السلام عليكم
- لو كان للذنوب صوت
- لـ ورد الهاشمي
- البارت الحادي عشر
"إشتدت عواصفُ قلبي
وأصبحَ كرهي لهُ بالكبرِ فائق
ماذا حصل كنت أحبهُ
والآنَ أريدُ أن أغمرهُ حرائق"
بالبداية قبل لا تبلشون البارت ، بنات اتمنى تتفهمون وضعي اني اموري مخربطة هاي الفترة بالنسبة للقصة ماگدر اكتب بالي مو يمها ، وحتى من اكتب مايطلع السرد بالمستوى المطلوب وارجع احذف
اتمنى تدعولي براحة البال
اذا اگدر اكملها فـ راح اكملها واذا ما گدرت اتركها وهم اذا لگيت وحدة تكتبها اسلمها الها
اعذروني وكونو وياي اني هم بشر مثلكم مرات تجيني ايام حالتي النفسية مو تمام وفد نوب ما الي خاطر اكتب🤍
قراءة ممتعة🤍
___________________________________________
كالعادة اگعد على صوت العصافير متكاونات يم الشباچ فتحت عيني ودحگت على شباچ كبرت عيوني ونگزت من مكاني بس لا الشمس طالعة راحت عليه صلاة الفجر وخرت الغطة وركضت وگفت يم الشباج ادحگ ،، لا بعدها بعدها الحگ ، ركض رحت للحمام لگحت شالي ورميت جواريبي بالممر وفتت اتمسح ،، سميت بالله وصرت اتشاهد مسحت إيدي اليمنى واني اتشاهد ورحت لليسرى وگلت
( اللهم يسر ولا تعسر ، اللهم يسر ولا تعسر)
كل وحدة ثلاث مرات وبلشت بوجهي
كملت وضوئي وباقي الحواس ختمتها برجلية غسلتهن ع سريع وطلعت من الحمام دنگت ع گاع اخذت شالي والجواريب وركضت للغرفة رجعت ادحگ من شباج بعدها همزين رحت گعدت بالگاع البس الجواريب وگمت وگفت لبست شالي عدل
رددت نية الصلاة
وبعدها قريت الدعاء الي احبة
( اللهم باعد بيني وبين خطاياي كما باعدت بين المشرق والمغرب )
الله اكبر ،، وبلشت بسورة الفاتحة خلصت الركعة الاولىٰ سجدت اول سجدة رفعة راسي عن الگاع گعدت وخليت إيديه على رجليه ورددت( اللهم اغفرلي)
وسجدت مرة ثانية وبلشت بالتشهد الأول( التحيات لله والصلوات الطيبات المباركات السلام عليك ايها النبي وعلى الك وصحبك اجمعين السلام علينا وعلى عباد الله الصالحين ، اشهد أن لا إله إلا الله واشهد ان محمد رسول الله
گمت وقريت سورة الفاتحة وحدها ركعت ورددت بعدها (سمع الله لمن حمده)
سجدت
ورددت التشهد الأخير( التحيات لله والصلوات الطيبات المباركات السلام عليك ايها النبي وعلى الك وصحبك اجمعين السلام علينا وعلى عباد الله الصالحين اشهد ان لا إله إلا الله واشهد ان محمد رسول الله ، اللهم صلي على محمد وآل محمد كما صليت على إبراهيم وعلى آل إبراهيم وبارك على محمد وآل محمد كما باركت على إبراهيم وعلى آل إبراهيم إنك حميد المجيد
وسلمت يمنى يسرى
طلعت إيدي اليمنى وصرت اسبح على عدد المربعات الي بأصابعي بكل اصبع ثلاث مربعات ماعدة الأبهام مربعين خلصت تسبيح ومسحت راسي و وجهي واني نازلة لكل جسمي واسمي على نفسي
ضليت على گعدتي واني اقرأ أية الكرسي ، حيل زينة احب اقراها بعد كل صلاة
