وأقول في نفسي دائماً أن ما يحصل معنا قدر وليس مصادفة او حظ كل شيء مكتوب عند الله سوف تأخذك نصيبك بقدر ما تقدم من عمل وبقدر ما تفعل من خير سيعود إليك الخير وبقدر ما تفعل من شر سيرتد عليك هكذا هي الحياة فكما تَدين تُدان ❤️
يارا:رجعت للبيت واني مخربطه افكاري ما اريد اسوي شي غلط ولا أحب احد شلون يا ربي استر عليه وحقق حلمي مبقه شي بس الكلية
نحن لا نقرر من سنحب لان هذا ليس بأيدينا ولا بعقلنا قلوبنا هي التي احبت❤️~
يوسف:رجعت للبيت وهم دا أفكر بيها شنو هاي معقوله هذا الحب من اول نظره هههه لا اكيد ماكو هيج شي بس شلون مدّا تروح من بالي كافي خلي اركز ع الدراسه حته أخذ درجات عالية هذا الشهر هم يا الله
ثاني يوم
لبنى:هلا حبي شلونج
يارا:هلا لولو الحمدلله وانتي
لبنى:الحمدلله احم احم
يارا:شكو
لبنى:😐😐
يارا:احجي لا بالحذاء
لبنى:الحلو ديباوع
يارا:يا حلو
لبنى:باعي كدامج
يارا:🙊😑
لبنى:ايي
يارا:شنو ايي
لبنى: روحي احجي ويا
يارا:صدگ كذب شدتحجين لبنى شكو داحجي ويا ميصير
لبنى:ع كيفج شيخه
يارا:لا شيخه ولا شي بس اني مو مال هيج سوالف
لبنى:افتهمنا شيختنا
يارا:لبنى كافي
لبنى:شيختنا شيختنا هههههه
يارا:اليوم بالحذاء انتي ردتيها
لبنى:يا يمةةة ههههه وكامت تركض ويارا تركض وراها
بعدين وگفوا يم شجرة جان يمها يوسف وياسر
يارا:اخخخ يابه تعبت الله يسامحج لبنى
لبنى:اسكتي شيخه بعد ما احجي اي شي
يارا:اي هو هذا المطلوب
ياسر ويوسف:ههههههههههههههههه
يارا:دتسمعين هذا الصوت لولو
لبنى:اي منا
يارا:انداروا وره الشجره شافوا يوسف وياسر خربانين من الضحك
ياسر:اوويلي بطني ههههههه لك يوسف راح افقد
يوسف:اخخ يمةة هههههههههههه غير فلم
يارا ولبنى:ظلوا صافنين وخجلانين وجهن احمر😳😳
يارا:😒😒 ع شنو الضحك
يوسف:لا لا ماكو شي ههههههه
ياسر:ابد ماكو شي هههههه
لبنى:شبيكم خربانين ضحك
يوسف:من وره الفلم مالتكم هههه
لبنى:لو تدري ع منو الفلم 😏😏
يارا:لبنى صمي حلگي وامشي
يوسف:ع منو
لبنى:الله كريم تعرف بعدين
يارا:احترگتي لبنى امشي
ياسر:لحظه لحظه
يارا:شكو 😑😒
ياسر:مصار مجال نتعرف اني ياسر طالب سنة ثالثه وهذا صديقي يوسف هم سنة ثالثة بس اني اشطر منه
يوسف:شنو هل كذب اني الاول اني ألك
لبنى:هههه تشرفنا اني لبنى طالبة سنة أولى وهاي صديقتي يارا هم سنة أولى بس هي اشطر مني 😢
يوسف:اها النا الشرف
يارا:امشي عاد
لبنى:اجيت يلا مع السلامه
ياسر ويوسف:الله وياكم
يارا:انتي شدتسوين اني شاحجي وانتي شوفي شدتسوين
لبنى:يعني شنو ارتكبت جريمه
يارا:اني راح ارتكب جريمه بيج
لبنى:صدگ هاي نهاية العشره لاه لاه
يارا:بقيتي عشره ام عشر لسنه
لبنى:هههههه شفتي شلون جان يباوع عليج
يارا:اي وشنو
لبنى:شنو وشنو تنطي فرصه
يارا:احووو انتي شبيج بابه ما اريد احد
لبنى:غبيه مو صوجج صوجي اريد مصلحتج
يارا:دمشي ثوله راح تبدي المحاضرة
لبنى:اوك يويو😏☺️
ياسر:غير فلم من الصبح
يوسف:ايي شفتها شلون حلوه
ياسر:هم رجعنه
يوسف:لك باباتي البارحه بس أفكر بيها والقبله هم شلون
ياسر:مشفتها شلون متكبره ومتنطي مجال
يوسف:بعد احسن اني اريد هيج
ياسر:خبل عمي خبل
يوسف:اي وافتخر
ياسر:اسكت اجه الاستاذ
يوسف:اوك
الاستاذ:السلام عليكم
الطلاب:وعليكم السلام
وبدت المحاضرة وخلصت المحاضرات هذا اليوم
ومرت الأيام ويوسف نفس الحاله يظل يباوع ع يارا بس هي مديرله بال تحاول تتجاهله بدون متعترف انو بدت تحبه
(وهكذا نحن نكابر عندما نحب لا نريد ان نعترف بأننا نحب نبقى متوهمين بأننا لم نقع في الحب لكن بالفعل أصبحنا نحب ❤️)
____________
نهاية البارت السابع
ياربي يعجبكم اريد تفاعل حتى كل يوم اكتب
