه شئ حتي الآن ، وفي نفس الوقت شقيقها يحب شقيقة هذا الرجل ،حقاً يا للغرابة..!!
فاقت من شرودها علي صوت طرق علي باب غرفة المكتب ودخول "ندي" التي كانت تحمل بيدها كوب القهوة الخاص بـِ "ناريمان" وبعض الملفات اللازم مراجعتها من قبلها ، وضعت "ندي" ما بـِ يدها علي سطح المكتب قبل أن تقول لـِ "ناريمان" وهي في حيرة من آمرها :
-في إيه يا "ناريمان" ..؟
الصبح تقولي لي آجي العيادة مع إن النهاردة يوم الإجازة بتاعتك أصلا وكمان شكل في حاجة واخدة عقلك...في إيه..؟!
زفرت "ناريمان" بضيق ،قبل أن تقول لها وهي تطرق طرقات خافته بظهر القلم علي سطح المكتب :
-إمبارح يا ستي بعد ما مشيتي دخل عليا راجل عايز يتعالج في السر ....
-ليه يعني ،رئيس جمهورية..؟!
-لأ ،رجل اعمال مشهور في مجالات التكنولوجيا والأجهزة الأمنية والحاجات اللي زي دي ،وعايز يتعالج في السر علشان الصحافة ما تعرفش...
جلست "ندي" علي المقعد المقابل لها قبل أن تُمسك بكوب القهوة ترتشف منه رشفات قليلة ،ثم قالت بتفكير:
-واسمه إيه بقي رجل الأعمال دا..؟
-"أيهم الشاذلي" ،أنا وافقت أعالجه عادي ،بس في حاجة بقي دلوقتي..!
-إيه هي..؟!
مسحت "ناريمان" علي وجهه قبل أن تقول لها بابتسامة مصطنعة:
-الأستاذ "بدر" طلع بيحب أخت الأستاذ "أيهم" وعايز يتجوزها والبيت عندنا قايم قيامة علي الموضوع دا.
-ليه...؟!
-علشان أخته مطلقة وكمان مش بتخلف و"بدر" بيقول أنه كان بيحبها من زمان بس هو كان مسافر لما هي اتجوزت ودلوقتي عايز يتجوزها بقي.
أكملت "ندي" كوب القهوة ومن ثمَّ قالت لها:
-فين المشكلة بقي..؟!
ولاَّ مامتك مش موافقة..!
-برافو عليك هو دا اللي حصل ،ماما بتقول دا ابني الوحيد مش هتبقي أول بخته مطلقة وكمان مش بتخلف ،وماسكين في بعض علي كدا.
أومأت لها برأسها قبل أن تقول لها بإستفهام:
-دا مالوا بقي ومال موضوع أخوها..؟!
YOU ARE READING
"بضمان محل الإقامة"©
Short Story"قيمتك عند الشخص تعرفها من محاولاته التي يبذلها من أجلك ،وليس من الكلام". #نزار قباني.
