"الحُب لا يجمع المتشابهين ،الحُب يجمع المختلفين دائماً ،كأثنين بينهما فارق في العمر،أو أحدهم يعشق الإهتمام وآخر يحتويه البرود،أو قد تغير نفسك من أجل شخص بينما هو لا يغير ساكناً،اثنين أحدهما له ماضٍ والآخر يحب لأول مرة...."
# راقـت لـيِ.
"يوماً ما سنلتقي...
ونحكي كيف سارت بنا السُبل حتي اللقاء...."
#محمود درويش.
......................................................
-ألو يا "أيهم" في إيه...؟!
تعجب "أيهم" من رد ابن خاله وشقيق أخته في الرضاعة و صديقه أيضاً "عمر" ،الذي رد عليه قائلاً:
-أنت اللي في إيه ،بترد زي المتخلفين كدا ليه يا دكترة...؟!
زفر "عمر" بعمق قبل أن يلمس كتفه قائلاً له بفتور:
-مافيش حاجة كتفي بس بيوجعني شوية،في حاجة ولاَّ إيه...؟!
-لأ بطمن عليك بقالي كذا يوم ما بتكلمش معاك وأنت مش بتيجي البيت خالص فقولت أسأل يعني.
ثم استطرد قائلاً بإستفهام:
-وماله كتفك صحيح...؟!
توتر "عمر" فكيف يخبره أن فتاة حمقاء عضته من كتفه ابتلع ريقه قبل أن يقول له بنبرة جاهد لتكون طبيعية:
-هاااه ،اه لأ دا وأنا داخل أوضة المكتب بتاعتي خبطت في الدولاب و كتفي من ساعتها بيوجعني بس شوية والألم دا هيروح يعني.
-مش تاخد بالك يا ابني ...؟!
-يا عم بقي اهوه اللي حصل المرة الجاية ابقي أخد بالي.
ابتسامة صغيرة رُسمت علي محيا "أيهم" قبل أن يقول له بهدوء:
-إن شاء الله ،بقولك صحيح شوفت اللي حصل..؟!
تعجب "عمر" من رد صديقه ،فتابع معه الحديث قائلاً له بإستفهام:
-إيه اللي حصل..؟!
-روحت لدكتور نفسي زي ما قولت لي...
جحظت عيني "عمر" قبل أن يقول له بعدم تصديق:
-أنت بتتكلم بجد يا "أيهم"...؟!
روحت للدكتورة اللي قولت لك عليها..؟!
-ايوه طبعاً يا ابني دا أنا روحت لها مرة و كمان هقابلها دلوقتي علشان عايزة تقابل "ميرنا".
ضيق "عمر" عينيه قبل أن يقول له بعدم فهم :
-تقابل "ميرنا".....؟!
ليه هتعمل بيها إيه...؟!!
اضجع "أيهم" في جلسته وهو يراقب شقيقته وهي تنتقي بعض الملابس في أحد المتاجر التي توجد بـِ المول التجاري قبل أن يقول لـ "عمر" بسخرية:
-أصل يا سيدي اخو الدكتورة طلع عايز يتجوز "ميرنا" وبما إنها الدكتورة بتاعتي فقالت لي علي الطلب وأنا قولت لها علي رفض أختك التام للموضوع فـ قالت لي إنها ممكن تكون مخبيه عننا حاجة مخليها رافضة الموضوع ،فاتفقنا نتقابل النهاردة و هنعمل ان احنا اتقابلنا صدفة وانا هتحجج بأي حاجة واسيبها تقعد معاها شوية بس كدا.
YOU ARE READING
"بضمان محل الإقامة"©
Short Story"قيمتك عند الشخص تعرفها من محاولاته التي يبذلها من أجلك ،وليس من الكلام". #نزار قباني.
